SEMUEL SUSULAK-KA ESAN-NA 25:18 - Susula Malalaok Hehelu Palak Ma Hehelu Beuk

¹⁸ Boema no lai-laik, Abigail ho'in-na loti biak natun dua, ma alukosu bana louk dua, henuk no angol, paa bi'ilopo lima nanadalak, gandum nanadalak, kilo sanahulu hitu, angol boa tuuk, nggik natun esa, ma kokis kaa boak natun dua. Ana fua basa sila-la, leo keledein-nala lain neu.

SEMUEL SUSULAK-KA ESAN-NA 25:18 ပူးပေါင်းရင်းမြစ်များ

2 SEMUEL 16:1

Lelek Dauk besak-ka nala pupukuk-ka selik boema, no kaiboik, Mefiboset atan Ziba, ana mai leona, de Dauk nitan, ana hela keledei dua, ala fua loti boak natun dua, angol boa tuuk, nggik natun esa, ai boa mamatak, puputuk natun esa, ma angol nai alukosu bana louk esa dalek.

1 TAWARIKH 12:40

Neme leo-leo damedoo manai nusak kii boe, fo nde neme leo Isakhar, Zebulon ma Naftali, ala faa beeosu loo keledei, unta, meoasu, ma sapi fo ala fua lahenus lenik nana'a-nininuk: ha'desopuk, kaa boak, angol boa tuuk, angol ma mina setun. Ala leni sapi ma bi'ilopo boe, soaneu ala do'do fo la'a. Basa sila-la ala da'di natutu'duk esa nae, laun manai Israel-lala'en-na, lamahoko lanseli.

AMSAL 18:16

Bua palsen-na, soi enok fo noo hataholi leo hataholi matua-la neu.

AMSAL 21:14

Soaneu tao natenak heni nasa-meluk-ka, fe bua palsen no denge-dengek.

AMSAL 31:12

Ana ta tao nita mangalauk, neu saotoun-na fa; nai fai maso'dan-na dalek, ana tao malole soaneu saotoun-na.

MATEOS 5:25

Leo uni ka, hapu hataholi kalaak emi leo mana kee-fula manai lai na neu, soona mole-dame mon beidai ana beita losa mana kee-fula manai lai na fa. Metema ta soona, neukose hataholi ndia, ana kalaak emi leo mana kee-mana fula neu, fo basa soona no emi leo polisi la neu. Fo daenga polisi la tao emi leo bui dale neu.

SEMUEL SUSULAK-KA ESAN-NA 17:17

Nai faik esa boema, Isai nafa'da Dauk nae, “Ho'i-ma gandum nanadalak kilo sanahulu, ma loti nde ia, fo menis leo o ka'am-mala lai solda'du-la mamana ofun-na.

SEMUEL SUSULAK-KA ESAN-NA 25:17

Hu ndia de, tai-dodoo dede'ak ia, fo ho'i nakeketuk tunga hata fo Ina bisa taon. Nana, tao leo bee-o, neukose babalan-na ana mai, soaneu ita tuan-na, ma neu basa teidalen-nala lala'en-na. Ita tuan-na, langa batu nanseli, nalosa ana ta nau ita kokolak too fan!”

SEMUEL SUSULAK-KA ESAN-NA 25:34

Manetualain kena-ka'i basa au, fo au boso tao mangalauk neu o. No Manetualain, fo Israel Manetualain fo maso'dak-ka na'den-na, leouni'ka o ta matongo moo au no lai-laik fa soona, tao leo bee-o, le'do tii mai te, mate la'iesak touk manaleo loo Nabal-la!”