SEMUEL SUSULAK-KA ESAN-NA 24:7 - Susula Malalaok Hehelu Palak Ma Hehelu Beuk

⁷ Boema nafa'da solda'dun-nala nae, “Sa'di leo been-na, Manetualain nanea au, fo au boso nalosak au tao mangalauk neu au maneng fo Manetualain, hele basan so. Au ta bole tao ahe'din faa anak boen, nanahu Manetualain mane hehelen ndia!”

SEMUEL SUSULAK-KA ESAN-NA 24:7 ပူးပေါင်းရင်းမြစ်များ

2 SEMUEL 1:14

Boema Dauk nae, “O mapalani manseli, taomisa manek fo Manetualain helek-ka!”

MAZMUR 7:4

Ou Manetualain fo au Manetualaing-nga, leouni'ka au ta tao tunga ndoos ma matetuk-ka, ma tao mangalauk soaneu au tia-laing, do akatutu'dak musu nok-ka, tehu ne'ek ta, metema au tao leondiak soona,

MATEOS 5:44

Tehu besak ia, Au afa'da emi: sue-lai emi musu noo mala, boema hule-haladoi fe hataholi mana fepa-li'u emi a,

SEMUEL SUSULAK-KA ESAN-NA 12:3

Besak ia, au apadeik nai emi matam! Metema au tao salak soona, kalaak au nai Manetualain matan, ma nai Ana hele manek-ka matan. Au ho'i hai hataholi fe'ek sapin do keledein so do beik? Au tipu-dai hai, do tuni-ndeni hai, do sipo doi sosolo dalek hai so do beik? Mafa'da leona, fo au ho'i-a su'di beek-ka soona, au fe falik-kana.”

SEMUEL SUSULAK-KA ESAN-NA 24:6

Tehu basa ndia boema, Dauk name'da nasala, nanahu ana tao tataos ndia so.

SEMUEL SUSULAK-KA ESAN-NA 24:8

Dauk natetesa-natatama solda'dun-nala dalen-na nae leondia, ma ana ta fe solda'dun-nala loak fo sapu-la Saul fa. Saul fo'a napadeik boema, ana la'oela leak ndia, de ana la'ok nakandoo leleo-lala'on.

SEMUEL SUSULAK-KA ESAN-NA 25:33

Kokoa-kikiok neu o manatee-tenom-ma, ma kokoa-kikiok neu o mesam-ma boe, nanahu o kena-ka'i au tao kanisak, ma au aketu-ala'di tunga au dale hihii-nanau mesang-nga.

SEMUEL SUSULAK-KA ESAN-NA 26:23

Neukose Manetualain fe baba'e-papalak neu hataholi see fo ana lilineka, ma ana tao tunga matetun-na. Nana, leomae nai faik ia, Manetualain fe Tuan neu au, tehu au ta nau tao mangalauk neu Tuan, fo manek Manetualain helek-ka.

SEMUEL SUSULAK-KA ESAN-NA 26:9

Tehu Dauk nae, “Boso taon le'e esa boen! Tao leo bee-o, Manetualain huku hataholi fo manatao mangalauk neu manek fo Ana helek-ka.