SEMUEL SUSULAK-KA ESAN-NA 24:20 - Susula Malalaok Hehelu Palak Ma Hehelu Beuk

²⁰ Kikisak-ka de fo besak-ka hapu, hataholi esa natongo no musu noon-na, tehu ana ta taonisa musu noon ndia fa! Da'di, sa'di leo been-na, Manetualain ba'e-pala o, hu kande o tatao-nono'i malolem soaneu au, nai faik ia!

SEMUEL SUSULAK-KA ESAN-NA 24:20 ပူးပေါင်းရင်းမြစ်များ

AYUB 15:25

Hataholi manala'ban Manetualain-na, ua-nalen leondiak, leondiak boe, hataholi fo napalani la'ban Manetualain Fo Manakoasa

AMSAL 25:21

Metema, o musu noom-ma namala'a soona, fen na'a; ma metema, ana maa ma'da soona, fen ninu.

MATEOS 2:13

Hataholi malela nduuk sila la la'o boema, Lamatua ka ata nusa so'dan esa natu'du ao na neu Yusuf nai me'is esa dalek nae, “Herodes tutu'u basa, ana sanga ni'iana ndia fo ana sanga taonisan. Hu ndia de fo'a leona, fo malai mo ni'iana ndia no inan leo Masir meu. Leo mahele meme naa, losa Au kokolak seluk o emi.”

MATEOS 2:16

Nai lelek fo Herodes bubuluk hataholi malela nduuk sila la ke'dilan boema namanasa nanseli. Boema ana po'i paleta fo daenga do'dolisa basa ni'iana touana kala lala'ena. Mulai neme teuk dua leo dae neu. Mulai neme Betlehem ma nggolo titia-tatai nala. Dede'ak ndia nandaa no hataholi malela nduuk sila la hala nafafa'dan la'eneu lelek fo nduuk ndia ana to'da mai,

RUT SUSULAN-NA 2:12

Sa'di leo been-na, Manetualain balas basa o dale malolem lala'en-na. Sa'di leo been-na, o sipo hata fo nandaa Israel Manetualain-na Ana fen neu o, nanahu o mai fo masulu-mahapa neun!”

SEMUEL SUSULAK-KA ESAN-NA 13:14

Tehu besak ia, Ama Manek paletan-na, neukose ta nakatatakak fa. Nanahu Ama Manek ta tunga Manetualain paletan-na fa, de Manetualain hele basa hataholi fe'ek fo nahiik-kana, fo Ana so'un da'di manek neu anan-nala.”

SEMUEL SUSULAK-KA ESAN-NA 23:17

Yonatan nafa'dan nae, “Boso bii, te neukose o ta tu'da leo au amang liman dale neu fa. Ama bubuluk te'e-te'e nae, neukose o nde da'di mane Israel-la, ma nae neukose, au hapu kandela nangatutuuk nai o dae.”

SEMUEL SUSULAK-KA ESAN-NA 26:25

Boema, Saul nafa'da Dauk nae, “Manetualain fe o baba'e-papalak, anang-ngo! Neukose o hapu buna-boak nai basa o ue-le'dim lala'en-na dalek!” Boema, Dauk la'ok nakandoo leleo-lala'on, ma Saul fali ne'un leo uman-na neu.