SEMUEL SUSULAK-KA ESAN-NA 25:39 - Susula Malalaok Hehelu Palak Ma Hehelu Beuk

³⁹ Dauk namanene Nabal maten boema nafa'da nae, “Koa-kio Manetualain! Nanahu Ana balas Nabal dodoki-aali au, boema Ana kena ka'i au fo ela au boso tao mangalauk. Manetualain huku basa Nabal nanahu tatao-nono'i mangalaun-na.” Basa boema, Dauk nadenu hataholi neu adu-natane Abigail, fo ana taon da'di ndia saoinan.

SEMUEL SUSULAK-KA ESAN-NA 25:39 ပူးပေါင်းရင်းမြစ်များ

2 SEMUEL 1:16

Dauk nafa'da ta'eanak Amalek ndia nae, “O nde maketu aom huhuku nisak ia, soaneu o aoinam-ma, nana o manaku mae o taomisa manek, fo Manetualain helek-ka!”

1RAJA-RAJA 2:44

O bubuluk besa-besa moo o tatao-nono'i mangalaum soaneu au amang. Hu no ndia de, neukose Manetualain huku o,

ESTER 7:10

Haman nanalonak neu dii fo napadedeik basan soaneu Mordekhai-a, leondiak. Basa ndia boema, besak-ka manek-ka nasa-melun tenak.

ESTER 9:25

Tehu Ester neu leo manek-ka neu, fo manek-ka fe susula paleta, de susulak ndia tao-na Haman dale tutu'u mangalaun-na, la'e seluk-kana, nalosa no anan-nala nanalonak nai dii lolonak-ka.

MAZMUR 7:16

Ana kali bolok soaneu hataholi fe'ek, tehu ndia mesak-kana nde tu'da leo dalek neu.

MAZMUR 9:5

Nana O paleta, da'di leo manakee-manafula, fo ndoos ma matetuk; O masala'e basa au dede'ang-nga so.

AMSAL 18:22

Hataholi manahapu saoinak-ka, ana hapu nanalak; saoinak-ka nde been-na, baba'e-babatik neme Manetualain mai.

AMSAL 19:14

Bisa hapu uma, ma hata-heto neme ina-amak mai, tehu saoinak fo, manatee-tenok-ka nde been-na, baba'e-babatik neme Manetualain mai.

AMSAL 22:23

Nana neukose, Manetualain nasala'e sila dede'an-na, ma Ana ho'i falik hataholi manatuni-ndeni-nana, ani hahaen-na.

AMSAL 31:10

Susa la'i esak-kana, sanga saoina malelak; ndia belin-na, lena heni lilopilas-poemata.

AMSAL 31:30

Mata-pana makeek-ka ta hapu namahehelek, ma mata mana'a neukose mopon; tehu inak fo namahele neu Manetualain nandaa hapu kokoa-kikiok.

KIDUNG AGUNG 8:8

Ami fa'di inanam esa, su'un-na bei anak-ka. Ami muse taon tao leo beek metema hataholi mai a'du-natanen?

MIKHA 7:9

Ita tasala-tasingo basa neu Manetualain so, hu ndia de besak ia, ita muse tame'da tita nasa-melun. Tehu ta dook-ka so'on, te neukose nasala'e ita, ma Ana fe ndoos ma matetuk-ka neu ita. Neukose no ita kalua leo mangale'dok-ka teu; neukose ita tame'dan tae, Ana soi-tefa-na ita.

2 KORINTUS 13:7

Ami hule-haladoi neu Manetualain fo ela leo bee na, Ana nau tulu-fali emi, fo boso boe tao salak bai. Ta nde soaneu ami matu'du mae, ami ia makatatakak mabe'i soso'ba-susu'di ka, tehu fo ela emi tao hata fo Manetualain nahii kana, leomae meten soona ami ta makataka soso'ba-susu'di ka fa!

1 TESALONIKA 5:23

Manetualain nde fe ita mole-dame ndia. Ela leo bee na, Ana tao na emi, te'e-te'e maso'da ka'da soaneu Ndia mesa kana. Ami hule-haladoi, fo ela leo bee na, nanea emi dale nakababale ma, dudu'a-aafim, ma emi tatao-nono'im, ta hapu sala-singok faa anak boen, nai faik fo ita Lamatuan Yesus Kristus fafali ma'i na.

2 TIMOTIUS 4:18

Memak neukose Lamatua ka soi-po'i au eme hataholi mana mape'da dale mangalauk lo au a. Neukose no falik au no so'dak, leo nusa so'da ka neu. Ela leo bee na Lamatua ka nananamatutua-namadedemak losa dodoo na! Amin.

HAKIM-HAKIM 5:2

Koa-kio Manetualain, nana palani ta'ti batu Israel-lala, laketu basa nai dalen-nala dalek, fo leu latee-lata'ti, ma laun-nala leu latee-lata'ti no dale hihii-nanau mesan-nala.

SEMUEL SUSULAK-KA ESAN-NA 24:15

Taoafik neu atam, fo mane Israel-la sanga taonisan ia. Mete atam fo nanausi do'e-do'ek ia! Atam-ma, ka'da busa mates esa, ma utu esa mesak-kana.

SEMUEL SUSULAK-KA ESAN-NA 25:26

Manetualain kena-ka'i basa au Ama Manek, fo boso balas ma taomisa Tuan musun-nala. Ma besak ia, au Tuang-ngonei, au no Manetualain fo maso'dak-ka, atam-ma soo, sa'di leo been-na, au Ama Maneng musun lala'en-na, ma hataholi see fo nahiik tao soe au Ama Maneng ua-nalen, sama-na leo Nabal ua-nalen.

SEMUEL SUSULAK-KA ESAN-NA 25:32

Boema Dauk nafa'dan nae, “Kokoa-kikiok neu Manetualain, fo Israel Manetualain-na, nadenu o mai matongo moo au, nai faik ia!

SEMUEL SUSULAK-KA ESAN-NA 25:34

Manetualain kena-ka'i basa au, fo au boso tao mangalauk neu o. No Manetualain, fo Israel Manetualain fo maso'dak-ka na'den-na, leouni'ka o ta matongo moo au no lai-laik fa soona, tao leo bee-o, le'do tii mai te, mate la'iesak touk manaleo loo Nabal-la!”

SEMUEL SUSULAK-KA ESAN-NA 25:40

Boema, Dauk nadenu hataholi-la losa Abigail uman-na nai Karmel, de lafa'dan lae, “Dauk nadenu ami mai leo Ina uman mai, nana nahiik adu-natane Ina, da'di ndia saoinan.”

SEMUEL SUSULAK-KA ESAN-NA 26:10

No Manetualain fo maso'dak-ka na'den-na, au bubuluk ae mahani te, neukose Manetualain nde taonisa Saul, metema fai mamaten-na losa so, do metema maten nai natee-natatik dale.