SEMUEL SUSULAK-KA ESAN-NA 31:12 - Susula Malalaok Hehelu Palak Ma Hehelu Beuk

¹² boema, hataholi palani ta'ti batu-la, ala la'ok leme ndia leo Bet-Sean leu, le'odae katemak esa. Lakona heni Saul no anamanen-nala popolan-nala, neme kota ndia papala nanadaman lain mai, boema lenin leo Yabesh neu, de ala hotun.

SEMUEL SUSULAK-KA ESAN-NA 31:12 ပူးပေါင်းရင်းမြစ်များ

1 TAWARIKH 10:12

sila hataholi palanin-nala leu ko'o-la Saul no anamanen-nala popolan-na, boema lenis leo Yabesh neu. Latoi duin-nala nai ai matuaina esa huun-na, basa boema, ala oka aon-nala faik 7 dalen-na.

2TAWARIKH 16:14

Ala ho'i mo'do-akidok fo nanataok neme bumbu-bumbu ma kaboomenik-kala mai de ladiun neu popolan-na, boema latoin nai Mane-manek manai Kota Dauk-ka mamana laten-na. Ma soaneu fe ha'da-holomata neun de, laun-na lananau haikaa manafolokakaak matuaina.

YEREMIA 34:5

te ka'da o mate no ndo-le'dek. Ma sama leo laun-nala de'de boominik nai lelek latotoi-latotono o bei ba'i-kaim manamaten-nala fo ala paleta te o beita, leondiak boe neukose laun-nala tunu boominik soaneu o. Neukose ala kii-makaleleu ma lafa'da lae, ‘Ado! Ami manen ta so!’ Au, Manetualain, nde manakokolak-ka.”

AMOS 6:10

Teidalek fo manaito-ato natoi-natonon-na, neukose ana mai fo ana ko'o no tolanoon ndia popolan-na leo deak neu. Soona naloo bou-bou neu hataholi manai uma ndia buin-na nae, “Ade bei hapu nggelok bei laso'da do ta?” Soona, neukose namanene hala natataak-ka nae, “Ta!” Teidalek fo natoi-natono popolak ndia, neukose nafa'da nae, “Boso kokolak seluk bai! Ita ta bole seseik Manetualain na'den-na fa.”

SEMUEL SUSULAK-KA ESAN-NA 31:10

Basa boema, ala pe'da Saul ba'du musun ndia, nai lamatua daebafa inak Asytoret-ta, uma sosongon dale, ma ala paku popolan-na neu kota Bet-Sean-na, papala nanadaman-na.