SEMUEL SUSULAK-KA ESAN-NA 3:17 - Susula Malalaok Hehelu Palak Ma Hehelu Beuk

¹⁷ Eli natane nae, “Ade Manetualain nafa'da o beek-ndia? Tui la'iesak-kana neu au. Metema o ta tui la'iesak-kana fa soona, tao leo bee-o, Manetualain huku o.”

SEMUEL SUSULAK-KA ESAN-NA 3:17 ပူးပေါင်းရင်းမြစ်များ

2 SEMUEL 14:18

Boema Manek-ka nataa nae, “Au sanga atane o hata esa, fo mataa tunga ndoon-na.” Boema, inak ndia nataa nae, “Au Ama Maneng mafa'dan leona.”

2 SEMUEL 19:13

Boeo Dauk nadenu leu lafa'da Amasa lae leo ia, “Ade, o ta nde au tia-laing fa do? Mulai besak ia, au so'u o da'di au solda'dung-ngala malanga matuainan, fo nggati Yoab. Sa'di leo been-na, Manetualain taonisa au, metema au ta tao tunga dede'ak ndia fa!”

2 SEMUEL 3:35

Nai faik katemak esa dalen-na, hataholi-la sanga enok, fo ala kokoe Dauk, fo daenga na'a faa anak, tehu ana soo nae, “Sa'di leo been-na, Manetualain taonisa au, metema au u'a-inu te, le'do beita tenak fa!”

2 SEMUEL 3:9

Malole lenak, au tulu-fali Dauk, nakalenak Manetualain helu basa neun nae, neukose Ana ho'in-na nusak ia neme Saul, ma neme tititi-nonosin mai, boema Ana so'u Dauk da'di manek neu Israel-lala'en-na, ma Yehuda. Sa'di leo been-na, Manetualain taonisa au, metema au ta akalala'ok Manetualain hehelu-balataan ndia neu Dauk fa!”

1RAJA-RAJA 22:16

Ahab nataa nae, “Metema o kokolak moo au pake Manetualain na'de na soona, mafa'da tunga matetun-na. La'i de'ubee, au muse fe o nasanene'dak la'eneu dede'ak ndia?”

2RAJA-RAJA 6:31

Manek-ka naloo bou-bou nae, “Faik ia boe, Elisa muse mate. Nemen-na, fo Manetualain huku au, nenik huhuku mabela, metema au ta taoisa Elisa fa!”

MAZMUR 141:5

Metema, hataholi malole esa, ana ka'i au, ma nanoli au no dale ndoos soona, ndia sama leo mina fo, malole nanseli ba'eneu au. Sa'di leo bee-na, au ta tipa fan, nana au hule-haladoi akandoo, fo la'ban sila tatao-nono'i mangalaun-nala.

YEREMIA 38:14

La'e fai fe'ek esa boema manek Zedekia nadenu hataholi mai nala au, fo au u atan nai lelesu ina katelu-a nai Manetualain Uman. Ana nafa'da au nae, “Au nau atane neu o, de o muse matan no mangale'dok. Boso mafuni hata esa boen.”

YEREMIA 42:4

Au ata ae, “Malole! Metema leondiak. Au sipok emi nonoken ndia. Neukose au hule-haladoi neu ita Aman Manetualain-na fo nataan-na leo beek soona, neukose au afa'da la'iesak-kana neu emi; Esa boeo neukose au ta afunin lo emi neu fa.”

DANIAL 4:19

Danial fo loken lae Beltsazar boe, namanene dede'ak ndia boema, ana nggenge ma ana dodoo doak-kana. Boema au fo Mane Nebukadnezar-ra, afa'dan ae, “Beltsazar, o dalem-ma boso susa nanahu me'is ndia sosoa-ndandaan.” Boema Beltsazar nataa nae, “Ama Manek, malolen-na seli, metema leouni'ka me'is ndia neuk manada'dik-kala, tuni la'e Ama Manek musun-nala, te ta la'e Ama Manek fa.

MIKHA 2:7

Boso maedaenga, Manetualain supa-soo basa hataholi Israel-la so! Neukose Manetualain ta tao dede'ak leondiak-ka fa. Beita la'iesa fo mopo dudu'a-aafi manalun-na fa. Ade, Ana ta kokolak no mangana'uk neu hataholi fo manatao dede'a ndoos-sa fa do?”

BILANGAN 23:17

Boema Bileam fali ne'un, te nita Balak no basa mauli-malangan Moab-pala, bei lapadeik deka lo tutunu-hohotu nanatunun-na. Balak natane Bileam, Manetualain kokolak beek so,

MATEOS 26:63

Tehu Yesus ka'da denge-denge. Boema imam matua ina natane la'iesa selu kana nae, “No Manetualain fo maso'dak ndia na'de na mafa'da fe ami, ade O nde Mane Mana Fe So'dak fo Manetualain Anan do?”

RUT SUSULAN-NA 1:17

Mate Ina nai bee soona, au nau mate nai ndia boe, fo natoi au nai ndia boe. Sa'di leo been-na, Manetualain huku au belak-ka, metema au nau asi'da-aba'e eme Ina mai, ela ka'da mamates-sa ta'da ita!”

SEMUEL SUSULAK-KA ESAN-NA 14:44

Saul nafa'dan nae, “Sa'di leo been-na, Manetualain huku au, metema o ta hukunisa o fa, Yonatan!”

SEMUEL SUSULAK-KA ESAN-NA 20:13

Metema nape'da dalek, fo ana tao soe o soona, tao leo bee-o, neukose au afa'da o boe, fo ela o maso'da. Sa'di leo been-na, Manetualain taonisa au, metema au ta tao atetu dede'ak ndia fa. Sa'di leo been-na, Manetualain, tulu-fali o, sama leo makahulun-na, Ana tulu-fali au amang boe!

SEMUEL SUSULAK-KA ESAN-NA 25:22

Sa'di leo been-na, Manetualain taonisa au, metema, au ta taoisa basa touk manai naa-la fa, te le'do beita tii fa!”

SEMUEL SUSULAK-KA ESAN-NA 3:16

tehu Eli naloon, de nafa'dan nae, “Semuel, anang-ngonei.” Semuel nataa nae, “Ou Ama.”