SEMUEL SUSULAK-KA ESAN-NA 31:8 - Susula Malalaok Hehelu Palak Ma Hehelu Beuk

⁸ Neu fai balahaan-na, fo lelek hataholi Filistin-nala mai lamanako popolak-kala boema, lita mate Saul no anamanen-nala lai letelepak Gilboa.

SEMUEL SUSULAK-KA ESAN-NA 31:8 ပူးပေါင်းရင်းမြစ်များ

2 SEMUEL 1:20

Sa'di leo been-na, hataholi Gat-tala, ta lamanene manada'dik ndia fa. Sa'di leo been-na, mangalolok Askelon-nala, ta hapu halak la'eneu dede'ak ndia fa. Boso nalosak ina Filistin-nala eeki-latadale boso nalosak, ina dinitiu-la lakalupu-lakasee.

2 SEMUEL 1:21

Hai, pupukuk Gilboa-la lemin, mamanene au hala naloong-nga: Boso nalosak, dinis-sa ma u'dan-na nakadoe emi! Nemen-na, fo emi tinam-ma, ma emi moo-mala lamatuu ma tokotiik. Nana nai naa, palani ta'ti batu-la babaa fanan-nala, ala besenggela. Ma Saul babaa fanan-na boeo, nalulutu, ta lose mina neu so'on.

1 TAWARIKH 10:8

Balahaa, fo nai lelek hataholi Filistin-nala mai lamanako popolak-kala boema, lita Saul no anamane ka 3-nala mates nai letelepak Gilboa so.

2TAWARIKH 20:25

Boema Yosafat sama-sama no anaboa-nala leu kalo musu bua-lo'a-nala. Ala hapu bana-manu, tafa-sisilo, bua papakek, ma bua-lo'a kabelik fe'ek makadotok. Ala hehele lakabubua bua-lo'as sila-la faik telu dalen-na, te bua-lo'a fe'ek bei makadotok, nalosa ka'da ala la'oelas.

SEMUEL SUSULAK-KA ESAN-NA 28:4

Boema, nai lelek solda'du Filistin-nala lakabubua, de ala ofu deka loo kota Sunem-ma boema, Saul boeo, naloo nakabubua hataholi Israel-la, de ala ofu leme Letek Gilboa.

SEMUEL SUSULAK-KA ESAN-NA 31:7

Lelek hataholi Israel manaleo nai Bafak Yizreel-la selik, ma Lee Yarden-na boboan dulu, lamanene lae solda'du Israel-la lalai so, ma lae mate Saul no anamanen-nala so boema, lalai la'oela sila kotan-nala. Basa boema, hataholi Filistin-nala, langatuu-la kota sila-la.

SEMUEL SUSULAK-KA ESAN-NA 31:9

Ala te'te-la Saul langan-na, ma ala ho'i-la ba'du musun-na, boema hataholi Filistin-nala, ladenu hataholi neu leo nusa Filistin-na lala'en-na, fo nanduku-nalosak hala malole ndia neu laun-nala, ma neu sila lamatua daebafan-nala.