SEMUEL SUSULAK-KA ESAN-NA 25:33 - Susula Malalaok Hehelu Palak Ma Hehelu Beuk

³³ Kokoa-kikiok neu o manatee-tenom-ma, ma kokoa-kikiok neu o mesam-ma boe, nanahu o kena-ka'i au tao kanisak, ma au aketu-ala'di tunga au dale hihii-nanau mesang-nga.

SEMUEL SUSULAK-KA ESAN-NA 25:33 ပူးပေါင်းရင်းမြစ်များ

MAZMUR 141:5

Metema, hataholi malole esa, ana ka'i au, ma nanoli au no dale ndoos soona, ndia sama leo mina fo, malole nanseli ba'eneu au. Sa'di leo bee-na, au ta tipa fan, nana au hule-haladoi akandoo, fo la'ban sila tatao-nono'i mangalaun-nala.

KELUARAN 22:2

Metema nakodaa esa, namanako-na buas esa, soona ana muse nggati buas fo namanako-nan ndia. Metema, hataholi ndia ta nanuu hata esa boen soona, nase'o hataholi ndia, fo ana da'di ata soaneu nggati buas fo namanako-nan ndia. Metema, namanako-na buas-sa, nalupa sapi, keledei do bi'ilopo, de ala hapu bana sila-la nai hataholi ndia, te bana sila-la bei maso'dak soona, bana esa-na, ana muse nggati bana dua. Metema ho'un-na hataholi nakodaa esa nai uma esa, la'e le'odaek, boema taonisan soona, hataholi manataonisan ndia, ta nasala fa. Tehu, metema manada'dik ndia, ana da'di la'e lele'dok soona, hataholi manataonisak-ka, ana hapu salak.

AMSAL 13:14

Hataholi manatee-tenok-ka nanolin-na, nono'kabai oemata ua-nalek; metema hapu nasanene'da mahelek soona, nanolik ndia nde soi-tefa.

AMSAL 17:10

Kena-ka'ik esa, sosoa-ndandaan lena, ba'eneu hataholi dale malole-a lena heni filuk hataholi dudu'a-aafi taak-ka la'i natun esa.

AMSAL 25:12

Hataholi dodole maneu-a, kekena-kaka'in neu hataholi fo ana nau namanene, sama leo ndeli lilopilas, do bua-lo'a lilopilas-sa.

AMSAL 27:21

Lilopilas-sa no lilofulak-ka, nanafolak nai ha'ikaak dale; hataholi-a, nananalelak neme heo-haan soaneu kokoa-kikiok-ka.

AMSAL 28:23

Hataholi manafe kekena-kaka'ik-ka, mate'en-na, nanafe ha'da-holomata lena neme hataholi manafe kokoa-kikiok-ka.

AMSAL 9:9

Metema o manoli-mafa'da hataholi manatee-tenok-ka soona, neukose ana da'di manatee-tenok lena seluk bai. Ma metema o manoli-mafa'da hataholi fo ana tunga Manetualain paletan-na soona, malelan-na boe tama seluk.

SEMUEL SUSULAK-KA ESAN-NA 24:19

Au tatao-nono'ing mangalaun neu o-a, o balas-sana nenik malole so. Nai faik ia, o matu'du basa mae, o manuu dudu'a malole soaneu au, hu ndia de, o ta taomisa au fa, leomae Manetualain fe basa au neu o so.

SEMUEL SUSULAK-KA ESAN-NA 25:26

Manetualain kena-ka'i basa au Ama Manek, fo boso balas ma taomisa Tuan musun-nala. Ma besak ia, au Tuang-ngonei, au no Manetualain fo maso'dak-ka, atam-ma soo, sa'di leo been-na, au Ama Maneng musun lala'en-na, ma hataholi see fo nahiik tao soe au Ama Maneng ua-nalen, sama-na leo Nabal ua-nalen.

SEMUEL SUSULAK-KA ESAN-NA 25:31

Nai lelek ndia, neukose au Ama Maneng nafandele nae au Ama Maneng nanisa tunga enon-na, ma naketu-nala'di tunga matetun-na, nalosa au Ama Maneng ta paluu dale he'di, do nasasale dale fa. Ma metema, Manetualain fe au Ama Maneng baba'e-papalak soona, boso mafandele heni au Ama Maneng atan ia.”