SEMUEL SUSULAK-KA ESAN-NA 25:11 - Susula Malalaok Hehelu Palak Ma Hehelu Beuk

¹¹ Masa bole, au ho'i-a au loting, ma au oe nininung, boema au sadia basa paa soaneu au hataholi mananggute bi'i bulung-ngala, fo au fes leo hataholi fo dada'di-momolin ta mangale'dok ndia fa!”

SEMUEL SUSULAK-KA ESAN-NA 25:11 ပူးပေါင်းရင်းမြစ်များ

AYUB 31:17

Beita la'i esa fo, au po'ilotak kisa-anamaak-ka namala'a-namandoe, te se'kona au nana'ang-nga dai ma lena.

2 KORINTUS 6:9

Ami ta nananita-nalelak fa, tehu da'dileo hataholi nadedenuk lita-lalelak ami. Laedaenga ami manamatek, te see ko na ami bei maso'dak. Leomae ami nanafepa-li'uk, te ami ta mate fa.

GALATIA 6:10

Hu ndia de, metema bei hapu fai loak soaneu ita soona, ela leo bee na ata tao malole neu basa hataholi lala'ena, lena-lenak ba'eneu ita tolanoon fo, ita namahehelek esa.

ULANGAN 8:17

Da'di, emi ta bole dudu'a-dodoo, mae no emi tutunga-sasangam-ma emi be'i-balakaim, de emi da'di hataholi kamasu'i-makabetek.

1 PETRUS 4:9

Ela leo bee na, esa sipok esa leo esa-esak uman neu, no dale katema tuak.

HAKIM-HAKIM 8:15

Basa ndia boema, Gideon neu natongo no lasi nggolok manai kota ndia, boema nae, “Tao leo bee-o, emi bei mafandendelek, mae emi tipa hai au so, nalosa emi ta nau tulu-fali au fa, nanahu au beita ho'u-a, Zebah ma Salmuna fa hetu? Emi ta nau fe au solda'dung-ngala nana'ak fa; te se'kona, ala sota lanseli nai lelek ndia. Mitak, Zebah ma Salmuna nde ia.”

HAKIM-HAKIM 8:6

Tehu mauli-malangan manai Sukot ndia lataa nae, “Ah, emi beita ho'u-ma, Zebah ma Salmuna fa, te emi moke nana'ak so! Sosoak hata, fe o solda'dum-mala la'a?”

HAKIM-HAKIM 8:8

Basa boema, Gideon la'ok nakandoo, de ala losa Pnuel. Nai naa, noke fe solda'dun-nala nana'ak boe. Tehu hataholi Pnuel-lala natataan-na, sama no hataholi Sukot-tala natataan-na boe.

SEMUEL SUSULAK-KA ESAN-NA 24:13

Sa'di leo been-na, Manetualain nde naketu ita dua, se kande nasala! Sa'di leo been-na, Manetualain nde balas Ama Manek tatao-nono'in la'eneu atam-ma, tehu neukose atam-ma, ta tao nahe'di Ama Manek faa anak boen

SEMUEL SUSULAK-KA ESAN-NA 25:12

Boema, Dauk solda'dun-nala fali le'us leo Dauk leu, de lafa'da Nabal hala-kokolan sila neu Dauk.

SEMUEL SUSULAK-KA ESAN-NA 25:7

Au amanene lae o nggute o bi'ilopom-mala bulun-na. Fo ela o bubuluk leona, te o manafoom manai ami nusam-ma, ami beita taos le'e esa boen, ma nai lelek lai Karmel-la, beita mopo nita, sila hatan esa boen.