SEMUEL SUSULAK-KA ESAN-NA 26:19 - Susula Malalaok Hehelu Palak Ma Hehelu Beuk

¹⁹ Ama Manek, mamanene atam-ma dokodoen ia. Leounik-ka, Manetualain nde nadenu Ama Manek, fo daenga la'ban atam-ma soona, tunu-hotu tutunu-hohotuk esa, fo neukose ana hapu tao natenak heni nasa-melun neu atam-ma. Tehu, leounik-ka, manamadenu Ama Manek ndia, nde been-na, hataholi daebafak soona, sa'di leo been-na, Manetualain soo-supas! Nanahu no sila tatao-nono'in ndia de, atam-ma nanausi henik neme Manetualain dae-na mai, de no nakasetik, atam-ma muse neu leo mamana fe'ek, fo nai bee, atam-ma muse sene-do'ok neu lamatua daebafak nusa dea-la.

SEMUEL SUSULAK-KA ESAN-NA 26:19 ပူးပေါင်းရင်းမြစ်များ

KEJADIAN 44:18

Boema Yehuda tutulumatak fo ana deka no Yusuf de nafadan nae, “Ampon, Tuan, fe ata ma loak kokolak seluk o Tuan. Boso mamanasa ata ma; nana Tuan nde been-na sama no manek Masir-ra.

KEJADIAN 8:21

Tutunu-hohotuk ndia, boomenin-na tao namahoko Manetualain dalen-na, boema Ana dodoo nai dalen dalen-nae, “Neukose Au ta soo-supa seluk daebafak ia so'on, hu kande hataholi daebafak-ka tatao-nono'in; Au bubuluk, hataholi daebafak-ka dudu'a-aafin ndia, mangalauk neme bei muli-solun-na mai. Neukose, Au ta tao amopo-amate basa mahahae maso'dak, fo bei kaso'dak-kala so'on, sama leo besak-ka Au taok ia.

2 SEMUEL 14:16

Atam-ma dodoo nae, neukose au Ama Maneng namanene fo soi-tefa-na atam-ma neme hataholi fo, ana sanga enok sanga taonisa atam-ma, ma atam-ma anan-na. Ala tutu'u basa, fo ala usi heni ami neme dae fo Manetualain fen neu anan-nala ndia.

2 SEMUEL 16:10

Tehu manek-ka nafa'da Abisai ma ka'an Yoab nae, “Boso litu moon. Nemen-na, fo ana soo-supa au. Nana, metema Manetualain nde nadenun-nana soona, see kande nanuu hak natanen, tao le'e de ana tao leondiak?”

2 SEMUEL 16:11

Boema, Dauk nafa'da seluk Abisai, ma basa atan-nala nae, “Au ana bonging-nga boeo, ana sanga enok fo sanga taonisa au; tao le'e de, emi mita Benyamin hataholin ia, ha'da-paliin boema, emi dodoo doak-kana? Manetualain nde nadenun fo ana soo-supa au-a; hu ndia de, boso taon le'e esa boen, nemen-na fo ana soo-supa nakandoo.

2 SEMUEL 20:19

Ami nusam Abel ia matuaina, kota esa nee-nee lino-linok, ma manalilinekak nai dae Israel ia. Tao le'e de, Tuan sanga enok fo tao makalulutuk-kana? Tuan nahiik tao nakalulutuk Manetualain daen-na do?”

2 SEMUEL 21:3

de natanes nae, “Ade, au tao beek soaneu emi? Au ahiik soi-tefa salak fo nanatao basak neu emi so, fo ela emi fe Manetualain anan-nala, baba'e-papalak.”

2 SEMUEL 24:1

Manetualain namanasa seluk Israel, boema Ana fufu'di-oodok Dauk no dudu'ak, fo ela neni toto'a-sosotak fe leoina ndia. Manetualain nafa'dan nae, “Leke hataholi Israel-la ma hataholi Yehuda-la dede'un-nala.”

1RAJA-RAJA 22:22

Manetualain natane nae, ‘Eno na tao leo beek?’ Dula dalek ndia nataa nae, ‘Neukose au u fo au tao a basa Ahab nabi nala lasapepeko-lasandandali.’ Manetualain nae, ‘Hei, taon leona, neukose o hapu fufu'di man.’ ”

1 TAWARIKH 21:1

Nitu nahiik tao soe hataholi Israel-la; hu ndia de ana fufu'di-oo'dok Dauk fo ela ana sulak laun nala dede'un nala.

MAZMUR 120:5

Soe ba'eneu au, nanahu au muse aso'da sama-sama o, o; sama-na leo, au leo nai Mesekh, do nai hataholi Kedar-ra tala'da.

MAZMUR 20:4

Ela leo been-na, Ana nafandendelek basa o tunu-hotum, ma namahoko nenik basa o tutunu-hohotu nanatunum lala'ena.

AMSAL 30:10

Boso makasasa'ek dede'ak neu ata esa, neu tuan-na, nana mahani te, ana soo-supa o, ma nafa'da nae o masala.

YESAYA 60:5

O mete-mita ndia boema, o dodoo doak-kana ma o mata-panam napena; o nggenge ma o dalem-ma namatua. Leoina-kala, leni hata-heton leo o mai, o hapu su'i-betes manasasi kao-kaok-ka, neme tasi selik mai.

IMAMAT 26:31

Au tao akalulutuk emi kotam-mala, fo da'di ai-batu madodouk, Au tao akalulutuk emi mamana sosongo-tatangom, ma Au ta sipok emi tutunu-hohotum-mala fa.

BILANGAN 36:7

Nana hataholi Israel-la pusakan-na, ta bole lali leme leo esa leo, leo esa neu fa.

BILANGAN 36:9

nalosa dae pusaka ndia, ta lali-lali neme leo esa leo fe'ek neu. Leoina Israel-la, leon-nala esa-esak nanuu nahele dae pusaka mesan-na.”

ROMA 14:15

Tehu metema emi mi'a hata esa, fo nini dale he'dik fe emi tolanoom fo kamahehelek esa soona, emi tatao-nono'im ndia ta tunga susue-lalai ka so'on; Metema Kristus mate soaneu hataholi esa, soona boso po'ilotak hataholi ndia namahehele na nalutun, nanahu hata fo emi mi'ak ndia.

GALATIA 5:12

Malole lenak hataholi mana tao tasibu emi dudu'a-aafim sila la, kalua henis tutik leme hataholi kamahehele kala dalek mai!

ULANGAN 13:3

boso taoafik neun. Nana emi Manetualaim-ma pake hataholi ndia, fo Ana mete, ade te'e-te'e, emi sue-lai Manetualain no emi dalek katematuam-ma do ta.

2 TIMOTIUS 4:14

Nana Aleksander fo tuka liti ndia, ana tao mangalauk ba'u ka la'eneu au so. De neukose Lamatua ka, Ana balas ana, nandaa no tatao-nono'in.

SEMUEL SUSULAK-KA ESAN-NA 18:10

Balahaa, fo lelek Saul bei nai uman dale no ana ho'u teen-na, te no kaiboik duladalek mangalauk fo Manetualain nadenuk-ka, koasan-nan, nalosa natutu-nafepa sama leo hataholi kamulus-sa. Lelek ndia, Dauk bei nakaminak kecapi sama leo mandoo fai-a.

SEMUEL SUSULAK-KA ESAN-NA 24:9

Dauk boeo, kalua neme leak ndia dalek mai, de naloo bou-bou neme Saul dean-na mai nae, “Ama Manek!”

SEMUEL SUSULAK-KA ESAN-NA 25:24

boema nafa'dan nae, “Au Tuang-ngonei, sa'di leo been-na, mamanene dei! Nemen-na, fo atam-ma lu'a-lepa aon, salak ndia!

SEMUEL SUSULAK-KA ESAN-NA 27:1

Dauk dodoo nai dalen dale nae, “Leomae leo beek boe, nai faik esa te, Saul taonisa au. Da'di, ta hapu eno fe'ek so'on, ba'eneu au, ka'da au alai leo nusa Filistin-na u. No enok ndia, neukose Saul ta sanga seluk au nai Israel fa, de neukose, au boeo nee-nee lino-linok.”