SEMUEL SUSULAK-KA ESAN-NA 26:15 - Susula Malalaok Hehelu Palak Ma Hehelu Beuk

¹⁵ Boema Dauk nataa nae, “Abner, ade o ta nde hataholi palani ta'ti batu nai Israel hetu? Tao le'e de, o ta manea o tuam, fo ama manek fa? Besak-ka, hataholi masok leo o mamana ofum dale neu, fo taonisa o tuam-ma.

SEMUEL SUSULAK-KA ESAN-NA 26:15 ပူးပေါင်းရင်းမြစ်များ

2 SEMUEL 3:38

Manek-ka nafa'da basa hataholi mana'a-ngga'din-nala nae, “Ade, emi ta bubuluk mae nai faik ia, mauli-malangan matua esa, ana kono-monu nai Israel so do beik?

DANIAL 4:19

Danial fo loken lae Beltsazar boe, namanene dede'ak ndia boema, ana nggenge ma ana dodoo doak-kana. Boema au fo Mane Nebukadnezar-ra, afa'dan ae, “Beltsazar, o dalem-ma boso susa nanahu me'is ndia sosoa-ndandaan.” Boema Beltsazar nataa nae, “Ama Manek, malolen-na seli, metema leouni'ka me'is ndia neuk manada'dik-kala, tuni la'e Ama Manek musun-nala, te ta la'e Ama Manek fa.

MATEOS 26:40

Basa ndia boema, Yesus fali leo ana mana tunga katelu nala neu te nitas ala bei sungu. Boema nafa'da Petrus nae, “Ka'da li'u esa mesa kana boeo, emi telu ta nau manea sama-sama mo Au fa?

SEMUEL SUSULAK-KA ESAN-NA 26:14

Basa boema, Dauk naloo bou-bou neu Abner ma Saul solda'dun-nala nae, “Abner! O mamanene au halang-nga do ta?” Abner boeo, naloo bou-bou nae, “O ia see, fo mananggasi au-auk ndia?”

SEMUEL SUSULAK-KA ESAN-NA 26:16

O ta makalala'ok mabe'i, o bela-ba'um fa, Abner! No Manetualain fo maso'dak-ka na'den-na, emi basa-basam-mala mandaa mate, nanahu emi ta manea emi tuam, fo nde Manetualain hele manek-ka fa. So'ba mete su'dik, manek-ka teen-na nai bee. Boto oe fo, na'kasa neme langan-na boboan-na, nai bee?”