SEMUEL SUSULAK-KA ESAN-NA 8:20 - Susula Malalaok Hehelu Palak Ma Hehelu Beuk

²⁰ Ami dale hii-hiim-ma, sama leo leoina fe'ek-kala, fo ami manem-ma muse ana paleta ami, ma nauli-nalanga ami nai natee-natatik dale.”

SEMUEL SUSULAK-KA ESAN-NA 8:20 ပူးပေါင်းရင်းမြစ်များ

MAZMUR 106:35

Nakalenak, ala leo-lapalasa loo leoina sila-la ma ala na'da hataholi fo, ta lalelak Manetualain ndia, so'dan-nala eno-dalan.

KELUARAN 33:16

Tao leo beek fo neukose hataholi ia-la bubuluk lae au ma leoina ia mandaa moo O dalem-ma, metema O ta tulu-fali ami fa. Manetualain mamain-na nai ami tala'daheom, neukose ana tao na ami fe'ek neme leoina fe'ek manai daebafak-ka.”

BILANGAN 23:9

Au itas, leme letek-kala poin-na mai; Mitak, leoina esa mesak-kana, ana ta nau leken leo leoina fe'ek dalek neu fa.

YOHANIS 15:19

Leo uni ka, daebafa ka nuun emi soona, neukose daebafa ka sue-lai emi, da'dileo ndia nuun. Tehu Au hele basa emi neme daebafak ia mai so, da'di daebafa ka nuun ta emi so'on. Hu ndia de, daebafa ka nakamu-nakadau emi.

ROMA 12:12

Ela leo bee na mamahena neu ka'da Lamatua ka no namahokok, boso haelai mamanasa nai toto'a-tataa ka dalek, ma hule-haladoi mahele.

2 KORINTUS 6:17

Hu ndia de, la'oela hataholi fo ta nalelak Manetualain ndia, ma ta'da kofe'ek emi aoina ma neme sila mai. Boso makabubua makandondook mo hata manggenggeoka, soona neukose Au sipok emi.

ULANGAN 7:6

Emi muse tao basa sila-la, nanahu emi Manetualaim-ma, nuun emi. Ma neme basa leoina manai daebafak-ka lala'en-na, emi Manetualaim-ma, Ana helek-ka nde emi, soaneu emi da'di Ndia anan, fo malalao-malalafuk.

FILIPI 3:20

Tehu ita nde bee na, nusa so'da ka hataholin ita. Lamatuak Yesus Kristus fo ita Mane Mana Fe So'da na, Ana mai neme mamanak ndia mai boe. Ndia nde ita tahani ninga-ninga too nana.

1 PETRUS 2:9

Tehu emi ia nde bee na, leoina nanahelek, fo la lalau-laoono mane ka mane ka imam mala, leoina malalao-malalafuk, ma Manetualain hataholi kamahehele susue-lalai nala. Manetualain hele emi, ma nalo emi kalua meme makahatu ka dalek mai, fo masok leo mangale'do mandela-masa'a na dalek meu, fo ela emi tao mamaloloa Manetualain tatao-nono'i matua ina nala.

SEMUEL SUSULAK-KA ESAN-NA 12:12

Tehu lelek emi mita Nahas, fo Amon manen-na, sanga sapu-na emi boema, emi ta sipok Manetualain da'di emi manem fa, de emi mafa'da au mae, ‘Ami hii manek esa paleta ami.’ ”

SEMUEL SUSULAK-KA ESAN-NA 12:2

Mulai besak ia, ndia nde neukose nauli-nalanga emi. Mitak au ia amalasi ma mofa so Au auli-alanga emi doon-na seli so – mulai neme tepo-lelek au bei muli-solung-nga, losa besak ia. Buti-na nde, au anang-ngala matuaina-la so.

SEMUEL SUSULAK-KA ESAN-NA 8:5

de lafa'dan lae, “Mamanene leon Ama, Ama namalasi so, te Ama anan-nala ta ta'bu tunga Ama ei tata'bun-na fa. Da'di, Ama so'u fe ami manek esa, fo daenga ami manuu manek sama-na leo leoina fe'ek-kala boe.”