SEMUEL SUSULAK-KA ESAN-NA 3:19 - Susula Malalaok Hehelu Palak Ma Hehelu Beuk

¹⁹ Semuel boetai namatua-ka. Manetualain sama-sama non, de Ana tao-na basa hata lala'en-na fo Semuel nafa'dak-ka, tete'ek-ka ana da'di.

SEMUEL SUSULAK-KA ESAN-NA 3:19 ပူးပေါင်းရင်းမြစ်များ

KEJADIAN 21:22

Nai lelek ndia, Mane Abimelek-ka, ma Pikhol, fo solda'dun-nala malanga manai lain-na, ala mai leo Abraham mai, de lafa'dan lae, “Manetualain tulu-fali o, nai basa hata lala'en, fo o taok-ka.

KEJADIAN 28:15

Mafandendelek te, neukose Au tulu-fali, ma asulu-ahapa o, su'di o muu leo bee muu, ma neukose, Au o falik o leo nusak ia mai. Neukose, Au ta la'oela o, losa Au tao basa hata lala'en, fo Au helu basan neu o so.”

KEJADIAN 39:2

Manetualain tulu-fali Yusuf, nalosa ana hapu buna-boak tataasesa nai ue-le'din na dalek. Ana leo nai Tuan na, fo hataholi Masir ndia uman.

KEJADIAN 39:3

Tuan na nita nae Manetualain tulu-fali Yusuf, de hu ndia de Yusuf hapu buna-boa malole nai basa hata lala'en fo ana tao-no'in.

1RAJA-RAJA 8:56

“Koa-kio Manetualain fo Ana fe basa mole-dame neu anan-nala sama leo hata fo Ana helun tunga atan Musa. Basa hata malole fo Ana helu ka, Ana tao natetun so.

2RAJA-RAJA 10:10

Buti-na, nde ia nae basa hata lala'en, fo Manetualain nafa'dan, la'eneu Ahab upu-anan-nala, neukose ana da'di. Manetualain nakalala'ok basa hata fo, Ana kokolak-kana tunga atan Elia so.

2RAJA-RAJA 22:16

Manetualain dede'a-kokolan nde ia nae, “Neukose, Au huku Yerusalem no basa laun-na lala'en-na, sama leo hata fo, nanasulak nai susulak fo, besak-ka manek-ka lees ndia dalek

YESAYA 43:2

Metema, o lena tunga oe dale soona, neukose Au sama-sama o o, neukose, o ta bolo nai, o toto'a-tataam dale fa. Metema, o la'ok tunga ha'i dale soona, neukose ha'i-a, ta na'a naputu o fa, Soso'ba-susu'di mabelaina-la, neukose ta tao soe o fa.

YESAYA 44:26

Au nde atetea-ahehele Au atang-nga, dede'a-kokolan, ma Au tao-no'i dale tutu'uk fo, Au atang-nga nafa'dan. Au afa'da, ae neukose Yerusalem-ma, nanaleok seluk, ma kota-kota manai Yehuda-la, neukose Au afofo'a falik-kasa; ai-batu manatapasasalan-nala, neukose nanatao matalololek.

YESAYA 55:11

Leondiak boe, dede'a-kokolak fo, Au kokolak-ka, ana ta fali ma'in leo Au mai, no palsuma fa, tehu ana hapu tao hata fo, Au ahiik-kana, ma ana hapu basa hata lalaen fo, Au dudu'ak-ka.

MATEOS 1:23

“Ana fe'oana mata tema esa, neukose nailu fo ana bongi na ni'iana touanak esa. Ala foi ni'iana ndia na'de, Imanuel.” Imanuel ndia, metema tunga dede'a Ibrani soona sosoa na nae, “Manetualain no ita”.

LUKAS 1:28

Ata nusa so'dak ndia neu leo Maria neu, de nafa'dan nae, “So'da-molek neu o fo te'e-te'e Manetualain ba'e-pala o! Manetualain sama-sama no o!”

LUKAS 1:80

Zakharia anan ndia boetai namatua ka, ma dula dale na boetai balakaik. Ana leo nai mo maloa, losa fai na losa, natu'du aoina na neu leoina Israe la.

LUKAS 2:40

Ni'iana ndia boetai namatua ka, ma boetai balakaik. Manatee tenok nanseli, ma Manetualain sue-lainan ba'u na seli.

LUKAS 2:52

Yesus boetai tama namatua ka, ma manatee teno na boetai tama, boema Manetualain sue-lain ma hataholi daebafa ka lahii kana.

2 KORINTUS 13:11

Mate'e na tolano-tolanoo kala ela leo bee na emi mamahoko, ma sanga enok leona fo da'di matetu-mandaak. Sipo ma basa au nanoli-nafa'dang lala'ena. Ela leo bee na emi dalek esa ma maso'da no mole-dame. Manetualain fo Mana Sue-lai Matuaina, ma manini mole-dame ndia, neukose no emi.

ULANGAN 18:22

Metema nabi esa, ana kokolak pake Manetualain na'den-na, tehu hata fo ana kokolak-kana ndia, ana ta da'di fa soona, hala-kokolak ndia, ta neme Manetualain mai fa. Nabi ndia, ana kokolak pake ndia na'den-na, de ta paluu emi bii-mamata'u neu fan.”

2 TIMOTIUS 4:22

Ela leo bee na, Lamatua ka nahele nai o boboa ma. Ela leo bee na, Lamatua ka fe baba'e-papalak neu tolanoo kala! Ha'da-holomata neme ami, Paulus

YOSUA 21:45

Manetualain tao natetu basa hala hehelun neu hataholi Israel-la; ta hapu esa boen, fo Ana ta tao natetu fan.

HAKIM-HAKIM 13:24

Basa boema, Manoah saoinan-na, bongin-na ni'iana touanak esa, de ana foin na'de, Simson. Ni'iana ndia namatua boema, Manetualain ba'e-palan;

SEMUEL SUSULAK-KA ESAN-NA 10:7

Metema, basa sila-la da'di soona, tao su'di beek fo o dodoo-nana malole, nanahu Manetualain no o.

SEMUEL SUSULAK-KA ESAN-NA 12:2

Mulai besak ia, ndia nde neukose nauli-nalanga emi. Mitak au ia amalasi ma mofa so Au auli-alanga emi doon-na seli so – mulai neme tepo-lelek au bei muli-solung-nga, losa besak ia. Buti-na nde, au anang-ngala matuaina-la so.

SEMUEL SUSULAK-KA ESAN-NA 16:18

Lamanene dede'ak ndia boema, atan esa nafa'da nae, “Kota Betlehem-ma laun esa, na'de Isai, anatouanan esa nakaminak nalelak sasanu. Hataholi ndia palani, ma solda'du malole esa. Bai te, aon-na makadelek ma malela dede'ak, ma Manetualain tulu-falin tataas esa.”

SEMUEL SUSULAK-KA ESAN-NA 18:12

Saul name'da nae Manetualain nasulu-nahapa Dauk, te Manetualain la'oela ndia so. Hu ndia de, ana bii nanseli neu Dauk.

SEMUEL SUSULAK-KA ESAN-NA 18:14

Nakalala'ok basa bela-ba'un lala'en-na no malole, nana Manetualain tulu-falin.

SEMUEL SUSULAK-KA ESAN-NA 18:5

Dauk nakalala'ok basa Saul fen bela-ba'uk-ka no malolen-na. Hu ndia de, Saul so'un da'di malanga solda'du matuaina, nai solda'dun-nala dalek, ma basa solda'du anak-kala loo basa Saul malalau-maoonon-nala, ala hii Dauk.

SEMUEL SUSULAK-KA ESAN-NA 2:21

Manetualain ba'e-pala Hana, nalosa ana bongi seluk anatouk telu ma anainak dua. Semuel boeo boetai namatua, de nalalau-naoono Manetualain.

SEMUEL SUSULAK-KA ESAN-NA 2:26

Nasafalin-na, Semuel, fo ni'iana ndia, boetai namatuak-ka, ma boetai lahiik-kana, nau Manetualain, do basa hataholi-la boe.

SEMUEL SUSULAK-KA ESAN-NA 9:6

Malalau-maoono ndia nataa nae, “Mahani dei! Te Manetualain atan esa nai kota ia. Hataholi-la fe ha'da-holomata ba'un-na seli neun, nanahu nafa'da beek soona, tete'ek-ka ana da'di. Mai fo ata teu leo naa teu, fo fafa'kama ana hapu nafa'da ita, keledei sila-la lai bee.?”