SEMUEL SUSULAK-KA ESAN-NA 25:8 - Susula Malalaok Hehelu Palak Ma Hehelu Beuk

⁸ So'ba matane mitak-kasa, te tao leo bee-o, neukose ala ta lalelesi dede'ak ndia fa. Hu ndia de, au amahena, fo ela o sipok au solda'dung-ngala no malole nai o umam, nanahu ami mai la'e, fai matua ia. Boeo, fe o atam ia-la, ma au, Dauk fo o tia-lai malolem-ma, su'di beek fo, o mahiik fen tunga o dale hihiim-ma.”

SEMUEL SUSULAK-KA ESAN-NA 25:8 ပူးပေါင်းရင်းမြစ်များ

ESTER 9:19

Hu ndia de, hataholi Yahudi fo manaleo nai kota anak-kala, ala tao bula Adar-ra fain 14, da'di fai nasanene'dak, da'di leo fai namahokok, faik soaneu feta-dote, boema esa fe esa bua palsen, nalupa nana'a-nininuk.

ESTER 9:22

Nana nai faik sila-la nde ala sengi sila musun-nala, nalosa sila dale he'din ma dale susan-na, nasafali da'di namahokok ma maua-manalek. Hu ndia de, ala muse tao feta soaneu faik sila-la, fo la'a-linu sama-sama, boema esa fe esa nana'ak, ma ala fe hataholi nuu taa-hata taak-kala bua palsen.

PENGKHOTBAH 11:2

Pe'da o doi pokom-ma neu manadangan mata-matak-kala, sanga-ma enok makadotok. Nana hataholi-a paluu nanea, nai lelek soe-a beita tuni la'e fan.

LUKAS 11:41

Fo manai emi pinga-mangom dale ndia nde muse emi fen neu hataholi nuu ta-hata ta kala. No enok ndia, basa-basan neukose da'di balisi soaneu emi.

SEMUEL SUSULAK-KA ESAN-NA 24:11

Besak ia, Ama Manek mita matam, na'kasa neme leak dale ndia, Manetualain, fe basa Ama Manek neu au so. Hataholi esa fufu'di-oodok basa atam-ma, fo taoisa Ama Manek, tehu atam-ma ta nau fa. Atam-ma nataa nae, atam-ma tau nau tao nahe'di atam-ma manen fo Manetualain helek-ka fa.

SEMUEL SUSULAK-KA ESAN-NA 25:9

Dauk solda'dun-nala losa Karmel boema, no Dauk na'den-na, landuku-lalosak hala heheluk ndia neu Nabal, boema lahani.

SEMUEL SUSULAK-KA ESAN-NA 3:6

Basa boema, Manetualain naloo seluk Semuel, tehu Semuel ta bubuluk nae Manetualain nde manamalook ndia fa, nana Manetualain beita kokolak nita no fan. Hu ndia de, ana fo'a, boema neu leo Eli neu, de natane nae, “Te beek Ama? Tao le'e de, Ama maloo?” Eli nataa nae, “Au ta aloo o fa anang-ngo; muu sungu seluk.”