SEMUEL SUSULAK-KA ESAN-NA 30:1 - Susula Malalaok Hehelu Palak Ma Hehelu Beuk

^1-5 Basa faik dua boema, Dauk no solda'dun-nala fali le'us leo Ziklag leu. Lelek ala losa naa boema, ala hapu halak lae hataholi Amalek-kala, sapu-la nusa Yehuda boboan kona, ma ala sapu-la Ziklag boe. Ala ta taolisa hataholi esa boen. Tehu ala hotu heni kota ndia, de ala la'ok lakandoo sila leleo-lala'on, no loo inak-kala, ni'iana-la, ma laun fe'e-fe'ek-kala. Ala foo leni Dauk no solda'dun-nala teidalen-nala boe, fo Dauk saoinan duas, fo nde Ahinoam ma Abigail, lai dalek boe. Dauk no solda'dun-nala dalen-nala he'dis nanseli, nalosa ala ta hahae kikii-makaleleuk-ka fa, losa ala sota-mangu lanseli.

SEMUEL SUSULAK-KA ESAN-NA 30:1 ပူးပေါင်းရင်းမြစ်များ

KEJADIAN 24:62

Ndia te, Isak mai neme moo solokaek-ka mai so, de ana tunga oedolu fo loken lae, “Ndia Fo Manataoafik Neu Au” de ana leo nai Kanaan boboa konan-na.

2 SEMUEL 1:1

Mate basa Saul boema, Dauk fali ma'in neme natee-natatik fo, ana sengi hataholi Amalek-kala, boema nahele neme Ziglak, faik dua dalen-na.

2 SEMUEL 1:2

Balahaa boema, ta'eanak esa, ana mai neme Saul mamana ofun-na mai. Ana siba'e bua papaken-na, ma ana tao dae leo langan lain neu, fo da'di leo ta'du-tana manasusak. Neu leo Dauk neu, de ana senek neu Dauk matan-na.

2 SEMUEL 1:8

Boema natane, see atam-ma, de atam-ma tuin nae atam ia, hataholi Amalek.

2 SEMUEL 15:18

Basa manek-ka hataholi mana'a ngga'din-nala lapadeik lai manek-ka boboan-na, nai lelek manek-ka solda'du manamanean-nala la'ok lakadadalak tunga matan-na. Ma solda'du natu ka neek fo manatungan neme kota Gat-ta mai, ala la'ok lakadadalak nai matan-na boe.

1 TAWARIKH 12:21

Sila manamtee-matati makadelek kala de ala tulu-fali Dauk la'ban solda'du musu a. Neu fai makabuin boema, ala da'di malanga solda'du matuaina nai Israel solda'du nala dalek.

1 TAWARIKH 12:22

Hii nae, tunga faik hapu hataholi beuk mai lakabubua da'di esa loo Dauk, de nalosa beita doo bee boen te, Dauk solda'du nala lamaba'u lanseli.

YEREMIA 41:12

Boema sila sama-sama lo sila ana boan-nala leu usi tungan de ala hapun neme lifu ina Gibeon-na.

YOSUA 11:6

Manetualain nafa'da Yosua nae, “Boso bii hataholi sila. Balahaa, nai fain-na sama leo iak soona, o taomisa la'iesa kasa, hu kande Israel. Muse o tao la'di ndalan-nala ein-na, ma muse o hotu heni, kaleta musun-nala.”

SEMUEL SUSULAK-KA ESAN-NA 15:7

Basa ndia boema, Saul natee-nata'ti no hataholi Amalek-kala, de ana sengis leme enok maneme Hawila losa Syur, fo nai Masir boboan dulu.

SEMUEL SUSULAK-KA ESAN-NA 15:8

Saul taonisa la'iesak Amalek laun-nala ma solda'dun-nala. Tehu Saul no solda'dun-nala ho'u-la Agag, fo hataholi Amalek-kala manen-na, tehu ala ta taolisa fan, leondiak boe, bi'ilopon-nala ma sapi ao neulaun-nala, sapianan-nala ma bi'ilopoana maaon-nala, ma hata-heto mabelin lala'en-na; ala taolisa ka'da bana-manu nggo'dadui ma beli taak-kala.

SEMUEL SUSULAK-KA ESAN-NA 27:6

Boema, Akhis fe Dauk, kota Ziklag; hu ndia de, mane Yehuda nanuu Ziklag losa besak ia.

SEMUEL SUSULAK-KA ESAN-NA 29:10

Hu ndia de Dauk, balahaa soona, basa emi fo manala'o ela Saul, de emi mai leo au mai, muse fo'a fafaianak, fo le'do-a tii soona, la'o no lai-laik leona.”

SEMUEL SUSULAK-KA ESAN-NA 29:11

Hu ndia de, balahaa fafaianak boema, Dauk no solda'dun-nala fali le'us leo nusa Filistin-na leu, te solda'du Filistin sila-la, leu leo Yizreel leu.

SEMUEL SUSULAK-KA ESAN-NA 29:4

Tehu malanga solda'du matuaina Filistin sila-la, lamanasa Akhis, de lafa'dan lae, “Madenu hataholi ndia, fali ne'un leo o fen kota neu. Ana ta bole natee-nata'ti sama-sama no ita fa; boso nalosak natee-natatik-ka makee boema, nalelesi ita. Ade, ia ta nde da'di fai loak malole hiik ba'eneun, fo ana tao namaloa ndia manen-na dalen-na, no enok, ana taonisa ita solda'dun-nala hetu do?

SEMUEL SUSULAK-KA ESAN-NA 30:14

Ami sapu-ma hataholi Kreti-la nusan-na, nai Yehuda boboan kona, ma leo-ingu Kaleb-pa nusan-na, ma ami hotu heni kota Ziklag-ka so boe.”