SEMUEL SUSULAK-KA ESAN-NA 28:8 - Susula Malalaok Hehelu Palak Ma Hehelu Beuk

⁸ Boema, Saul pake-nggao sama leo laun-na papake-ngganggaon, fo ela hataholi boso nalelak-kana. Touk dua tungan, de ala la'o, de le'odae boema, ala losa ina malelak ndia uman. Boema Saul nafa'da ina malelak ndia nae, “Maloo hataholi fo au sanga afa'da na'den-na ia, samanen-na, fo moken nafa'da memak, hata fo neukose ana da'di.”

SEMUEL SUSULAK-KA ESAN-NA 28:8 ပူးပေါင်းရင်းမြစ်များ

1RAJA-RAJA 22:30

Ahab nafa'da Yosafat nae, “Neukose au balias au aoina nga fo boso lalelak au, fo daenga au tunga u atee-atati, tehu o pake o papake matua-mademan.” Leondiak mane Israel-la balias aoinan-na fo lalela kana, nai lelek neu natee-natati.

1RAJA-RAJA 22:34

Solda'du Siria esa ta name'da fa te napo'iheni kokou isin-na. Tehu kokou isik ndia la'e Ahab de ana tola ba'du musu na nai ba'du seseu natuti na. Ahab bouk manaho'u kaleta na nae, “La'e au! Po'de falik kaleta fo moo au kalua eme natee-natati ka dalek mai!”

1 TAWARIKH 10:13

Saul maten nanahu ana ta lilineka neu Manetualain, ma ana ta tunga paletan-nala fa. Ana ta noke natutu'duk neme Manetualain mai fa, te noke neme hataholi manamatek-kala dula dalen-na mai. Hu ndia de, Manetualain hukun, de Ana fe kandela manen-na neu Dauk fo Isai anan-na.

2TAWARIKH 18:29

Ahab nafa'da Yosafat nae, “Neukose au tuka-nggati au papake-nggangaong fo tunga natee-natatik, tehu ka'a pake mahele o papake matua-mademam.” Leondiak manek Israel-la tuka-nggati papake-ngganggaon nai lelek neu natee-natati.

2TAWARIKH 35:22

Tehu Yosia natea nahele soaneu la'ban, ma ana ta nau tunga hata fo Manetualain nafa'dan tunga Manek Nekho-a fa. Yosia pake papake-ngganggao fe'ek fo boso lalelak-kana, boema ana masok leo natee-natatik dalek nai masadokek Megido.

YESAYA 8:19

Tehu neukose hataholi-la ladenu emi meu moke natutu'duk neme hataholi malelak fo lamakukutuk ma bafan-nala bekoti. Neukose hataholi sila-la lafa'da lae, “Ade ta nandaa, ita toke natutu'duk neme hataholi manamatek-kala samanen-nala mai, soaneu hataholi maso'dak-ka paluun-na fa do?”

YEREMIA 23:24

Ta hapu hataholi sa boen nafuni-na ao inan-na neme Au mata memeteng-nga fa, nana Au nae mamanak lala'en-na: nai nusa so'dak-ka ma nai daebafak-ka.

YOHANIS 3:19

Ala kalaa kana nanahu dede'a ka nde ia: Mangale'dok ndia, ana mai leo daebafa ka mai so, tehu hataholi daebafa ka hii ka'da makahatu ka, te ana ta nau mangale'do ka fa, hu ka nde tatao-nono'i nala, mangalauk.