SEMUEL SUSULAK-KA ESAN-NA 26:21 - Susula Malalaok Hehelu Palak Ma Hehelu Beuk

²¹ Boema, Saul nataa nae, “Au tao salak so. Dauk, anang-ngo, fali leona! Neukose au ta tao mangalauk neu o so'on, nanahu le'odaek-ka, o ta taomisa au fa. Tete'ek-ka, au ha'da-paliing nggoak. Au asala te'e-te'e so!”

SEMUEL SUSULAK-KA ESAN-NA 26:21 ပူးပေါင်းရင်းမြစ်များ

2RAJA-RAJA 1:13

La'iesa seluk, manek-ka nadenu malanga solda'du manai lain esa, no solda'du anan 50. Malanga solda'du manai lain ndia, kae leo pupukuk lain neu, de ana losa Elia matan-na, boema ana senek, ma nae “Fe do'o do ampon neu ami, ou Manetualain atan-na! Sue-lai au, ma au solda'du anang ia-la. Boso taomisa ami!

2RAJA-RAJA 1:14

Ha'i-a neme lalai mai, de na'anisa malanga solda'du manai lain fe'ek dua, loo solda'du ana-nala, tehu au dokodoe, fo sue-lai au!.”

MAZMUR 116:15

Manetualain nasasale dale nanseli, metema mate hataholi susue-lalain esa.

MAZMUR 49:8

Tete'ek-ka, ta hapu hataholi esa boen, bisa soi-tefa-na tolanoon-na fa, do ana bae doi sosoin-na leo Manetualain neu.

MAZMUR 72:14

Ana soi-po'is leme tuni-ndenik ma laka-nakasetik-ka mai, nana hataholi sila so'dan-na belin-na, ba'un-na seli ba'eneun.

KELUARAN 9:27

Boema, manek-ka naloo Musa no Harun, de nfa'da nae, “Au asala-asingo so. Manetualain nde ndoos-sa, te au ma au laung-ngala, tao salak so.

BILANGAN 22:34

Boema Bileam nataa nae, “Au asala-asingo so. Au ta bubuluk, ae Tuan napadeik nai enok-ka tala'da, fo napangge au fa. Tehu besak ia, tunga Tuan hahapun-na, metema au la'ok akandoo soona, ta malole fa, de neukose au fali.”

MATEOS 27:4

Neu boema nafa'das nae, “Au asala-asingo so, nana au ke'dindiu hataholi sala tak ndia de nalosak nanahuku nisak!” Tehu lafa'dan lae, “Ami ta mafaduli fa. O dede'am ndia!”

SEMUEL SUSULAK-KA ESAN-NA 13:13

Semuel namanene dede'ak ndia boema, nafa'da Saul nae, “Ama Manek tataon ndia, tatao-nono'i nggoak nanseli. Leounik-ka Ama Manek tunga Manetualain paletan neu Ama Manek-ka soona, tao leo bee o, neukose Manetualain fe nakeketuk, fo Ama Manek ma Ama Manek tititi-nonosin da'di manek Israel losa dodoon-na.

SEMUEL SUSULAK-KA ESAN-NA 15:24

Saul namanene dede'ak ndia boema, ana manaku neu Semuel nae, “Memak au asala-asingo so. Au la'olena Manetualain paletan-na, ma au ta taoafik neu Ama natutu'dun-na fa. Au bii au solda'dung-ngala, boema au tao atetu nonoken-nala.

SEMUEL SUSULAK-KA ESAN-NA 15:30

Saul nataa nae, “Au asala-asingo basa so. Tehu Ama sue-na, fali sama-sama moo au, fo ela au hapu sene-do'ok neu Manetualain fo Ama Manetualain-na. No enok ndia, Ama fe ha'da-holomata neu au, nai basa au mauli-malangan leoina-la matan, ma nai nusak Israel-la lala'en-na.”

SEMUEL SUSULAK-KA ESAN-NA 18:30

Metema neu faik beek, fo solda'du Filistin-nala mai sapu soona, Dauk nde taonisa solda'du musu ba'uk-ka, nakalena neme basa Saul malanga solda'du matuaina fe'en-nala mai. Boema Dauk boetai nanakoa-nanakiok.

SEMUEL SUSULAK-KA ESAN-NA 24:17

Dauk kokolak basa dede'ak sila-la boema, Saul nafa'da nae, “Hai Dauk anang-ngonei, o nde ndia do?” Boema ana kii.

SEMUEL SUSULAK-KA ESAN-NA 26:22

Tehu Dauk nataa nae, “Ama Manek teen-na nde ia, de Ama Manek madenu Ama Manek solda'dun esa mai leo ia mai, fo ana ho'i-nan.

SEMUEL SUSULAK-KA ESAN-NA 26:24

Da'di, sama leo au po'ilotak Ama Manek nasoda nai faik ia, leondiak boe, sa'di leo been-na, Manetualain nasulu-nahapa au, ma Ana se'i-po'i au eme soe lala'en-na mai!”

SEMUEL SUSULAK-KA ESAN-NA 27:4

Lelek Saul namanene lae Dauk nalai leo Gat neu so boema, ana ta sanga seluk enok fo ho'un so'on.