SEMUEL SUSULAK-KA ESAN-NA 30:8 - Susula Malalaok Hehelu Palak Ma Hehelu Beuk

⁸ Basa boema, Dauk natane Manetualain nae, “Au nuse u usi musu manasapuk sila-la do? Au usi tungas fo au hapus do ta?” Boema, Manetualain nataa nae, “Hei, usis leona; neukose o hapus, fo o moo falik basa hataholi nanafook-kala.”

SEMUEL SUSULAK-KA ESAN-NA 30:8 ပူးပေါင်းရင်းမြစ်များ

KEJADIAN 14:16

Abram hapu kalo neni falik bua-lo'as, fo ala kalo lenik-kala, ma Lot no hata-heton lala'en-na, ma ina fe'e-fe'ek-kala, ma hataholi nanafook fe'ek-kala.

2 SEMUEL 5:19

Boema, Dauk natane Manetualain nae, “Au muse u sapu-a hataholi Filistin sila-la do? Ade, neukose O fe au sengi do?” Boema Manetualain nataa nae, “Sapu leona, te neukose Au fe o sengi!”

2 SEMUEL 5:23

Dauk noke natutu'duk la'iesa seluk, neme Manetualain mai. Boema Manetualain nataa nae, “Boso sapu-malas, neme ia mai, tehu la'ok po'de, fo sapu-malas neme dea mai, deka no ai mulbei-la.

MAZMUR 50:15

Maloo bou-bou neu Au, nai lelek fai toto'a-tataak-ka, neukose Au soi-po'i emi, ma neukose emi koa-kio Au.”

MAZMUR 91:15

Metema, ana naloo bou-bou neu Au soona, neukose Au ataan. Neukose Au tulu-falin, nai fai toto'a-tatan-na; ma neukose, Au atapo'in, ma Au fen ha'da-holomata.

KELUARAN 15:9

Musu nafa'da nae, ‘Neukose au usis, fo au ho'u-alas, au fe'a au tafainang-nga, de au ta'ti isas. Boema au loso-a hata-heto-nala, au baba'en, fo au u'a-paken losa au doa-henin.’

BILANGAN 27:21

Yosua muse noke natutu'duk neme Imam Eleazar-ra mai, ma Eleazar muse natane Au hihii-nanaung nenik ana pake Urim ma Tumim. No enok ndia, hela-nole Yosua, ma basa leoina Israel-la lala'en-na, nai basa dede'ak lala'en fo latongo loon.”

HAKIM-HAKIM 20:18

Hataholi Israel-la solda'dun sila-la, leu leo mamana makaluku-makatele manai Betel-la, de latane Manetualain lae, “Ou Manetualain, leo beek-ka nai ami dalek, nde muse makasososa, neu sapu-na hataholi Benyamin-nala?” Manetualain nataa nae, “Leo Yehuda.”

HAKIM-HAKIM 8:4

Nai hatematak ndia, Gideon no solda'du natu ka telun-nala losa Lee Yarden-na selik. Ala sota lanseli, tehu ala bei usi lahele musu-a.

SEMUEL SUSULAK-KA ESAN-NA 10:22

Hu ndia de, hataholi-la latane Manetualain lae, “Ou Manetualain ade hataholi ndia, nai ia so do beik?” Manetualain nataa nae, “Saul ke'ke nai bua-lo'as nanasadiak-kala dean-na.”

SEMUEL SUSULAK-KA ESAN-NA 14:37

Boema Saul natane Manetualain nae, “Ade, au bole u sapu-a hataholi Filistin-nala do ta? Ade, neukose O fes leo Israel liman dale neu do ta?” Tehu nai faik ndia, Manetualain ta nataa fan.

SEMUEL SUSULAK-KA ESAN-NA 23:2

Boema Dauk natane Manetualain nae, “Ade, au muse u sapu-a hataholi Filistin-nala do?” Manetualain nataa nae, “Hei, muu sapu-malas, fo soi-tefa-ma Kehila laun-nala.”

SEMUEL SUSULAK-KA ESAN-NA 23:4

Hu ndia de, Dauk noke natutu'duk la'i esa seluk neme Manetualain mai, de Manetualain nataa nae, “Boso bii. Muu sapu-ma kota Kehila leona, nanahu neukose Au fe solda'du Filistin sila-la leo o neu.”

SEMUEL SUSULAK-KA ESAN-NA 28:6

Boema, noke natutu'duk neme Manetualain mai, tehu Manetualain ta nataa fa, nau tunga me'i-afek do tunga batu Urim ma Tumim-ma, do tunga nabi-la boe.

SEMUEL SUSULAK-KA ESAN-NA 30:18

Dauk hapu ho'i neni falik basa hataholi Amalek-kala kalo leni basa hata lala'en-na, ma saoinan duas boe;

SEMUEL SUSULAK-KA ESAN-NA 30:19

ta mopo hata esa boen. Basa ni'iana touana-inaanak boema basa bua-lo'a kakalok lalaen fo hataholi Amalek-kala ho'i laa-ka, Dauk ho'i falik-kasa.