SEMUEL SUSULAK-KA ESAN-NA 30:12 - Susula Malalaok Hehelu Palak Ma Hehelu Beuk

¹² ala fen kokis kaa boak, ma angol boa tuuk nggik dua boe. Na'a basa boema, be'i-balakain fali ma'in; te se'kona ta na'a-ninu faik telu dalen-na so!

SEMUEL SUSULAK-KA ESAN-NA 30:12 ပူးပေါင်းရင်းမြစ်များ

ESTER 4:16

“Maloo makabubua basa hataholi Yahudi manai Susan-nala, fo hule-haladoi fe au. Boso mi'a-minu lele'dok 3, ma le'odaek 3. Au boe, ma anafe'oana malalau-maoono au-a, neukose ami okaaom-mala boe. Basa ndia soona, neukose au u leo manek-ka u, leomae dede'ak ndia, la'o lenak esa, soaneu susula nakeketuk-ka. Metema au muse mate, hu kande dede'ak ndia boe, soona nemen-na fo au mate!”

RATAPAN 1:11

Laun-nala sanga so'dan-na no hoo-nggu'uk; ala tuka bua-lo'a kabelin-nala nenik loti, ka'da soaneu laso'da lahele fo boso mates. Yerusalem naloo bou-bou nae, “Ou Manetualain, mete au leona, taoafik neu au doi-dosong lala'en-na.”

YUNUS 1:17

Ndia te, Manetualain nadenu i'a matuaina esa ko'don-na Yunus. Boema Yunus leo nai i'ak ndia tein dale, lele'dok 3 le'odaek 3.

MATEOS 27:63

de lafa'dan lae, “Tuan, ami bei mafandelek, lelek fo hataholi mana ke'dindiuk ndia bei naso'da, nafa'da hai nae, ‘Basa faik telu soona, neukose Au aso'da falik.’

HAKIM-HAKIM 15:19

Boema, Manetualain soi bolok nai pupuku batu manai Lehi ndia, de oe kalua neme bolok ndia mai. Simson ninu, de basa boema, name'da aon-na malole falik. Hu ndia de, loke oemata ndia lae Oemata Hakor. Oemata ndia bei nai Lehi.

SEMUEL SUSULAK-KA ESAN-NA 14:27

Tehu Yonatan ta bubuluk nae aman fe laun-na nasanene'da mahelek, nenik soo-supak ndia fa; hu ndia de, ana look ana ho'i neni aitete'ek-ka neu, de ana paun leo fani popolan dale neu, boema ana ho'in-na fanioe ndia de na'an. Tutik-ka name'da aon-na malole ma be'i-balakain boeo, ana popo-tama.

SEMUEL SUSULAK-KA ESAN-NA 30:11

Nai leleo-lala'ok ndia dalek, Dauk solda'dun-nala latongo loo ni'iana touana Masir esa, neme mook-ka mai, boema loon leo Dauk neu. Ala fen na'a-ninu,

SEMUEL SUSULAK-KA ESAN-NA 30:13

Basa boema, Dauk natanen nae, “O tuam-ma nde see, ma o meme bee mai?” Ni'iana ndia nataa nae, “Au hataholi Masir, fo hataholi Amalek esa, atan au. Au tuang-nga la'oela au ndek faik telu maneuk-ka so, nanahu au amahe'di.