SEMUEL SUSULAK-KA ESAN-NA 27:1 - Susula Malalaok Hehelu Palak Ma Hehelu Beuk

¹ Dauk dodoo nai dalen dale nae, “Leomae leo beek boe, nai faik esa te, Saul taonisa au. Da'di, ta hapu eno fe'ek so'on, ba'eneu au, ka'da au alai leo nusa Filistin-na u. No enok ndia, neukose Saul ta sanga seluk au nai Israel fa, de neukose, au boeo nee-nee lino-linok.”

SEMUEL SUSULAK-KA ESAN-NA 27:1 ပူးပေါင်းရင်းမြစ်များ

1RAJA-RAJA 12:26

Ana dodoon-na neui dalen dalen-nae leoia, “Metema laun-na leu leo, Yerusalem leu tataas esa soaneu fe tutunu-hohotuk nai Manetualain Uman sama leo hata fo ala taon besak ia soona, neukose ala tia-to'ba seluk Rehabeam fo mane Yehuda, boema ala taolisa au.”

1RAJA-RAJA 12:28

Ana tai dodoo basa dede'ak ndia boema, ana tao na sapi lilopilas nanadoki-dulak dua, boema nafa'da laun-na nae, “Leoina Israel-la lemin! Dook-ka nanseli so, emi meu leo Yerusalem meu fo hule-haladoi. Mulai neme besak ia mai buas ia-la nde da'di emi lamatuam fo no emi kalua meme Masir mai!”

1RAJA-RAJA 19:3

Elia bii, boema nalai fo sueka boso taolisan. Elia no atan-na leu leo Bersyeba fo nai Yehuda. Nai naa, ana la'oela atan ndia,

2TAWARIKH 25:17

Amazia, fo manek Yehuda no basa manamanoli-mafa'dan-nala tao nakabubua makahatuk fo la'ban Israel. Ana haitua hataholi neu leo Yoas manek Israel-la, fo Yoahas anan-na, Yehu upun-na, soaneu noke natee-natatik non.

MAZMUR 116:11

Nai au napangamang-nga dalek, au afa'da ae, “Ta hapu hataholi esa boen, fo hapu nananamahelek fa.”

MAZMUR 55:7

Ah, leouni'ka au mali'dak sama leo manupui kalua soona, neukose au laa fo au u sanga mamana nee-nee lino-linok.

KELUARAN 14:12

Makahulun-na, ami mafa'da basa neme Masir, mae neukose dede'ak ia ana da'di! Ami makaseti o so, fo boso taom-ma ami dalem-ma ta tesa-tama fa, tehu nemen-na, fo ami da'di ata mahele nai Masir. Malole lenak, ami da'di ata nai naa, neme mate ami nai moo solokaek ia!”

AMSAL 13:12

Metema namahehenak-ka, ta tao natetu fan soona, aopaak-ka male-tale; tehu metema hihii-nanauk-ka nanatao natetuk soona, dalek-ka naua-nanale.

YESAYA 51:12

Manetualain nafa'da nae, “Au nde kokoe-nanasi emi-a. Tao le'e de, o bii-mamata'u neu hataholi daebafak fo, manasapu-manalalok-ka, neu hataholi daebafak fo, nanatapa henik, sama leo na'u-a?

BILANGAN 14:3

Sosoak hata, Manetualain no ita leo nusak ndia neu? Neukose, ita mate nai natee-natatik dale, fo ala foo leni ita sao-anan-nala. Ade ta malole lenak, ata fali te'ut-tala leo Masir teu fa do!”

MATEOS 14:31

No lai-laik Yesus lok lima na neu, de ana ho'u nan boema nafa'dan nae, “Petrus, Petrus, o namahehele ma, beita dai fa. Tao le'e de, o ta mamahele te'e-te'e neu Au fa?”

MARKUS 4:40

Boema Yesus nafa'da ana mana tunga nala nae, “Tao le'e de emi bii? Tao le'e de emi ta mamahele Au fa?”

2 KORINTUS 7:5

Lelek ami losa Makedonia boeo, ami ta hapu loak hahae aom makandondook fa. Neme basa boboak lala'ena, ami hapu toto'a-tataak: neme hataholi fe'ek, ami hapu nale'a-napilik, ma name ami dalem dale, ami hapu bibii-namata'uk.

SEMUEL SUSULAK-KA ESAN-NA 16:1

Basa teuk de'ubee boema, Manetualain nafa'da Semuel nae, “O dalem-ma he'dis losa fa'ihi'da hu kande Saul? Ade, Saul ta da'di manek Israel so'on hetu? Besak ia, ho'i-ma mina setun, fo muu leo Betlehem muu, soona muu leo hataholi esa na'de Isai, nanahu Au hele basa anan esa da'di manek so.”

SEMUEL SUSULAK-KA ESAN-NA 16:13

No lai-laik, Semuel ho'in-na mina setun ndia, de ana ndo ei Dauk, nenik ana lose mina neun, nai ka'an-nala matan. Nai hatematak ndia boe, Manetualain Duladalen-na koasa-na Dauk. Mulai neme faik ndia mai, Manetualain Duladalen-na sama-sama non tataas esa. Basa boema, Semuel fali ne'un leo Rama neu.

SEMUEL SUSULAK-KA ESAN-NA 20:3

Boema, Dauk nataa nae, “O amam bubuluk besa-besa nae o sue-lai au. Da'di, tao leo bee-o, ana ta nau nafa'da dede'ak ndia neu o fa, fo ela o dalem-ma boso he'dis-sa. Tao leo beek boeo, no Manetualain fo maso'dak-ka na'den-na, te'e-te'e au so'dang-nga, sama leo manutolo nai kapa susula pe'dan-na!”

SEMUEL SUSULAK-KA ESAN-NA 22:5

Nai faik esa boema, nabi esa na'de Gad, ana mai leo Dauk mai, de nafa'da nae, “Boso leo nai leak ia dalek, te no lai-laik muu leo dae Yehuda muu.” Boema Dauk la'o, de neu leo nula Keret dale neu.

SEMUEL SUSULAK-KA ESAN-NA 23:17

Yonatan nafa'dan nae, “Boso bii, te neukose o ta tu'da leo au amang liman dale neu fa. Ama bubuluk te'e-te'e nae, neukose o nde da'di mane Israel-la, ma nae neukose, au hapu kandela nangatutuuk nai o dae.”

SEMUEL SUSULAK-KA ESAN-NA 25:30

Neukose Manetualain tao basa malole lala'en, fo Ana helun neu au Ama Maneng, de ta dook-ka so'on te, Ana tao au Ama Maneng da'di manek neu Israel.

SEMUEL SUSULAK-KA ESAN-NA 26:19

Ama Manek, mamanene atam-ma dokodoen ia. Leounik-ka, Manetualain nde nadenu Ama Manek, fo daenga la'ban atam-ma soona, tunu-hotu tutunu-hohotuk esa, fo neukose ana hapu tao natenak heni nasa-melun neu atam-ma. Tehu, leounik-ka, manamadenu Ama Manek ndia, nde been-na, hataholi daebafak soona, sa'di leo been-na, Manetualain soo-supas! Nanahu no sila tatao-nono'in ndia de, atam-ma nanausi henik neme Manetualain dae-na mai, de no nakasetik, atam-ma muse neu leo mamana fe'ek, fo nai bee, atam-ma muse sene-do'ok neu lamatua daebafak nusa dea-la.

SEMUEL SUSULAK-KA ESAN-NA 29:2

Mane Filistin ka limakala, ala tutulumatak lakadadalak, loo esa-esak solda'dun, fo solda'du dalak esa soona, hataholi natun esa ma lifun esa. Dauk no solda'dun-nala, sama-sama loo Mane Akhis-sa, lakadadalak lai dea.

SEMUEL SUSULAK-KA ESAN-NA 29:3

Hataholi Filistin-nala, malanga solda'du matuainan-nala litas, boema latane lae, “Te hataholi Ibrani sila-la, ala tao beek nai ia?” Boema Akhis nataa nae, “Dauk nde ia, ana da'di hai Mane Saul fo neme Israel mai, hataholi mana'a ngga'din so. Ana leo dodooana faa no au so. Mulai neme ana mai leo au mai, losa faik ia, au beita hapun, ana tao salak fa.”