SEMUEL SUSULAK-KA ESAN-NA 4:18 - Susula Malalaok Hehelu Palak Ma Hehelu Beuk

¹⁸ Lelek hataholi ndia nafa'da la'eneu Peti Hehelu-balataak ndia boema, Eli tu'da nalenga neme kandelan lain, nai lelesuina boboan-na. Namalasin nanseli ma naao, de lelek ana tu'da boema, la'di lesuha'in-na de maten. Ana nauli-nalanga Israel, teuk haahulu dalen-na.

SEMUEL SUSULAK-KA ESAN-NA 4:18 ပူးပေါင်းရင်းမြစ်များ

MAZMUR 26:8

Au sue-lai O Umam-ma, ou Manetualain, mamanak fo O leok-ka, henuk no matua-madema.

MAZMUR 42:10

Au afa'da Manetualain fo au manamasala'eng-nga ae, “Tao le'e de, O mafandele heni au? Tao le'e de, au muse doi-doso akandoo, hu kande au musung-ngala tuni-ndenin do?”

MAZMUR 42:3

Au ahiik Manetualain fo maso'dak, faihi'da au bole u sene-do'ok nai Uman-na?

MAZMUR 69:9

Au da'di sama leo, hataholi nusa dea ba'eneu au tolanoo-ka'a-fa'ding, sama leo hataholi deak ba'eneu au ka'a-fa'ding.

IMAMAT 10:3

Boema Musa nafa'da Harun nae, “Manetualain dale dodoon-na nde ndia, nai lelek nafa'da nae, ‘Basa manamalalau-maoono Au-a, muse fe ha'da-holomata neu Au malalao-malalafung. Neukose, Au atu'du Au matua-mademang neu basa Au leoinang-nga lala'en-na.’ ” Tehu, Harun ka'da denge-denge.

HAKIM-HAKIM 15:20

Simson nauli-nalanga hataholi Israel-la, teuk 20 dalen-na, ndek lelek hataholi Filistin-nala koasa hataholi Israel-la.

SEMUEL SUSULAK-KA ESAN-NA 4:13

Eli fo dalen-na ta tesa-tama no dudu'a-dodoo Manetualain Peti Hehelu-balataan maso'dan-na, bei nangatuuk nai kandela lain, nai enok-ka su'un-na, ma dalen doo-doo. Lelek hataholi ndia neni halak la'eneu Israel kakalan-na boema, laun manai kota lala'en-na, kii-makaleleu no ala dolaheni basa halan-nala.

SEMUEL SUSULAK-KA ESAN-NA 4:17

Hataholi maneni halak ndia nataa nae, “Israel nalai neme hataholi Filistin-nala mai. Ita kakalan-na, ba'un-na seli. Mate hataholi makadotok; ma mate Ama anan duas, fo Hofni no Pinehas boe. Ma musu loso-na Peti Hehelu-Balataak-ka!”

SEMUEL SUSULAK-KA ESAN-NA 4:19

Nai lelek ndia, Eli manafeun Pinehas saon-na, bobongi dalen, de fai bobongin-na deka so. Lelek namanene lae ala loso-la Manetualain Peti Hehelu-balataan, ma lae mate aliaman-na ma saon-na boema, no kaiboik name'da tein-na he'dis-sa, boema ta dooanak boen te, ana bongi.