SEMUEL SUSULAK-KA ESAN-NA 3:20 - Susula Malalaok Hehelu Palak Ma Hehelu Beuk

^20-21 Hu ndia de, basa hataholi Israel fo maleme nusak ndia lala'en-na mai, ala manaku lae Semuel nde been-na, Manetualain nabin. Nai lelek Semuel kokolak soona, basa leoina Israel-la lamanenen. Manetualain bei natu'du nakandoo aoinan-na nai Silo, fo nai bee, soaneu ka la'i makasososan-na, natu'du aoinan-na neu Semuel, de Ana kokolak non.

SEMUEL SUSULAK-KA ESAN-NA 3:20 ပူးပေါင်းရင်းမြစ်များ

2 SEMUEL 17:11

Hu ndia de, au nanoli-nafa'dang leoiak: Maloo makabubua basa hataholi Israel-la leme basa nusak-ka lala'en-na mai, fo ela dede'un-na, de'u solokaek manai tasi su'un-na. Boema, Ama Manek nde nauli-nalangas leo natee-natatik dale leus.

YESKIAL 33:33

Basa hata fo, o mafa'dak sila-la, neukose ala da'di, de metema faik ndia ana losa soona, neukose ala bubuluk, lae nabi esa nai sila tala'da so.”

AMOS 2:11

Au hele basa emi anam de'ubee fo ala da'di nabi, ma emi hataholi muli-solum de'ubee fo ala da'di Nazir. Hai hataholi Israel-la lemin? Ade, dede'ak ndia, ta tete'ek-ka fa do? Au, fo Manetualain nde manakokolak-ka.

HATAHOLI 13:20

Basa sila la ala da'di teuk natun ha limahulu. Manetualain ba'e basa nusa Kanaa na boema, Ana fes mana maketu-mala'di. Mana maketu-mala'di mate'e ka nde Semuel.

ULANGAN 18:21

Fafa'kama, emi matane nai, emi dalem dale mae, ‘Tao leo beek fo, ami bubuluk, ade nabi ndia, hala hehelun-na, neme Manetualain mai do ta?’

1 TIMOTIUS 1:12

Au oke makasi neu ita Lamatuan Yesus Kristus, hu ka nde Ana fe au be'i-balakaik fo au alalau-aoonon, nana nafa'da nae, au andaa soaneu bela ba'uk ndia,

HAKIM-HAKIM 20:1

Boema hataholi Israel-la lala'en-na, ala mai leme Dan nai kii, losa Bersyeba nai kona, ma Gilead nai dulu, fo tao latetu hala nalolook ndia. Lakabubua, ma dalek esa lai Mizpa, nai Manetualain matan.

SEMUEL SUSULAK-KA ESAN-NA 12:11

Basa boema, Manetualain nadenu Gideon, de basa boema Barak, de basa ndia boema, Yefta, ma mate'en-na au. Ami esa-esak soi-po'i emi neme emi musum-ma mai so, nalosa emi hapu maso'da no tetu-temak.