SEMUEL SUSULAK-KA ESAN-NA 22:8 - Susula Malalaok Hehelu Palak Ma Hehelu Beuk

⁸ Hu ka nde ndia de, emi malahalak fo la'ban au, de ta hapu hataholi esa boen, nafa'da au nae, au anang-nga nok touk fo mana'de Dauk ndia so hetu? Ta hapu hataholi esa boen, nai emi dalek, ana dudu'a-dodoo au aoinang-nga, do nafa'da au nae Dauk fo au solda'dung-nga, bei nahani fai loak soaneu ana taonisa au, ma nae au anang Yonatan nde nakatutuluk-kana!”

SEMUEL SUSULAK-KA ESAN-NA 22:8 ပူးပေါင်းရင်းမြစ်များ

2RAJA-RAJA 6:11

Dede'ak ndia taon-na mane Siria, namanasa nanseli, nalosa naloo basa malanga solda'du manai lain-nala, de natanes nae, “Tao leo bee-o, nai ita dalek, hapu hataholi malelesik. Hataholi ndia, nde see? Ayo, mafa'da leona!”

AYUB 33:16

Manetualain nadenus, fo lamanene; Ana tao nanggengek-kasa nenik kekena-kaka'ik.

SEMUEL SUSULAK-KA ESAN-NA 18:1

Saul no Dauk beekola basa boema, Saul so'u Dauk da'di ndia hataholi mana'a ngga'din, de mulai faik ndia boema, ana ta po'in fali leo ina-aman uman neu fa. Yonatan, fo Saul anamanen-na, namanene hala-kokolak sila-la. Dalen-na nahiik no Dauk boe, de ana sue-lain, sama leo ana sue-lai aoinan-na.

SEMUEL SUSULAK-KA ESAN-NA 18:3

Hu ndia de, Yonatan soo, neukose ana tao tia-laik no Dauk losa dodoon-na.

SEMUEL SUSULAK-KA ESAN-NA 20:2

Boema Yonatan nataa nae, “Boso kokolak mae leondia! No Manetualain, na'den-na, neukose ana ta taonisa o fa. Au amang nafa'da dale tutu'un lala'en-na neu au tataas esa, nau dede'a matuaina, do dede'a ana boe. Da'di, au amang ta bisa nafuni dale tutu'un ndia neu au fa. Hu ndia de, o hala kokolam ndia ta la'e fan!”

SEMUEL SUSULAK-KA ESAN-NA 20:42

Basa boema, Yonatan nafa'da Dauk nae, “Sa'di leo been-na, Manetualain tulu-fali o. Neukose Manetualain nai ita dua tala'da, ma nai ita dua tititi-nonosin tala'da, losa dodoon-na.” Basa ndia boema, Dauk la'o leona, ma Yonatan fali ne'un leo kota neu.

SEMUEL SUSULAK-KA ESAN-NA 20:8

Au oke tutulu-fafalik neme o mai, nanahu ita tao basa hengenee-balataak nai Manetualain matan so. Tehu, metema au asala soona, taomisa au, tehu boso fe au leo o amam neu.”

SEMUEL SUSULAK-KA ESAN-NA 22:13

Saul natanen nae, “Tao le'e de, o malahalak moo Dauk, fo emi la'ban au? Tao le'e de, o fen tua-lepa ma loti, ma o fen tafaina, boema moke fen natutu'duk neme Manetualain mai? Da'di, besak ia, o la'ban au, de o bei mahani fai loak, fo o taomisa au.”

SEMUEL SUSULAK-KA ESAN-NA 23:21

Saul nataa nae, “Sa'di leo been-na, Manetualain fe emi baba'e-papalak, nanahu emi tao malole soaneu au!