SEMUEL SUSULAK-KA ESAN-NA 8:6 - Susula Malalaok Hehelu Palak Ma Hehelu Beuk

⁶ Tehu Semuel dalen-na nape'da dale nasak no sila hala nonoken ndia fa. Boema ana hule-haladoi neu Manetualain,

SEMUEL SUSULAK-KA ESAN-NA 8:6 ပူးပေါင်းရင်းမြစ်များ

MAZMUR 109:4

Ala lakasasa'ek dede'ak neu au, leomae au sue-lais, ma au hule-haladoi fes.

KELUARAN 32:21

Boema nafa'da Harun nae, “Ala tao hata neu o, de nalosa o po'ilotak-kasa tao sala-singok matuaina?”

KELUARAN 32:32

Sa'di leo been-na, O fe do'o do ampon neu sala-singon-nala; metema ta soona, loseheni au na'deng fo O sulak basan nai O Susalam dale.”

HOSEA 13:10

Emi moke manek ma mauli-malangan, tehu besak ia, basa-basas lai bee? Ade ala bisa soi-tefa-la emi laum-mala do ta?

BILANGAN 16:15

Musa namanasa nanseli, de nafa'da Manetualain nae, “Manetualain, Boso sipok sila tutunu-hohotun. Beita la'iesa boen, fo au tao akatutu'dak sila hataholin esa boen; lena-lenak, beita la'iesa boen, fo au ho'i-a sila keledein esa boen.”

BILANGAN 16:22

Tehu Musa no Harun senek, de lafa'da lae, “Ou Manetualain, O nde fe maso'dak neu basa hata maso'dak lala'en-na. Metema ka'da hataholi esa mesak-kana nde nasala-nasingo soona, ade O mamanasa basa hataholi Israel-la lala'en-na do?”

BILANGAN 16:46

boema, Musa nafa'da Harun nae, “Ho'i-ma o mamana ha'im-ma, fo ho'i ha'ikaak neme mei tunu-hotuk lain mai, fo taon leo dalek neu, ma tao boomenik neu ha'ikaak lain. Menin lai-lai leo hataholi Israel-la neu, fo tao feta sala-singok hapu do'o do ampon soaneus. Lai-lai leona! Te Manetualain nasa-melun lua ponu-ponu, ma he'di-laus mulai so.”

FILIPI 4:6

Boso bii neu hata esa boen. Hule-haladoi nai basa dede'ak lala'ena dalek, ma manduku-malosak emi nonoke ma neu Manetualain. Hata fo emi paluun soona, mafa'dan tataas esa neu Manetualain, no moke makasi.

YAKOBIS 1:5

Metema hapu hataholi esa nai emi dalek, dudu'a-aafi manatee teno na beita dai fa, soona ela leo bee na, ana noke neme Manetualain mai fo neukose Manetualain fen dudu'a-aafi manatee tenok; nana Manetualain fe no dale malole ma susue-lalaik, neu basa hataholi la.

SEMUEL SUSULAK-KA ESAN-NA 10:19

Au soi-po'i emi neme basa doidosok ma honggu'uk lala'en-na mai so, tehu besak ia, emi ta sipok Au, fo emi Manetualaim-ma fa, nanahu emi moke, fo ela Au atu'du fe emi manek esa. Nah, malole so, de makabubua nai Au, fo emi Manetualaim Manakoasam-ma matan, tunga emi esa-esak leon.’ ”

SEMUEL SUSULAK-KA ESAN-NA 12:12

Tehu lelek emi mita Nahas, fo Amon manen-na, sanga sapu-na emi boema, emi ta sipok Manetualain da'di emi manem fa, de emi mafa'da au mae, ‘Ami hii manek esa paleta ami.’ ”

SEMUEL SUSULAK-KA ESAN-NA 12:17

Neukose au aloo bou-bou neu Manetualain, fo leomae besak ia, fai hanas, tehu neukose Manetualain fe mangguluk-ka ma u'dan-na mai, fo da'di leo natataak neu au huhule-haladoing. Nai hatematak ndia, neukose emi mame'da, emi sala-singom ba'un-na seli soaneu Manetualain nanahu emi moke manek esa.”

SEMUEL SUSULAK-KA ESAN-NA 12:19

Boema, lafa'da Semuel lae, “Fali-ma, ami dei Ama, hule-haladoi neu Manetualain fo o Manetualaim-ma, fo ela boso mate ami. Besak ia, ami mame'da mae fe'ek neme ami sala-singom makahulun-na mai, ami masala-masingo seluk, nanahu ami moke manek esa.”

SEMUEL SUSULAK-KA ESAN-NA 12:23

La'eneu au soona, sa'di leo been-na, boso nalosak au asala-asingo neu Manetualain nanahu au ta hule-haladoi fe emi fa. Nasafalin-na, neukose au boeo, au anoli akandoo emi nanolik malole ma ndoos.

SEMUEL SUSULAK-KA ESAN-NA 15:11

“Au asasale dale, so'u Saul da'di manek, nana ana lepos nasadea Au so, ma ana ta nakalala'ok Au paletang-nga fa.” Semuel dalen-na he'dis-sa, de le'odae katemak esa, ana haladoi neu Manetualain.

SEMUEL SUSULAK-KA ESAN-NA 7:5

Basa ndia boema, Semuel nafada nae, “Maloo makabubua basa leoina Israel-la lala'en-na nai Mizpa, soona neukose au hule-haladoi neu Manetualain soaneu emi.”