SEMUEL SUSULAK-KA ESAN-NA 27:8 - Susula Malalaok Hehelu Palak Ma Hehelu Beuk

⁸ Nai tepo-lelek ndia, Dauk no solda'dun-nala nasi'a ala sapu-la hataholi Gesur-ra, hataholi Girzi-la ma hataholi Amalek-kala; hataholi sila-la, leo dook-ka nai nusak ndia so. Ana sapu-na dae ndia, losa Sur, de nakandoo leo Masir neu.

SEMUEL SUSULAK-KA ESAN-NA 27:8 ပူးပေါင်းရင်းမြစ်များ

2 SEMUEL 14:23

Boema, Yoab neu leo Gesur neu, fo neu nala falik Absalom leo Yerusalem neu.

2 SEMUEL 14:32

Absalom nataa nae, “Nana nai lelek au aloo o, o ta nau mai fa. Au sanga adenu o, fo muu leo manek-ka muu, fo manduku-malosak au natataneng-nga nde ia nae, ‘Sosoak hata, au la'oela Gesur fo au fali ma'ing-nga leo ia mai? Malole lenak, au leo ka'da naa.’ ” Ma Absalom nafa'da seluk nae, “Sanga enok, fo ela au hapu atongo o manek-ka, fo metema bei nafa'da nae au masalak soona, au sadia basa hukumisa au.”

2 SEMUEL 15:8

Nana, nai lelek au bei leo eme Gesur, fo nusak Siria, au aheluk basa, neukose au u sene-do'ok neu Manetualain nai Hebron, metema Ana po'i au fali leo Yerusalem u.”

2 SEMUEL 3:22

Abner la'o boema, Yoab no Dauk solda'dun nggelok, fali ma'is leme musu dale mai, de leni bua-lo'a kakalok makadotok.

2 SEMUEL 3:3

Kileab. Inan nde Abigail, fo Nabal manamatek-ka saon-na, neme Karmel mai. Absalom. Inan nde Maakha, fo Mane Talmai neme Gesur mai, anafe'on-na.

1 TAWARIKH 2:23

Tehu nusak Gesur ma nusak Aram-ma, sengi nggolok 60 nai nusak ndia, fo hataholi Yair-rala nggolon-na, Kenat nggolon-na, boema nggolo-nggolo anak manai titia-tatain-nala nai dalek boe. Basa hataholi manaleo manai sila-la nde been-na, Makhir, fo Gilead aman tititi-nonosin sila.

KELUARAN 15:22

Basa boema, Musa no leoina Israel-la leme Tasi Gelagah leo moo solokaek Syur-ra leu. Ala la'ok faik telu dalen-na, nai moo solokaek-ka, te ala ta hapu oe fa.

KELUARAN 17:8

Basa boema, hataholi Amalek-kala mai de ala sapu-la hataholi Israel-la nai Rafidim.

BILANGAN 13:29

Hataholi Amalek-kala, leo nai nusak ndia, boboan kona; hataholi Het, Yebus ma Amori-la, leo nai nggolok mapupukuk-kala; hataholi Kanaan-nala, leo nai nggolo tasi su'uk-kala, ma nai ndolo-ndolo Lee Yarden-na, su'un-na.”

BILANGAN 14:45

Boema hataholi Amalek ma hataholi Kanaan fo manaleo manai naa-la, sapu leona, de ala sengi hataholi Israel-la, boema ala usis losa Horma.

YOSUA 12:5

Nusa paletan-na, neni Lete Hermon, Salkha, ma Basan lala'en-na, losa leo nusa Gesur ma Maakha; boeo neni nusa Gilead-ta seli, losa leo Mane Sihon-na nusa paletan-na nai kota Hesybon-na.

YOSUA 13:13

Tehu, hataholi Israel-la, ta usiheni laun Gesur ma Maakha-la fa; ala bei leo lahele nai Israel.

YOSUA 13:2

nusa Filistin-na lala'en-na, ma Gesur,

YOSUA 16:10

Tehu leo Efraim-ma, ta usi heni hataholi Kanaan maneme nusa Gezer-ra mai fa. Hu ndia de, losa besak ia, hataholi Kanaan-nala bei leo lahele loo hataholi Efraim-mala, tehu lakasetis, fo laue-lale'di da'di leo ata, soaneu hataholi Efraim-ma.

HAKIM-HAKIM 1:29

Leo Efraim-ma, ta usi heni hataholi Kanaan fo manai kota Gezer ndia, laun-nala fa. Da'di, hataholi Kanaan-nala bei leo lahele sama-sama loos, leme ndia.

SEMUEL SUSULAK-KA ESAN-NA 29:6

Boema, Akhis naloo Dauk, de nafa'dan nae, “Au amahele no Manetualain fo maso'dak-ka na'den-na, ae o lilineka neu au. Au amahoko, metema nai natee-natatik ia dalek, o nai au boboang-nga. Nana, mulai neme o mai leo au mai, losa hatematak ia, au ta hapu o salam-ma fa. Tehu manek fe'ek sila-la, ta hii o fa.

SEMUEL SUSULAK-KA ESAN-NA 30:1

Basa faik dua boema, Dauk no solda'dun-nala fali le'us leo Ziklag leu. Lelek ala losa naa boema, ala hapu halak lae hataholi Amalek-kala, sapu-la nusa Yehuda boboan kona, ma ala sapu-la Ziklag boe. Ala ta taolisa hataholi esa boen. Tehu ala hotu heni kota ndia, de ala la'ok lakandoo sila leleo-lala'on, no loo inak-kala, ni'iana-la, ma laun fe'e-fe'ek-kala. Ala foo leni Dauk no solda'dun-nala teidalen-nala boe, fo Dauk saoinan duas, fo nde Ahinoam ma Abigail, lai dalek boe. Dauk no solda'dun-nala dalen-nala he'dis nanseli, nalosa ala ta hahae kikii-makaleleuk-ka fa, losa ala sota-mangu lanseli.