SEMUEL SUSULAK-KA ESAN-NA 23:10 - Susula Malalaok Hehelu Palak Ma Hehelu Beuk

¹⁰ Boema Dauk hule-haladoi nae, “Manetualain, fo Israel Manetualain-na, au amanene lae Saul tutu'u basa, ana mai leo Kehila mai, fo ana tao nakalulutuk kota ndia, nanahu au, fo O atam-ma.

SEMUEL SUSULAK-KA ESAN-NA 23:10 ပူးပေါင်းရင်းမြစ်များ

KEJADIAN 18:24

Leounik-ka, nai kota ndia dalek, hapu hataholi limahulu, ta tao salak fa, na neukose Manetualain tao namopo-namate basa, hataholi manai kota ndia dalek lala'en-na do? Ade, Manetualain ta fe do'o do ampon neu hataholi ka limahulu sila-la, fo ela ala hapu so'dak do?

ESTER 3:6

Ma nai lelek, ana bubuluk lae Mordekhai hataholi Yahudi esa boema, ana ho'i nakeketuk fo huku Mordekhai, ma ta ka'da ndia mesak-kana fa, tehu neukose, ana tao namopo-namate basa leoina Yahudi manai nusa Persia lala'en-na.

AMSAL 28:15

Hataholi mangalauk, fo ana koasa hataholi manato'a-taak-ka, sama leo singa manamangaok-ka, do meoasu, fo ana sapu-na hataholi.

SEMUEL SUSULAK-KA ESAN-NA 22:19

Saul boeo, ana paleta fo taolisa laiesak laun Nob, fo imam Ahimelekh-ka kotan-na; muse taonisa la'iesak touk, inak, ni'iana, ni'iana nanabongi beuk, sapi, keledei ma bi'ilopo boe.

SEMUEL SUSULAK-KA ESAN-NA 23:11

Au amanene halak-ka, tete'ek-ka do? Manetualain, fo Israel Manetualain, sa'di leo been-na, mafa'da au.” Manetualain nataa nae, “Hei, neukose Saul mai.” Boema Dauk natane seluk nae, “Ade kota Kehila laun-nala, neukose ala fe au ma au solda'dung-ngala leo Saul neu do?” Boema Manetualain nataa nae, “Hei.”

SEMUEL SUSULAK-KA ESAN-NA 23:8

Boema Saul hoka la'iesak solda'dun-nala, de leu leo Kehila leu, fo lakahapi-la Dauk no basa solda'dun-nala.

SEMUEL SUSULAK-KA ESAN-NA 23:9

Tehu Dauk bubuluk basa, nae Saul nape'da dale mangalauk soaneun. Hu ndia de, nafa'da Imam Abyatar-ra nae, “Meni ba'du babaa fanak ndia leo ia mai.”