SEMUEL SUSULAK-KA ESAN-NA 22:23 - Susula Malalaok Hehelu Palak Ma Hehelu Beuk

²³ Leo moo au, fo boso bii. Te Saul nahiik taonisa o, tehu nahiik taonisa au boe. Da'di, neukose o so'da-molek nai au mamanang-nga.”

SEMUEL SUSULAK-KA ESAN-NA 22:23 ပူးပေါင်းရင်းမြစ်များ

2 SEMUEL 9:7

Boema, Dauk nae, “Boso bii, te neukose, au daleng-nga malole neu o, nanahu o amam Yonatan. Neukose, au fe falik basa o ba'im Saul daen-nala leo o neu, ma o bole mu'a-minu nai uma manek-ka, losa dodoon-na.”

1RAJA-RAJA 1:7

Boema neu nakokolaok no Yoab ma Imam Abyatar ra. Yoab inan na'de Zeruya. Yoab ma Imam Abyatar ra lakaheik soaneu ala tia-to'ba Adonia dale tutu'un na.

1RAJA-RAJA 2:26

Basa boema Mane Salomo nafa'da Imam Abyatar ra nae, “Muu leo o nggolo-ta'dum nai Anatot. O mandaa nanahukunisak, tehu faik ia neukose au ta taoisa o fa, nanahu lelek o bei sama-sama moo au ama nga, o boeo mame'da mita doi-doson lala'en-na. Ma o boeo nde ito-ato Manetualain Peti Hehelu-balataan.”

MATEOS 24:9

Basa soona, neukose ala ho'u la emi fo ala fe heni emi soaneu ala fepa li'u emi, ma ala taolisa emi. Neukose basa daebafa ka lakamuu-lakadau emi nanahu Au ana mana tungang emi.

YOHANIS 15:20

Mafandendelek hata fo Au afa'da basan neu emi ae, ‘Ata ta ba'u lenaheni lamatua na fa.’ Metema ala fepa-li'u basa Au soona, neukose ala fepa-li'u emi boe. Metema ala tunga Au nanoli nga soona, neukose ala tunga emi nanoli ma boe.

YOHANIS 17:12

Nai lelek fo Au bei akabubua o sala, Au aneas ninik Ama ka na'de manakoasa na so, na'dek fo Ama ka fen neu Au. Au aneas, de ta mopo-mate esa boen, ta'da fe'e ba'eneu see fo memak tunga matetu na, sila manamopo-mate basa kala so, fo ela no enok ndia, hata fo nanasulak nai Susula Malalaok dale, ana da'di leona.

YOHANIS 18:9

Yesus nafa'da nae leondia, fo ela hata fo makahulu na nafa'da ka, ana da'di leon nae, “Ama, basa hataholi fo Ama ka fes leu Au a, ta mopo-mate esa boen.”)

SEMUEL SUSULAK-KA ESAN-NA 23:17

Yonatan nafa'dan nae, “Boso bii, te neukose o ta tu'da leo au amang liman dale neu fa. Ama bubuluk te'e-te'e nae, neukose o nde da'di mane Israel-la, ma nae neukose, au hapu kandela nangatutuuk nai o dae.”