SEMUEL SUSULAK-KA ESAN-NA 26:8 - Susula Malalaok Hehelu Palak Ma Hehelu Beuk

⁸ Boema Abisai nafa'da Dauk nae, “Nai le'odaek ia, Manetualain fe basa o musum-ma neu o so. Fe au loak, fo au ho'i-a teen-na, fo au pau seluk-kana neu aon-na, fo ana tola losa dae lain, au pau isan nenik ka'da paun la'i esa, fo ta paluu la'i dua so'on!”

SEMUEL SUSULAK-KA ESAN-NA 26:8 ပူးပေါင်းရင်းမြစ်များ

2 SEMUEL 16:9

Yoab fa'din Abisai, fo Zeruya anan-na, nafa'da manek-ka nae, “Tao le'e de, Ama Manek po'ilotak manatao tasi'bu ndia soo-supa Ama Manek? Po'i atam-ma, fo atam-ma te'te heni langan-na!”

MAZMUR 31:8

Neukose au amahoko ma setelee, nana O sue-lai mahele au. O mita au doi-dosong ma O taoafik neu au toto'a-tataang.

YEREMIA 40:15

Boema Yohanan nafa'da neu Gedalya nenik nakakukutuk nae, “Malole lenak au u tao isa Ismael; fo ela hataholi esa boen ta bubuluk nae sekande tataon ndia fa. Tao le'e de po'ilotak-kana ana tao nisa o? Neukose ndia nenenin-na basa hataholi Yehuda fo manamakabubuak lo o manai iala ala tapasasala seluk bai, ma dedeak ndia tao nalutu laiesak laun fo bei elak manai Yehuda.”

NAHUM 1:9

O tutu'u beek fo o taon soaneu la'ban Manetualain soona, tao leo bee-o, neukose ta da'di fa. Neukose Ana ta balas nape'da dalen-na losa la'i dua neu musun-nala

ROMA 11:32

Nana Manetualain po'ilotak basa hataholi daebafak lala'ena, langa batu ka koasa nalas, fo daenga Ana hapu natu'du susue-lalain neu basa-basas.

ULANGAN 32:30

Hapu nai bee, hataholi esa, bisa usi hataholi lifun esa, ma hataholi dua, bisa tao-la hataholi lifun sanahulu lalai? Sila Manetualain-na, nase'oheni sila so; Manetualain fo palani tatibatu ndia, Ana la'oela sila so.

YOSUA 21:44

Boema nandaa no Manetualain helun neu sila bei-ba'i kain-nala, de nusak ndia nee-nee lino-linok, nanahu Manetualain nasulu-nahapan. Musu-musun-nala, ta hapu esa boen hapu la'ban-nana fa, nana Manetualain fe hataholi Israel-la sengi basa musun-nala.

HAKIM-HAKIM 1:4

ma leo Yehuda, leu latee-lata'ti sama-sama. De Manetualain fes sengi hataholi Kanaan-nala, ma hataholi Feris-sala. Mate solda'du musu lifun sanahulu nai Bezek.

SEMUEL SUSULAK-KA ESAN-NA 23:14

Basa ndia boema, Dauk leo nai lea-leak manai letelepak-kala dalek, nai moo solokaek Zif-fa. Saul usi do'e-do'e non, tehu Manetualain ta fe Dauk leo manek ndia neu fa.

SEMUEL SUSULAK-KA ESAN-NA 24:4

Boema Saul losa bi'i lalae de'ubee, nai enok-ka su'un-na. Leak esa nai ndia boe, de Saul neu leo dalek neu fo nangadeak. Ndia te, Dauk no solda'dun-nala ke'ke nai leak ndia dalek boe, tehu lai leak-ka buin-na.

SEMUEL SUSULAK-KA ESAN-NA 24:5

Boema Dauk solda'dun-nala lafa'dan lae, “Ama hapu fai lelak malole ia so! Ade, Manetualain, ta nafa'da basa Ama nae leo ia, ‘Neukose, Au fe o musu noom-ma leo o limam dale neu, fo o taon su'di bebe'ik-ka hetu!’ ” Basa boema, Dauk danga-danga mesan leo Saul neu, de ana ke'di-na Saul ba'du manalun-na, su'udoon faaanak.

SEMUEL SUSULAK-KA ESAN-NA 26:23

Neukose Manetualain fe baba'e-papalak neu hataholi see fo ana lilineka, ma ana tao tunga matetun-na. Nana, leomae nai faik ia, Manetualain fe Tuan neu au, tehu au ta nau tao mangalauk neu Tuan, fo manek Manetualain helek-ka.

SEMUEL SUSULAK-KA ESAN-NA 26:7

Boema, nai le'odaek ndia, Dauk no Abisai loi-loi mesan leo mamana ofu ndia dalek leu, de lita Saul bei sungu nai mamana ofu ndia, tala'da heon, ma ana falak teen-na nai dae lain, deka no langan-na Abner no solda'dun-nala sungu okofeo-la Saul.

SEMUEL SUSULAK-KA ESAN-NA 26:9

Tehu Dauk nae, “Boso taon le'e esa boen! Tao leo bee-o, Manetualain huku hataholi fo manatao mangalauk neu manek fo Ana helek-ka.