SEMUEL SUSULAK-KA ESAN-NA 6:19 - Susula Malalaok Hehelu Palak Ma Hehelu Beuk

¹⁹ Tehu, hu kande hataholi Bet-Semes sila-la titino leo Manetualain Peti Hehelu-balataan dalek neu, de Manetualain taonisa sila hataholin hituhulu. Boema laun-na falu, nana Manetualain fe soe matuina tuni nalas.

SEMUEL SUSULAK-KA ESAN-NA 6:19 ပူးပေါင်းရင်းမြစ်များ

2 SEMUEL 6:7

Nai hatematak ndia boe, Manetualain namanasa Uza, nanahu tatao-nono'in ndia, nalupa nakamumulu-nakamamaek esa neu Manetualain. Boema, Ana taonisa Uza neme mamanak ndia, deka no Peti Hehelu-balataak-ka.

2TAWARIKH 25:21

Hu ndia de Yoas no ana boa-nala leu leo Bet-Semes leu de latee-latati loo Amazia nai naa.

KELUARAN 19:21

de Manetualain nafa'dan nae, “Kona leona, fo fe hataholi sila-la nasanene'dak, mae ala ta bole lena dae too-a, fo ala mai mete Au. Metema, ka'da ala lenan soona, neukose mate sila ba'uk-ka.

KELUARAN 33:4

Basa boema, Manetualain nadenu Musa nafa'da leoina Israel-la nae “Emi, leoina langa batuk. Leouni'ka Au tunga o emi, leomae ka'da dodoo faa mesak-kana, tao leo bee o, Au tao amopo-amate la'iesak emi. O'duheni emi lilo-henum lala'en-na, soona neukose Au aketu hata fo Au taon soaneu emi.” Lelek lamanene Manetualain halak-kaka'in ndia boema, dalen-nala he'dis nanseli sama leo hataholi manafalu mamates-sa. Boema ala o'duheni lilo-henun-nala. Da'di, ala la'oela Letek Sinai boema, leoina Israel-la ta pake lilo-henu so'on.

BILANGAN 1:51

Metema emi lali mamanak soona, hataholi Lewi sila nde ofe heni Au Lalaa Temang-nga, ma ala pasak falik-kana nai mamanak fo nai bee, emi ofu. Fe'ek neme hataholi Lewi sila-la mai, su'di see fo ana deka no Lalaa Temak ndia soona, muse nanahuku nisak.

BILANGAN 4:15

Manetualain nafa'da Musa no Harun nae, “Nai lelek emi ofe heni mamana ofu-a soona, Harun no anan-nala muse leu leo Au Lalaa Temang dale leu, fo ala poti ketu basa bua-lo'as ma hata-heto manai sila-la. Basa ndia soona, besak-ka hataholi Kehat-tala bole mai fo ala ndolon leona. Tehu, ala ta bole mete do deka, do ko'i la'e hata-heto sila-la fa, nanahu nanafe hehelik basa neu Au so. Metema ala la'o lenan soona, neukose mates. Da'di, fo ela hataholi Kehat sila-la na'den-nala boso nanalose henik neme leo Lewi-a dalek mai, Harun no anan-nala muse fe sila esa-esak bela-ba'u beek fo muse lenin. Hataholi Kehat-tala bela-ba'un nde ndia, nai lelek lali heok Au Lalaa Temang-nga. Eleazar fo Harun anan-na, muse mete-nakanae Au Lalaa Temang-nga lala'en-na, banuk-kala minan-na, boomenik-ka, tutunu-hohotu gandum soaneu nana'ak fo nanasadia nahelek-ka, mina feta, ma basa hata manai Au Lalaa Temang ndia dalek.”

ULANGAN 29:29

Ita Manetualain nafuni dede'ak de'ubee; tehu nafa'da hoholo-lalanen neu ita, de ita ma ita tititi-nonosin-nala, muse tungan losa dodoon-na.”

KOLOSE 2:18

Boso po'ilotak hataholi fo ta'ko nakaloloe ao na do namahele ata nusa so'da kala, tao nakatutu'dak emi. Te hataholi ndia, ana koao ninik dudu'a-aafi daebafa na boema namatutua-namadedema ao na ninik ninita nala,

1 PETRUS 4:17

Fai na losa, soaneu Manetualain naketu-nala'di daebafa ka so. De neukose Manetualain hataholi kamahehele nala nde, nananaketu-nala'di nakahulu ka. Naa, metema Manetualain mulai naketu-nala'di losa ita soona, neukose da'di tao leo beek neu hataholi fo, ala ta lamahele Manetualain Hala Malolen ndia fa?