SEMUEL SUSULAK-KA ESAN-NA 6:14 - Susula Malalaok Hehelu Palak Ma Hehelu Beuk

¹⁴ Nggalobak ndia nate'e deka no batuina esa, nai laun Bet-Semes esa na'de Yosua tinan-na. Kota ndia laun-nala bia nggalobak-ka ai-nala, boema ala ta'ti sapi ka duak sila-la soaneu tutunu-hohotuk nanatunuk fe Manetualain.

SEMUEL SUSULAK-KA ESAN-NA 6:14 ပူးပေါင်းရင်းမြစ်များ

2 SEMUEL 24:18

Nai faik ndia boe, Gad neu leo Dauk neu, de nafa'dan nae, “Ela leo been-na, Ama Manek kae leo Arauna mamana po'de gandum-ma neu, fo mapadedeik mei tunu-hotuk ba'eneu Manetualain.”

2 SEMUEL 24:22

Arauna nafa'da nae, “Ama Manek asa-man, fo tunu-hotu fe Manetualain hata fo Ama Manek dodoo-nana, malole. Sapi-la nde ia, soaneu tutunu-hohotu nanatunuk, ma soaneu ai ha'i-a soona, Ama Manek bole pake luku-a ain-nala, ma popo'de gandum-ma, papan-nala.”

2 SEMUEL 24:25

Boema, Dauk napadedeik mei tunu-hotuk, ba'eneu Manetualain nai mamanak ndia, de ana tunu-hotu tutunu-hohotu nanatunuk, boema tutunu-hohotu mole-dame. Manetualain sipok Dauk huhule-haladoin, boema he'di-laus ndia nate'e nai Israel.

1RAJA-RAJA 19:21

Elisa fali leo ha'deoe neu, boema ana do'do sapi nala. Ana pake lange manai sapi-la lesuha'in-na da'di ai ha'i, fo ana tunu-nasu nenik sapi sila paan-na. Basa boema ana baba'e paa sila-la neu ana manatunga dean-nala fo la'a. Basa ndia boema Elisa neu tunga Elia de ana da'di Elia manatulu-falin.

KELUARAN 20:24

Tao fe Au mei tunu-hotuk esa, taon neme dae-a mai, boema tunu-hotu emi bi'ilopom ma emi sapim-ma nai ndia, soaneu tutunu-hohotu nanatunuk, ma tutunu-hohotu mole-dame. Nai basa mamanak fo Au aketu basan ba'eneu emi, da'di leo mamanak makaluku-makatele soaneu Au-a, neukose Au mai, fo Au ba'e-pala emi.

HAKIM-HAKIM 21:4

Balahaa fafaik, fo bei fafaianak nanseli boema, hataholi Israel-la, lapadedeik-la mei tunu-hotuk esa neu mamanak ndia, boema ala tunu-hotu fe Manetualain tutunu-hohotu nanatunuk ma tutunu-hohotu mole-dame.

HAKIM-HAKIM 6:26

Mapadedeik-ma, mei tunu-hotu neulauk esa neu ai batu manadodouk ndia lain. Basa soona, o muse tunu la'iesak sapi mane ndia paan-na fo da'dileo tutunu-hohotuk soaneu Manetualain. Pake o tao matu'u lamatua daebafak inak Asyera diin manada'di ta'du ndia, da'di ai ha'i.”

SEMUEL SUSULAK-KA ESAN-NA 11:5

Nai hatematak ndia, Saul no sapi-nala besak-ka leme tina mai. Natane nae, “Te beek ia? Tao le'e de, basa hataholi-la kii?” Boema lafa'dan, hataholi fo ladenus leme Yabesh sila-la, leni halak-ka.

SEMUEL SUSULAK-KA ESAN-NA 20:29

Nafa'da nae, ‘Fe au loak fo au la'o, nanahu au teidaleng-ngala tao feta tutunu-hohotuk nai Betlehem, de au ka'ang naloo au, fo au u. Hu ndia de, metema o fe au loak soona, au u fo, au atongo o au tolanoong-ngala.’ Hu ndia de, ana ta mai leo feta ia mai fa, Ama.”

SEMUEL SUSULAK-KA ESAN-NA 6:13

Nai lelek ndia, Bet-Semes laun-na ketu-kolu gandum nai bafak dale. Lelek lita Peti Hehelu-balataak ndia boema, leu soluk-kana no namahokok.