SEMUEL SUSULAK-KA ESAN-NA 7:17 - Susula Malalaok Hehelu Palak Ma Hehelu Beuk

¹⁷ Basa soona, ana fali leo uman-na nai Rama. Nai naa, ana da'di hataholi Israel-la mauli-malangan, ma napadedeik mei tunu-hotuk esa, ba'eneu Manetualain boe.

SEMUEL SUSULAK-KA ESAN-NA 7:17 ပူးပေါင်းရင်းမြစ်များ

KEJADIAN 33:20

Basa boema, ana taon-na mei tunu-hotuk esa neu mamanak ndia, de ana foin na'de “El, fo Israel Manetualain-na.”

KEJADIAN 35:7

Nai ndia, Yakob napadedeik mei tunu-hotuk de ana foi mamanak nida na'de “El-Betel”, nanahu Manetualain natu'du aoinan-na neun nai lelek nalai neme ka'an-na mai.

YESAYA 10:29

Ala seli lelenak-ka so, de ala sungu nai Geba! Kota Rama laun-nala dele betoo, ma laun manai kota Gibea, Mane Saul-la kotan-na, lalai so.

HAKIM-HAKIM 4:5

Biasan-na, Debora nangatuuk nai ai kurma huun-na, nai Rama ma Betel tala'da, nai letelepak Efraim-ma. Ma nai ndia nde, hataholi Israel-la mai loken, nanoli-nafa'dak.

HAKIM-HAKIM 6:24

Boema, nafofo'an-na, mei tunu-hotuk esa neu ndia, de ana foin na'de “Manetualain Oemata so'da-molek.” Mei tutunu-hohotuk ndia, bei nai Ofra, fo nde hataholi Abiezer-ra kotan-na.

SEMUEL SUSULAK-KA ESAN-NA 1:1

Hapu touk esa na'de Elkana, neme leo Efraim-ma mai. Ana leo nai kota Rama, nai Efraim dae letelepan-na. Elkana nde been-na, Yeroham anan, ma Elihu upun. Ana masok teidalek Tohu, fo ndanak neme leo Zuf-fa mai.

SEMUEL SUSULAK-KA ESAN-NA 1:19

Balahaa boema, Elkana no uma isin-nala fo'a fafaik, de ala makaluku-makatele basa neu Manetualain boema, ala fali leo Rama leu. Boema Elkana sungu no saoinan Hana ndia, de Manetualain sipok Hana huhule-haladoin.

SEMUEL SUSULAK-KA ESAN-NA 11:15

Boema basa-basas leu leo Gilgal leu, de nai mamana makaluku-makatele ndia, Saul nanadoo ei nabebeuk da'di manek. Ala tunu-hotu tutunu-hohotu mole-dame, de Saul boema basa leoina Israel-la lala'en-na, tao manada'dik ndia fetan-na.

SEMUEL SUSULAK-KA ESAN-NA 14:35

Boema Saul napadedeik mei tunu-hotuk ba'eneu Manetualain; fo napadedeik mei tunu-hotuk makasososak-ka nde ndia.

SEMUEL SUSULAK-KA ESAN-NA 15:34

Basa ndia boema, Semuel neu leo Rama neu, ma Manek Saul-la fali leo uman-na, nai Gibea.

SEMUEL SUSULAK-KA ESAN-NA 2:11

Boema Elkana no uma isin-nala fali leo Rama leu, tehu Semuel, fo ni'iana ndia, nahele neme Silo, de nalalau-naoono Manetualain nai Imam Eli paletan-na dae.

SEMUEL SUSULAK-KA ESAN-NA 28:3

Mate basa Semuel so, de Israel-lala'en-na kii-makaleleun, basa boema, latoin nai Rama, fo Semuel kotan-na. Teuk de'u bee maneuk-ka, Saul usi heni basa manasiula-tongonok-kala, ma hataholi manamaloo nalelak samanek-kala lema Israel mai.

SEMUEL SUSULAK-KA ESAN-NA 8:4

Hu ndia de, basa mauli-malangan Israel-la lakabubua, boema leu latongo lo Semuel nai Rama,

SEMUEL SUSULAK-KA ESAN-NA 9:12

Anafe'oanak sila-la lataa lae, “Hei, hapu, besak-ka neu. Metema emi la'ok lai-lai soona, fafa'kama emi tunga hapun. Besak-ka ana fali ma'in leo kota mai, nanahu faik ia, hapu tunu-hotu fe laun-na tutunu-hohotuk nai mei tunu-hotuk nai pupukuk lain. Metema ana beita mai fa soona, hataholi nanaka'ik-kala beita la'a fa, nanahu muse ana fe nakahuluk baba'e-papalak neu tutunu-hohotuk sila-la dei. Metema emi meu besak ia soona, neukose ana beita nda'e pupukuk-ka fo neu na'a fa te, emi matongo moon so.”