SEMUEL SUSULAK-KA ESAN-NA 23:1 - Susula Malalaok Hehelu Palak Ma Hehelu Beuk

¹ Faik esa boema, Dauk hapu halak lae hataholi Filistin-nala sapu-la kota Kehila, de ala kalo leni gandum nanake'di beuk-kala.

SEMUEL SUSULAK-KA ESAN-NA 23:1 ပူးပေါင်းရင်းမြစ်များ

DANIAL 2:35

Nai hatematak ndia boe, dodoki-dudulak ndia lala'en-na nakalulutuk, de ana da'di besi manadoudouk, dae ulek, liti, lilofulak, ma lilopilas fo noe henin sama leo afu nai keke'di gandum-ma mamanan-na, nai fai hanan-na. Anin-na fuu madoudouk ndia de ana lapu, nalosa ta la'oela leen faa anak boe. Tehu batu manatao natu'u dodoki-dudulak ndia namatua, boema ana da'di lete matuaina de henu basa daebafak-ka lala'en-na.

IMAMAT 26:16

neukose, Au huku emi. Neukose, Au fe soe-a la'e emi, he'di-laus ma sumaik manalea-hai taak-ka, nalosa poke emi matam-ma, ma emi maso'da doi-doso. Neukose, emi foi-fala, tehu emi ta mi'a buna-boan fa, nana emi musum-mala mai, fo ala ho'i leni la'iesak, emi sele-nggalik-kala, buna-boan.

MIKHA 6:15

Emi sele-nggali gandum, tehu neukose emi ta ketu-kolu buna-boan fa. Neukose emi tao mina neme ai setun-na boan-na mai, tehu emi ta hapu pake minan-na fa. Neukose emi he'e angol-la oen-na, tehu neukose emi ta minu fan.

ULANGAN 28:33

Leoina fe'ek esa, neukose ana ho'in-na basa emi dae-oem-ma buna-boan, fo emi hapun neme emi sosota-mamangum mai, fo emi ta hapu hata esa boen, te emi hapuk-ka nde, tuni-ndenik ma heheta-aa'ik nakandondoo henin.

ULANGAN 28:51

Neukose la'aheni emi bana-manum, ma emi dae-oem buna-boan, ma ala ho'ileni la'iesak emi gandum, angol, mina setun, do emi sapim ma emi bi'ihii bi'ilopom-mala, losa emi mate mo la'as-sa.

HAKIM-HAKIM 6:11

Nai faik esa boema, Manetualain ata nusa so'dan-na mai leo kota Ofra mai, boema nangatuuk neu luluu aifula esa huun-na, fo Yoas hataholi esa neme Leo-ingu Abiezer-ra mai, luluu aifulan ndia. Anan-na na'de Gideon, ana bei aa'i gandum, nai mamana he'e angol-la. Ana tao ndia no nafufunik, fo ela hataholi Midian-nala boso litan.

HAKIM-HAKIM 6:4

Ala ofu lai Israel nusan-na, ma ala tao lalutu basa bubu'u-palusa manai sila-la, losa leo nusak manai Gaza titia-tatain-nala nai Gaza boboan kona. Boeo, lalai leni hataholi Israel-la bana-manun, fo leo bi'ilopo, sapi ma keledein-nala. Ala ta ela hata esa boen, nalosa hataholi Israel-la, ta lanuu nana'a-nininuk makandondook so'on.