SEMUEL SUSULAK-KA ESAN-NA 6:4 - Susula Malalaok Hehelu Palak Ma Hehelu Beuk

⁴ Hataholi sila-la latane lae, “Ita muse fen, sosoi-tetefak beek-ka?” Basa imam sila-la lataa lae, “Peta-paek lima nanataok neme lilopilas, ma lafo lima nanataok neme lilopilas, fo nandaa no Filistin manen-nala dede'un-na. Ade, soe fo manatunin-nala emi basa-basam-mala, nau laun do manek boe, ta nalupa peta-paek, ma lafo hetu?

SEMUEL SUSULAK-KA ESAN-NA 6:4 ပူးပေါင်းရင်းမြစ်များ

KELUARAN 12:35

Ala tao basa hata fo Musa nafa'dak-kala boe, fo nde loke lilopilas ma lilofulak, boema bua papakek neme hataholi Masir-rala mai.

YOSUA 13:3

ma nusa Awi lala'en-na leo kona neu. (Nusak maneme Lee Sikhor-ra, nai Masir dae toon-na, losa leo Ekron dae toon-na nai boboak kii, basa sila lala'en-na, leken leoina Kanaan-na nusan sila; ma mane-manek Filistin manaleo nai Gaza, Asdod, Askelon, Gat, ma Ekron.)

HAKIM-HAKIM 14:19

No kaiboik, Simson da'di mabe'i-balakaik, hu kande Manetualain koasan-na, boema neu leo Askelon neu. Nai naa, ana taonisa touk manapake bua-lo'as manahiik 30. Ana ho'i-na hataholi sila bua-lo'an-nala, de ana fen leo hataholi ka teluhulu fo mananeuk neneun-na. Basa ndia boema, ana fali ne'un leo uman neu, no nasasale dale.

HAKIM-HAKIM 3:3

Leoina fo bei leo lahele nai nusak ndia: nde leoina fo manaleo nai Filistin kotan lima dalek-ka, basa leoina Kanaan-nala, leoina Sidon-na, ma leoina Hewi, fo manaleo nai letelepak Libanon-na, mulai neme Letek Baal-Hermon-na losa leo enok manaleo Hamat neu.

SEMUEL SUSULAK-KA ESAN-NA 5:12

Mate ela hataholi bee soona, he'di peta-paek la'en, nalosa kota ndia laun-na nggasi neu sila lamatua daebafan-nala, fo loke tutulu-fafalik.

SEMUEL SUSULAK-KA ESAN-NA 5:6

Basa boema, Manetualain huku Asdod laun-nala loo nusak manai titia-tatain nenik peta-paek nai aon-nala.

SEMUEL SUSULAK-KA ESAN-NA 5:9

Tehu lelek peti ndia losa kota ndia boema, Manetualain huku kota ndia boe de lapangamak matuaina da'di. Kota ndia laun-nala, nau mulik do lasik boe, nanahukuk nenik peta-paek da'di nai aopaan-na.

SEMUEL SUSULAK-KA ESAN-NA 6:5

Da'di, emi muse nana dulak neme peta-paek ma lafo fo nanataok neme lilopilas, manatao nalutu emi nusam-ma. No enok ndia, emi fe ha'da-holomata neu Israel Manetualain-na. Fafa'kama, neukose Ana hahae huku emi, ma emi lamatua daebafam-mala boema emi daem-ma.

SEMUEL SUSULAK-KA ESAN-NA 6:8

Basa soona, ho'i-ma Manetualain Peti Hehelu-balataan-na, fo fuan leo nggalobak lain neu, ma pe'da balaka anak-ka neu boboan-na, balaka anak ndia isi-na bua-lo'a lilopilas, fo muse emi tunu-hotu fen, da'di leo soi-tefak neu emi sala-singom. Boso hela nggalobak-ka no sapi sila, nemen-na fo ala la'ok aon.