SEMUEL SUSULAK-KA ESAN-NA 25:28 - Susula Malalaok Hehelu Palak Ma Hehelu Beuk

²⁸ Fe ampon neu atam-ma, salan ia. Tao leo bee-o, neukose Manetualain tao au Ama Maneng, no au Ama Maneng tititi-nonosin, da'di manek neu Israel, nana au Ama Maneng-nga natee-nata'ti soaneu Manetualain; ma nai au Ama Maneng fai maso'dan-na dalek, au Ama Maneng ta tao tatao-nono'i mangalauk fa.

SEMUEL SUSULAK-KA ESAN-NA 25:28 ပူးပေါင်းရင်းမြစ်များ

2 SEMUEL 5:2

Neme makahulun eli mai, nakalenak nai lelek Saul bei paleta ami-a, metema solda'du Israel-la leu latee-lata'ti soona, Ama Manek nde nauli-nalangas boe, bai te Manetualain helu basa neu Ama Manek, nae Ama Manek nde neukose nauli-nalanga anan-nala, ma da'di sila manen-na.”

2 SEMUEL 7:16

Neukose, o tititi-nonosim, ta ketu-basa fan, ma neukose, Au tao-a o nusam-ma, nakatatakak losa dodoon-na. Neukose, o tititi-nonosim esa, ana paleta da'di leo manek losa dodoon-na.’ ”

2 SEMUEL 7:27

Manetualain Fo Manakoasa! Au apalalaniao, fo au uni huhule-haladoik ia neu O, nana O mesam-ma nde mafa'da basa au, mae O tao au upu-anang neme bobongik leo bobongik neu, da'di manek neu leoina ia.

1RAJA-RAJA 15:3

Abiam tao sala-singok sama leo aman. Ana ta lilineka no dalek-katema tua na neu Amak, fo Manetualain na fa, ndia fe'ek no Dauk fo ba'i nelu na.

1RAJA-RAJA 15:5

Manetualain tao dede'ak ndia hu kande Dauk tao namahoko dalen-na so. Ta la'iesa boen fo Dauk la'olena Manetualain paletan-nala fa, ta'da fe'e nai Uria fo hataholi Het ndia, dede'a na dalek.

1RAJA-RAJA 9:5

soona neukose Au tao atetu Au hehelu-balataang neu o amam Dauk ae tititi-nonosin upu-anan-nala, neukose paleta Israel tataas esa.

1 TAWARIKH 17:25

Au apalalani ao soaneu so'uk huhule-haladoik ia neu O, ou Manetualain, nana O mesa ma nde mafa'da basa neu au mae au upu anang neme bobongik leo bobongik neu, neukose O taos da'di manek neu nggileo-bobongik ia.

2TAWARIKH 20:15

de nafa'da nae, “Ama Manek fo Mandela-masa'ak, boema tolano-tolanoong-ngala lemin. Manetualain nafa'da nae ta bole ketu emi namahehena-ma do bii-mamata'u masasalematak moo solda'du makadotok sila-la. Nana manatee-matati-ka ta nde emi fa, te Manetualain dei.

MAZMUR 7:3

Boso po'ilotak-kasa sama leo singa ana kaa-na au fo ana lele'a-loloso au, te ta hapu tutulu-fafalik ba'eneu au fa.

MAZMUR 89:29

Neukose Au sue-lai ahelen, neme doon losa dodoo-na, Au hehelu-balataang, matea-mahelek ba'eneun

BILANGAN 23:21

Ta tita tatao-nono'i mangalauk nai Yakob fa; Ta tita toto'a-tataak nai Israel fa. Manetualain, fo sila Manetualain-na sama-sama nos.

MATEOS 5:16

Leondiak boe emi muse da'di mangale'dok nai hataholi a matan, fo ela lita emi tatao-nono'i malole ma, fo no enok ndia, hataholi a hapu koa-kio emi Amam manai nusa so'da ka.”

LUKAS 23:41

Ka'da ita dua huhuku na, memak nandaa no ita tatao-nono'in. Tehu Hataholi ia salan ta makandondook!”

LUKAS 23:47

Lelek malanga solda'du matuaina nita basa hata fo ana da'di ndia boema, ana koa-kio Manetualain. Boema nafa'da nae, “Tete'e ka, Hataholi ia salan ta!”

SEMUEL SUSULAK-KA ESAN-NA 15:28

Boema Semuel nafa'dan nae, “Nai faik ia, Manetualain sii ba'e nusak Israel-la neme Ama Manek mai, fo Ana fen neu hataholi fe'ek fo malole lena neme Ama Manek mai.

SEMUEL SUSULAK-KA ESAN-NA 17:47

ma basa hataholi manai ia-la, neukose lita, lae Manetualain ta paluu tafaina do tee soaneu soi-tefa anan-nala fa. Ndia nde naketu natee-natatik ia eno-dalan, ma Ndia nde neukose fe emi leo ami limam dale mai-a.”

SEMUEL SUSULAK-KA ESAN-NA 18:17

Saul tutu'u nai dalen dale, fo ela hataholi Filistin-nala taolisa Dauk nai musu dale, fo daenga boso ndia nde taonisan-nana. Da'di, nai faik esa boema, Saul nafa'da Dauk nae, “Merab, fo au anafe'o ulung-nga, neukose au balabaen no o, sa'di o matu'du o palanim-ma nai natee-natatik dale soaneu Manetualain.”

SEMUEL SUSULAK-KA ESAN-NA 2:35

Basa soona, neukose Au hele imam manalilinekak neu Au, ma manatao-no'i hata fo Au paletan neun. Neukose Au fen tititi-nonosik fo nalalau-naoono tataas esa da'di leo imam nai Au hele manek-kala matan.

SEMUEL SUSULAK-KA ESAN-NA 22:14

Boema, Ahimelekh nataa nae, “Ade, Dauk ta nde Ama Manek malanga solda'du matuainan, fo manalilinekak nanseli fa do? Dauk nde been-na, Ama Manek manafeun-na, nalanga hataholi manamanea Ama Manek-ka, ma basa hataholi manai Ama Manek uma manen dale, fe ha'da-holomata lanseli neun.

SEMUEL SUSULAK-KA ESAN-NA 24:11

Besak ia, Ama Manek mita matam, na'kasa neme leak dale ndia, Manetualain, fe basa Ama Manek neu au so. Hataholi esa fufu'di-oodok basa atam-ma, fo taoisa Ama Manek, tehu atam-ma ta nau fa. Atam-ma nataa nae, atam-ma tau nau tao nahe'di atam-ma manen fo Manetualain helek-ka fa.

SEMUEL SUSULAK-KA ESAN-NA 24:17

Dauk kokolak basa dede'ak sila-la boema, Saul nafa'da nae, “Hai Dauk anang-ngonei, o nde ndia do?” Boema ana kii.

SEMUEL SUSULAK-KA ESAN-NA 24:21

Besak ia, au amahele te'e-te'e ae, neukose o da'di manek neu Israel, ma ae neukose nusa Israel-la natea-nahele nakandoo nai o paletam dae.

SEMUEL SUSULAK-KA ESAN-NA 24:4

Boema Saul losa bi'i lalae de'ubee, nai enok-ka su'un-na. Leak esa nai ndia boe, de Saul neu leo dalek neu fo nangadeak. Ndia te, Dauk no solda'dun-nala ke'ke nai leak ndia dalek boe, tehu lai leak-ka buin-na.

SEMUEL SUSULAK-KA ESAN-NA 25:24

boema nafa'dan nae, “Au Tuang-ngonei, sa'di leo been-na, mamanene dei! Nemen-na, fo atam-ma lu'a-lepa aon, salak ndia!

SEMUEL SUSULAK-KA ESAN-NA 29:3

Hataholi Filistin-nala, malanga solda'du matuainan-nala litas, boema latane lae, “Te hataholi Ibrani sila-la, ala tao beek nai ia?” Boema Akhis nataa nae, “Dauk nde ia, ana da'di hai Mane Saul fo neme Israel mai, hataholi mana'a ngga'din so. Ana leo dodooana faa no au so. Mulai neme ana mai leo au mai, losa faik ia, au beita hapun, ana tao salak fa.”

SEMUEL SUSULAK-KA ESAN-NA 30:26

Lelek Dauk fali ne'un leo Ziglak neu boema, ana haitua bua-lo'a kakalok sila-la seli leo basa kota Yehuda mauli-malangan fo manatia-toban-nana, de nafa'da nae, “Bua palsen ia-la, neme bua-lo'a kakalok fo ami kalon neme Manetualain musun-nala mai, de ami fen neu emi.”