SEMUEL SUSULAK-KA ESAN-NA 8:14 - Susula Malalaok Hehelu Palak Ma Hehelu Beuk

¹⁴ Neukose ana ho'in-na emi tinam-mala, emi osi angol-la, ma emi osi setum neulaum-mala fo ana fes leo ndia hataholi mana'a ngga'din-nala neu.

SEMUEL SUSULAK-KA ESAN-NA 8:14 ပူးပေါင်းရင်းမြစ်များ

1RAJA-RAJA 21:19

fo mafa'dan mae Au, fo Manetualain nafa'da nae leoia, ‘O manisa so, baite o maseti-mahange bai! Hu ndia de, neukose busa-la lalamemei o daa ma nai mamanak fo busa-la lalameimei Nabot daa na!’ ”

1RAJA-RAJA 21:2

Faik esa boema Ahab nafa'da Nabot nae, “Fe o osi angol la leo au mai, nana osi ndia deka no au uma mane nga. Au ahiik sele uta-aidoo neu ndia. Neukose o hapu osi angol fo malole na lena, da'di neu ngganggati na, do metema o nau soona, au asa an nenik belin-na nandaa.”

1RAJA-RAJA 21:7

Izebel nataa nae, “O nde manek nai Israel! Besak ia fo'a fo mu'a leona. Mamahoko leona, nana neukose au fe Nabot osi angol ndia neu o!”

YESKIAL 46:18

Manapaleta ndia, ta bole ho'i-na laun-na, daen faa anak boen. Ana bole fe ndia daen-na, leo anamanen-nala neu, fo ela Au anang-ngala, esa boen, ta bole pasi neme pusakan-na mai fa.”

SEMUEL SUSULAK-KA ESAN-NA 22:7

nafa'da basa malanga solda'du matuainan sila-la nae, “Mamanene leona, hai hataholi Benyamin-nala lemin! Ade, touk fo mana'de Dauk ndia, neukose ana fe emi tina ma osi angol do? Ade, neukose ana so'u emi basa-basam-mala, da'di malanga solda'du matuaina nai solda'dun-nala dalek do?

SEMUEL SUSULAK-KA ESAN-NA 8:13

Neukose nadenu emi anainam-mala tao fen mina kaboomenik, ma ala da'di ndia tuka do'de-nasun ma tuka loti.

SEMUEL SUSULAK-KA ESAN-NA 8:15

Neukose ana puku fe emi tinam, ma emi osi angom-mala bea-nala baba'un-na neme buna-boan mai, fo susu'dik sanahulu soona, fe susu'dik esa, fo ana fes leo ndia malanga solda'du matuainan-nala, ma basa ndia hataholi mana'a ngga'din-nala.