SEMUEL SUSULAK-KA ESAN-NA 23:13 - Susula Malalaok Hehelu Palak Ma Hehelu Beuk

¹³ Boema Dauk no solda'dun-nala, fafa'kama hataholi 600, no lai-laik ala la'o ela Kehila, de laleu-lalaak, leme mamanak esa leo mamanak esa leu. Lelek Saul namanene lae, Dauk la'o neme Kehila mai so, boema ta neu sapu-nan so'on.

SEMUEL SUSULAK-KA ESAN-NA 23:13 ပူးပေါင်းရင်းမြစ်များ

2 SEMUEL 15:18

Basa manek-ka hataholi mana'a ngga'din-nala lapadeik lai manek-ka boboan-na, nai lelek manek-ka solda'du manamanean-nala la'ok lakadadalak tunga matan-na. Ma solda'du natu ka neek fo manatungan neme kota Gat-ta mai, ala la'ok lakadadalak nai matan-na boe.

2 SEMUEL 15:20

O leo nai ia, beita dook-ka fa, de masa bole au adenu o fo o tunga maleu-malaak moo au? Au boeo ta bubuluk, neukose au u leo bee u fa. O, ma o tia-laim fo emi leoina esa boe, fali me'um-ma leona, fo sa'di leo been-na, Manetualain sue-lai emi, ma Ana lilineka no emi.”

AYUB 5:12

Ana taon-na hataholi malela keke'dik-ka, dale tutu'un-na, ta da'di fa, nakahihi'ik-kana, de Ana ho'un-na hataholi malelak ma manatee-tenok-ka, nalosa sila sasanga enon lala'en-na, ta da'di fa, ma sila dudu'a-aafin, ke'di seluk-kasa.

MAZMUR 34:5

Au hule-haladoi neu Manetualain de Ana nataa, boema Ana soi-po'i au neme bibii-namata'uk lala'ena mai.

SEMUEL SUSULAK-KA ESAN-NA 22:2

Boeo hataholi nanatuni-ndenik-kala, hataholi mahuta-bu'uk-kala, ma hataholi manadale-he'dik-kala, basa-basas lakabubua loo Dauk, de Dauk da'di sila mauli-malangan. Hataholi manatunga Dauk-ka, dede'un-nala, fafa'kama hataholi natun haa.

SEMUEL SUSULAK-KA ESAN-NA 25:13

Dauk fe paleta nae, “Esa-esak pa'a tafainan-na neu kale'bon-na!” No lai-laik, Dauk solda'dun-nala, ala tao tunga paleta ndia. Dauk boeo, ana pa'a tafainan-na neu kale'bon-na, de fafa'kama ana la'o no hataholi natun haa, ma ana la'o ela hataholi natun dua, fo lanea bua-lo'as.