SEMUEL SUSULAK-KA ESAN-NA 6:17 - Susula Malalaok Hehelu Palak Ma Hehelu Beuk

^17-18 No enok ndia, hataholi Filistin-nala haitua fe Manetualain tutunu-hohotuk sala-singok nanasoi-tefak soaneu Filistin manek-ka liman fo ala paleta kota ka limak-kala, laun-nala. Kota sila-la nde, Asdod, Gaza, Askelon, Gat ma Ekron. Nai kota sila-la, hapu nggelok lanuu kota musu, ma nggelok ta. Kota sila-la esan-na haitua peta-paek nanataok neme lilopilas esa ma lafo nanataok neme lilopilas esa. Manada'dik ndia buti-na nde batu matuaina, mamanak fo ala pe'da Manetualain Peti Hehelu-balataan. Losa faik ia, batu ndia bei nahele nai Yosua, fo hataholi Bet-Semes ndia, tinan-na.

SEMUEL SUSULAK-KA ESAN-NA 6:17 ပူးပေါင်းရင်းမြစ်များ

2 SEMUEL 1:20

Sa'di leo been-na, hataholi Gat-tala, ta lamanene manada'dik ndia fa. Sa'di leo been-na, mangalolok Askelon-nala, ta hapu halak la'eneu dede'ak ndia fa. Boso nalosak ina Filistin-nala eeki-latadale boso nalosak, ina dinitiu-la lakalupu-lakasee.

2 SEMUEL 21:22

Dauk no solda'dun-nala, taolisa hataholi ka haak sila-la nde been-na, hataholi ao matua ei madema manai Gat-tala, tititi-nonosin sila.

2RAJA-RAJA 1:2

Faik esa boema, Mane Ahazia neme Israel mai, de ana tu'da neme uma manek manai Samaria, ta'dak lain mai, nalosa makahina belak. Boema nadenu hataholi, fo neu natane Baal-Zebub, fo kota Ekron-na nai Filistin, lamatua daebafan-na, ade neukose ana lea-hai do ta.

2TAWARIKH 26:6

Uzia natee-natati la'ban hataholi Filistin-nala. Ana tao nakalulutuk kota Gat, Yabne, ma Asdod papala nanadaman-nala, boema napadedeik kota-kota fo lanuu kota musu deka no Asdod ma nusa fe'ek-kala nai Filistin.

IMAMAT 5:7

Tehu, metema hataholi masalak-ka, ta nalak sadia bi'ilopo do bi'ihiik soaneu soi-tefa sala-singon fa soona, muse neni manupui kateu dua, do kalua ana dua, fo esa soaneu tutunu-hohotuk sala-singok hapu do'o do ampon, ma esa seluk, soaneu tutunu-hohotu nanatunuk.

AMOS 1:6

Manetualain nafa'da nae, “Nusa Gasa laun-nala lasala-lasingo tataas esa, hu ndia de, tao leo bee-o, neukose Au hukus. Ala foo leni leoina esa lala'en-na, de lase'os da'di leo ata neu hataholi Edom-mala.

AMOS 6:2

Meu leona, fo mete nai Kalne, boema la'ok makandoo leo kota Hamat fo matuaina ndia, basa soona, meu leo kota Gat fo nai Filistin. Emi maedaenga, kota sila-la malole lena neme nusa Yehuda ma Israel mai do? Ade sila nusan-na ta ba'u lena emi nusam-ma fa do?

ULANGAN 28:27

Neukose, Manetualain huku emi nenik bisunggumak, fo sama leo Ana taon neu hataholi Masir-ra. Emi aom-ma, neukose henuk no bisu-a, ma kosolouk fo emi aom-ma nakaa, tehu ta hapu mo'do-akidoon-na fa.

HAKIM-HAKIM 1:18

Manetualain tulu-fali hataholi Yehuda-la, nalosa langatuu-la nusa letelepan-na. Tehu, ala ta hapu langatuu-la Gaza, Askelon do Ekron no nusa-nusak manai titia-tatain-nala fa, nanahu leoina manaleo ndolo-ndolo tasi su'uk-ka, lanuu kaleta besi; hu ndia de, hataholi Yehuda-la ta hapu usi heni fas.

HAKIM-HAKIM 14:19

No kaiboik, Simson da'di mabe'i-balakaik, hu kande Manetualain koasan-na, boema neu leo Askelon neu. Nai naa, ana taonisa touk manapake bua-lo'as manahiik 30. Ana ho'i-na hataholi sila bua-lo'an-nala, de ana fen leo hataholi ka teluhulu fo mananeuk neneun-na. Basa ndia boema, ana fali ne'un leo uman neu, no nasasale dale.

HAKIM-HAKIM 16:1

Faik esa boema, Simson neu leo Gaza neu. Nai naa, natongo no ina manasosoa-piaok esa, boema neu sungu no inak ndia.

HAKIM-HAKIM 16:21

Boema hataholi Filistin-nala ho'u-lan, de ala e'do heni mata de'en-nala. Loon leo Gaza neu, de ala hengen nenik namosina liti 2, boema ala taon leo bui dale neu. Nai naa, ladenun po'de su'di beek.

SEMUEL SUSULAK-KA ESAN-NA 5:1

Lelek hataholi Filistin-nala loso-la Manetualain Peti Hehelu-balataan boema, ala ho'i lenin neme Eben-Haezer leo sila kotan Asdod neu.

SEMUEL SUSULAK-KA ESAN-NA 5:10

Boema leni Peti Hehelu-balataak ndia leo Ekron neu, fo kota fe'ek esa seluk nai Filistin. Peti ndia losa ndia boema, laun-na nggasi ma lae, “Leni Israel Manetualain Peti Hehelu-balataan ndia leo ia mai, fo ana taonisa ita basa-basa-tala.”

SEMUEL SUSULAK-KA ESAN-NA 5:8

Hu ndia de, ala ka'i Filistin manek-ka liman-nala, fo daenga lakabubua, boema latane lae, “Ita muse tao Israel Manetualain-na, Peti Hehelu-balataan ndia le'e?” Boema manek sila-la lataa lae, “Lali heok-kana leo kota Gat-ta neu.” Da'di, ala lali heok peti ndia leo kota Gat, fo kota fe'ek esa nai Filistin.

SEMUEL SUSULAK-KA ESAN-NA 6:4

Hataholi sila-la latane lae, “Ita muse fen, sosoi-tetefak beek-ka?” Basa imam sila-la lataa lae, “Peta-paek lima nanataok neme lilopilas, ma lafo lima nanataok neme lilopilas, fo nandaa no Filistin manen-nala dede'un-na. Ade, soe fo manatunin-nala emi basa-basam-mala, nau laun do manek boe, ta nalupa peta-paek, ma lafo hetu?