SEMUEL SUSULAK-KA ESAN-NA 24:15 - Susula Malalaok Hehelu Palak Ma Hehelu Beuk

¹⁵ Taoafik neu atam, fo mane Israel-la sanga taonisan ia. Mete atam fo nanausi do'e-do'ek ia! Atam-ma, ka'da busa mates esa, ma utu esa mesak-kana.

SEMUEL SUSULAK-KA ESAN-NA 24:15 ပူးပေါင်းရင်းမြစ်များ

MAZMUR 119:154

Masala'e au dede'ang-nga, fo soi-po'i au; soi-tefa-mala au, nandaa no O hehelum-ma.

MAZMUR 35:1

Dauk kokoa-kikiok. Manetualain la'ban hataholi manala'ban au-a, matee-matati no hataholi fo, nasuu natee-natati no au.

MAZMUR 43:1

Fe ndoos ma matetuk-ka neu au, ou Manetualain masala'e au haak-ka soaneu leoina malelesik-ka. Se'i-po'i au neme hataholi mangalauk ma manatipu-daik-ka mai.

MIKHA 1:2

Mamanene leon, hai leoina-la lemin! Taoafik leon, hai laun manai daebafak-ka lala'en-na lemin! Manetualain Fo Mademaina mai, da'dileo sakasii, fo la'ban emi basa-basam-mala! Mamanenen Ana kokolak neme Uma malalao-malalafun-na nai nusa so'dak-ka.

MIKHA 7:9

Ita tasala-tasingo basa neu Manetualain so, hu ndia de besak ia, ita muse tame'da tita nasa-melun. Tehu ta dook-ka so'on, te neukose nasala'e ita, ma Ana fe ndoos ma matetuk-ka neu ita. Neukose no ita kalua leo mangale'dok-ka teu; neukose ita tame'dan tae, Ana soi-tefa-na ita.

HAKIM-HAKIM 11:27

Ta, ami ta masala neu o fa. O nde masala, nanahu o mata'ti moo ami. Manetualain nde manamaketu-mala'dik-ka, de faik ia, naketu dede'ak ia, fo nde leoina Israel-la no leoina Amon-na, dede'an-na.”

SEMUEL SUSULAK-KA ESAN-NA 17:43

Goliat nafa'da Dauk nae, “Ai tete'ek ndia, sosoan-na beek? Ade, o maedaenga au ia busa do?” Boema Goliat soo-supa Dauk nenik basa Goliat lamatua daebafa-nala na'den-na.

SEMUEL SUSULAK-KA ESAN-NA 24:12

Au amang mete leona! Mitak au ho'u Ama Manek ba'du manalun-na, bibian-na nde ia. Tunga ndoon-na, atam-ma bisa taonisa Ama Manek dei, tehu atam-ma ka'da ke'di-na Ama Manek ba'du manalun-na, su'udoon faaanak. Da'di, tete'ek-ka, atam-ma ta nanuu dudu'a mangalauk, do nalelesi Ama Manek fa. Ama Manek usi atam-ma do'e-do'e, fo taonisa atam-ma, leomae atam-ma ta nasala Ama Manek faa anak boen.

SEMUEL SUSULAK-KA ESAN-NA 25:39

Dauk namanene Nabal maten boema nafa'da nae, “Koa-kio Manetualain! Nanahu Ana balas Nabal dodoki-aali au, boema Ana kena ka'i au fo ela au boso tao mangalauk. Manetualain huku basa Nabal nanahu tatao-nono'i mangalaun-na.” Basa boema, Dauk nadenu hataholi neu adu-natane Abigail, fo ana taon da'di ndia saoinan.

SEMUEL SUSULAK-KA ESAN-NA 26:20

Boso po'ilotak atam-ma mate nai dae nusa dea, fo dook-ka neme Manetualain mai. Sosoak hata, mane Israel-la mai, ka'da soaneu taonisa utu esa, sama leo atam ia? Sosoak hata, ana sopu atam-ma, sama leo hataholi-a sopu manu fuik-ka?”

SEMUEL SUSULAK-KA ESAN-NA 26:4

Boema nadenu mata-mata leu meten, de ana bubuluk, tete'ek-ka Saul nai ndia.