SEMUEL SUSULAK-KA ESAN-NA 30:26 - Susula Malalaok Hehelu Palak Ma Hehelu Beuk

²⁶ Lelek Dauk fali ne'un leo Ziglak neu boema, ana haitua bua-lo'a kakalok sila-la seli leo basa kota Yehuda mauli-malangan fo manatia-toban-nana, de nafa'da nae, “Bua palsen ia-la, neme bua-lo'a kakalok fo ami kalon neme Manetualain musun-nala mai, de ami fen neu emi.”

SEMUEL SUSULAK-KA ESAN-NA 30:26 ပူးပေါင်းရင်းမြစ်များ

KEJADIAN 33:11

Au dokodoe, fo sipo-ma au uni fee feek ia-la. Manetualain nadale malole neu au so, de Ana fe au, basa hata lala'en fo au paluu-ka so.” Yakob nakaseti nahele, de losa mate'en-na boema, Esau sipo Yakob fee-feen sila-la.

2 SEMUEL 1:1

Mate basa Saul boema, Dauk fali ma'in neme natee-natatik fo, ana sengi hataholi Amalek-kala, boema nahele neme Ziglak, faik dua dalen-na.

2RAJA-RAJA 5:15

Boema, no basa ana manatunga dean-nala, fali le'us leo Elisa leu. Boema, Naaman nafa'da Elisa nae, “Besak ia au bubuluk ae nai basa daebafak-ka lala'en-na, hapu ka'da Manetualain esa, fo nde Manetualain, fo hataholi Israel-la sene-do'ok-ka. Hu ndia de, sa'di been-na, Tuan sipo au fe Tuan buas ia-la.”

MAZMUR 35:27

Ela leo been-na, hataholi fo ana hii nita au nananafa'dak ndoos-sa, ana eki ma namahoko. Ela leo been-na, ala lafa'da fali-fali lae, “Tete'ek-ka, Manetualain matua-madema! Ana nahiik antan-na, so'da-molen!”

MAZMUR 68:18

No kaleta matea-mahelek lifu-lifuk-kala, Manetualain mai nai sila tala'da nai matua-mademan-na dalek.

YESAYA 32:8

Tehu hataholi ha'da-palii malole-a, tutu'u hata fo malole, ma ana tao malole boe.

2 KORINTUS 9:5

Hu ka nde ndia de, au dodoo nana paluu au adenus le'i lakahuluk soaneu ito-ato tutulu-fafalik fo emi heluk ndia. Au tao leondiak fo ela mahani te, metema au ne'i soona, emi fefeem ndia nanasadiak so. No enok ndia, nananitak nae emi fefeem ndia, emi fen no dale namahokok, te ta hu ka nde laka-nakasetik fa.

SEMUEL SUSULAK-KA ESAN-NA 18:17

Saul tutu'u nai dalen dale, fo ela hataholi Filistin-nala taolisa Dauk nai musu dale, fo daenga boso ndia nde taonisan-nana. Da'di, nai faik esa boema, Saul nafa'da Dauk nae, “Merab, fo au anafe'o ulung-nga, neukose au balabaen no o, sa'di o matu'du o palanim-ma nai natee-natatik dale soaneu Manetualain.”

SEMUEL SUSULAK-KA ESAN-NA 25:27

Sipo-ma, popotik fo atam-ma nenik ia, soaneu au Ama Manek ma soaneu au Tuang-nga solda'dun-nala

SEMUEL SUSULAK-KA ESAN-NA 25:28

Fe ampon neu atam-ma, salan ia. Tao leo bee-o, neukose Manetualain tao au Ama Maneng, no au Ama Maneng tititi-nonosin, da'di manek neu Israel, nana au Ama Maneng-nga natee-nata'ti soaneu Manetualain; ma nai au Ama Maneng fai maso'dan-na dalek, au Ama Maneng ta tao tatao-nono'i mangalauk fa.

SEMUEL SUSULAK-KA ESAN-NA 30:20

Fe'ek neme ndia mai, Dauk boeo, ana kalo neni la'iesak bi'ilopo-la ma bana-manu. Dauk solda'dun-nala foo bana sila-la lai uluk te ta lakabubua loo bua-lo'a kakalo fe'ek-kala fa, boema lafa'da lae, “Dauk baba'en-na nde ia!”

SEMUEL SUSULAK-KA ESAN-NA 30:25

Basa boema, Dauk tao dede'ak ndia, da'di neu nakanenetek esa, de ala tungan nai Israel, losa besak ia.