SEMUEL SUSULAK-KA ESAN-NA 30:16 - Susula Malalaok Hehelu Palak Ma Hehelu Beuk

¹⁶ Boema, nos leo solda'du sila-la mamanan-na neu. Nai lelek ndia, solda'du sila-la lapanggela lai basa mamanak ndia lala'en-na, boema la'a-linu ma ala feta-dote, nanahu ala kalo leni bua-lo'a kakalok makadotok leme nusa Filistin ma Yehuda mai.

SEMUEL SUSULAK-KA ESAN-NA 30:16 ပူးပေါင်းရင်းမြစ်များ

2 SEMUEL 13:28

Absalom paleta atan-nala nae, “Taoafik matalolole, fo metema Amnon ninu angol fo ana mafuk soona, neukose au fe emi ta'du, fo taomisan. Boso bii. Te au nde lu'a-lepa dede'ak ndia. Taon no napalanik, fo boso no bibii-namata'uk!”

1 TAWARIKH 4:43

Ala taolisa bei ela hataholi Amalek-kala, boema neme lelek ndia mai, ala leo lahele leme ndia.

AYUB 20:5

hataholi mangalauk-ka, namahoko-seteleen ta doo bee ana esa boen, ma hataholi malelesik-ka, namahokon-na, ka'da hatematak esa mesak-kana do ta?

MAZMUR 119:162

O hehelum-ma, ana tao namahoko au, sama leo, hataholi esa hapu hata-heto.

KELUARAN 32:6

Balahaa fafaianak te, hataholi Israel-la leni bana de'ubee soaneu tutunu-hohotu nanatunuk, ma de'ubee seluk soaneu tutunu-hohotu mole-dame. Langatuuk de la'a ma linu mafuk, boema ala fo'a de ala dole dasa.

YESAYA 22:13

Tehu nasafalin-na, emi mamahoko-setelee ma feta-dote. Emi do'do sapi ma bi'ilopo fo emi mi'a paa ma minu angol, boema emi maloo bou-bou mae, “Mai fo ata ta'a ma tinu, nana balahaa te ita mate so!”

YESAYA 9:3

O ho'i-ma lelepa mabelan-na so ma lelepak-ka neme alun lain mai. O sengi leoina manatuni-ndenik ndia fo manalumu-ese O anam-mala. Sama-na leo nai tepo-lelek makahulun eli, lelek O sengi solda'du Midian-nala.

1 TESALONIKA 5:3

Nai faik fo hataholi a nafa'da nae, basa hata lala'na neenee-lino linok ma malole mesa-mesan soona, nai faik ndia nde, susa-soe a, ana mai no kaiboik fo tuni-ndeni nalas, sama leoinak esa nameda he'di bobongik, nai lelek fo ana sanga bongi a.

HAKIM-HAKIM 8:11

Gideon la'ok ndolo-ndolo tunga moo solokaek-ka dae toon manai Nobah ma Yogbeha boboan dulu, boema no kaiboik, ala sapu-la musu-a.

SEMUEL SUSULAK-KA ESAN-NA 30:14

Ami sapu-ma hataholi Kreti-la nusan-na, nai Yehuda boboan kona, ma leo-ingu Kaleb-pa nusan-na, ma ami hotu heni kota Ziklag-ka so boe.”

SEMUEL SUSULAK-KA ESAN-NA 30:15

Boema, Dauk natanen nae, “Ade, o nau moo au leo solda'du sila-la mamanan-na neu do?” Boema, ni'iana ndia nataa nae, “Au nau, sa'di Tuan naheluk no au nenik Manetualain na'den-na, mae Tuan ta taonisa au, do Tuan fe falik au leo au tuang-nga liman neu.”