SEMUEL SUSULAK-KA ESAN-NA 26:10 - Susula Malalaok Hehelu Palak Ma Hehelu Beuk

¹⁰ No Manetualain fo maso'dak-ka na'den-na, au bubuluk ae mahani te, neukose Manetualain nde taonisa Saul, metema fai mamaten-na losa so, do metema maten nai natee-natatik dale.

SEMUEL SUSULAK-KA ESAN-NA 26:10 ပူးပေါင်းရင်းမြစ်များ

KEJADIAN 47:29

Lelek faim-ma losa, fo sanga maten boema, naloo Yusuf fo anan ndia, boema nafa'da nae, “Metema o sue au soona tao o limam-ma neu au puu huung duas tala'da, fo soo-supa mae neukose o ta matoi au nai Masir ia fa.

AYUB 14:14

Nana metema, hataholi daebafak-ka maten soona, ade, ana bisa fo'a falik do ta? Au ahani, neme faik leo faik neu, losa au fai toto'a-tatang ia sapu-lalo.

AYUB 14:5

O maketu basa, hataholi daebafak-ka, teun-na so; O maketu basa bulan-na, dede'un-na so. O maketu so'dan-na, too-lanen boe; de ta bisa, ana nggani seli fan.

AYUB 7:1

Hataholi daebafak ndia, nono'kabai de, nananakasetik, fo ana ulepo'de sanga nanalak; so'dan-na belak-ka, sama leo hataholi nanase'ba-baek esa, so'dan-na; ma

MAZMUR 37:10

Hataholi mangalauk-ka, neukose mopok-kana no lai-laik metema sangan soona, ta kana so.

MAZMUR 37:13

Tehu Manetualain hika hataholi mangalauk-ka, nana Ana bubuluk hataholi ndia, fai mate'en-na, ana deka so.

MAZMUR 94:23

Ana huku hataholi mangalauk-ka, nandaa no tatao-nono'in, ma Ana tao namopo-namates nanahu sala-singon-nala. Ita Aman Manetualain neukose Ana hukus.

PENGKHOTBAH 3:2

Manetualain naketu faik soaneu bongi, ma faik soaneu mate, faik soaneu sele, ma faik soaneu fe'a henin,

LUKAS 18:7

Naa, ade Manetualain neukose ta nasala'e hataholi kamahehelen fo lalo bou-bou lon lele'do-le'odaen fa do? Ade nakadodook fai na, fo Ana ta tulu-fali fas do?

ROMA 12:19

Tolano-tolanoo ngala lemin! Boso balas nape'da dalek no nape'da dalek, neme na fo Manetualain nde huku nana. Nana nai Susula Malalaok dale nanasulak nae, “Au nde manabala sa. Neukose Au nde huku nana.” Lamatua ka nae leondia.

ULANGAN 31:14

Basa boema, Manetualain nafa'da Musa nae, “O so'dam-ma, ta dook-ka so'on. Da'di, muu fo moo Yosua leo Au Lalaa Temang-nga neu, fo ela Au fen natutu'duk.” Boema, Musa no Yesua leu leo Manetualain Lalaa Teman-na leu,

ULANGAN 32:35

Neukose Manetualain balas ma Ana hukus, ta dook-ka so'on te, ala tu'u leu fo mate-mopos; sila fai nakalulutun-na, ana losa no lai-laik.

IBRANI 10:30

Ita bubuluk, see Ndia fo nafa'da nae, “Neukose Au balas! Neukose Au huku!” ma mana mafa'dak nae, “Neukose Manetualain naketu-nala'di hataholi kamahehele nala.”

IBRANI 9:27

Manetualain naketu basa, hataholi daebafa ka mate ka'da la'iesa, fo basa ndia soona, Manetualain naketu-nala'di hataholi sila tatao-nono'in.

NINITAK 18:8

Hu ka nde dede'ak ndia de ka'da nai faik esa mesa kana neukose susa-soe – he'di-laus, dale he'dik ma la'andoes lapalunilan. Ma neukose ha'i naputun, nana Amak Manetualain fo manamaketu-mala'di nana nanuu koasa.”

SEMUEL SUSULAK-KA ESAN-NA 24:12

Au amang mete leona! Mitak au ho'u Ama Manek ba'du manalun-na, bibian-na nde ia. Tunga ndoon-na, atam-ma bisa taonisa Ama Manek dei, tehu atam-ma ka'da ke'di-na Ama Manek ba'du manalun-na, su'udoon faaanak. Da'di, tete'ek-ka, atam-ma ta nanuu dudu'a mangalauk, do nalelesi Ama Manek fa. Ama Manek usi atam-ma do'e-do'e, fo taonisa atam-ma, leomae atam-ma ta nasala Ama Manek faa anak boen.

SEMUEL SUSULAK-KA ESAN-NA 24:15

Taoafik neu atam, fo mane Israel-la sanga taonisan ia. Mete atam fo nanausi do'e-do'ek ia! Atam-ma, ka'da busa mates esa, ma utu esa mesak-kana.

SEMUEL SUSULAK-KA ESAN-NA 25:26

Manetualain kena-ka'i basa au Ama Manek, fo boso balas ma taomisa Tuan musun-nala. Ma besak ia, au Tuang-ngonei, au no Manetualain fo maso'dak-ka, atam-ma soo, sa'di leo been-na, au Ama Maneng musun lala'en-na, ma hataholi see fo nahiik tao soe au Ama Maneng ua-nalen, sama-na leo Nabal ua-nalen.

SEMUEL SUSULAK-KA ESAN-NA 25:38

Fafa'kama, ta'da faik sanahulu boema, Manetualain fe he'dis-sa la'e seluk bade'en-na de maten.

SEMUEL SUSULAK-KA ESAN-NA 25:39

Dauk namanene Nabal maten boema nafa'da nae, “Koa-kio Manetualain! Nanahu Ana balas Nabal dodoki-aali au, boema Ana kena ka'i au fo ela au boso tao mangalauk. Manetualain huku basa Nabal nanahu tatao-nono'i mangalaun-na.” Basa boema, Dauk nadenu hataholi neu adu-natane Abigail, fo ana taon da'di ndia saoinan.

SEMUEL SUSULAK-KA ESAN-NA 31:4

Boema, Saul nafa'da ta'eanak manaho'u tafa-sisilon nae, “Fe'a-ma, o tafainam-ma, fo paun neu au, fo ela hataholi fo ta lalelak Manetualain sila-la, boso tao lakamiminak au, fo taolisa au.” Tehu ta'eanak ndia, ta nau pau fan, nanahu ana sue-na Saul ba'un-na seli. Hu ndia de, Saul ho'in-na tafainan-na, de ana bala aoinan-na neu tafaina ndia, tanen lain.

SEMUEL SUSULAK-KA ESAN-NA 31:6

Da'di, Saul no anamane ka telun-nala, ma basa solda'dun-nala, boema ta'eanak ndia, mamaten-nala nai faik esa dalen-na.