SEMUEL SUSULAK-KA ESAN-NA 22:18 - Susula Malalaok Hehelu Palak Ma Hehelu Beuk

¹⁸ Hu ndia de, Saul nafa'da Doëg nae, “Ayo, lai-lai leona, O nde taomisa hataholi sila-la!” Boema, Doëg tutulumatak, de ana taonisa imam sila-la. Nai faik ndia dalen-na, ana taonisa imam faluhulu lima, fo imam sila-la hapu hak pake ba'du babaa fanak.

SEMUEL SUSULAK-KA ESAN-NA 22:18 ပူးပေါင်းရင်းမြစ်များ

2TAWARIKH 24:21

Tehu laun-na tao nakabua makahatuk soaneu la'ban Zakharia, de Manek Yoas-sa tunga nai nakabubuak ndia dalek. Ana ta nafandele Yoyada fo Zakharia aman tatao-nono'i malolen-na ma lilinekan fa. No manek-ka paletan-na de Zakharia nanapiak nenik batu losa maten nai Manetualain Uman-na so'dan-na. Nai lelek Zakharia sanga ketu hahae-na, naloo bou-bou nae, “Sa'di leo bee na Manetualain nita emi tatao-nono'im ia fo Ana balas-sana!”

MAZMUR 78:64

Sila imam-mala, nanatao nisak nenik tafaina, inafalun-nala ta hapu kii-makaleleu fa.

KELUARAN 28:40

Tao fe Harun anan-nala ba'du, kalikee ma fefeo langak, fo ela metes soona, ala da'di hataholi nanafe ha'da-holomata.

AMSAL 24:15

Boso sama leo hataholi mangalauk-ka, fo lalahalak lamanako hataholi dale ndoos-sa, fo latona-la uman-na.

HOSEA 5:11

Israel nanatuni-ndenik, de ta nanuu dae baba'en-na fa, nanahu ka'da nangatuuk nau-nau, fo noke tutulu-fafalik neu hata fo tunga ndoon-na, ana ta bisa tulu-fali fan.

HOSEA 7:3

Manetualain nafa'da nae, “Laun-na sanga enok, fo ala tao lamahoko manek-ka, ma manapaleta-la dalen-nala, nenik tipu-daik ma tatao-nono'i mangalauk.

MIKHA 6:16

Basa sila-la ala da'di, nanahu emi tunga Mane Omri no anan, fo nde mane Ahab-pa tatao-nono'i mangalaun-nala. Emi tunga sila eno-dalan. Hu ndia de, neukose Au tao akalulutuk emi, ma neukose ala kuku'e-koko'dok emi, ma basa leoina lala'en-na, lakamumulu-lakamamaek emi.”

ZEFANYA 3:3

Kota ndia hataholi matua-mademan-nala, sama-na leo singa, fo ala nggasi beau. Manamaketu-mala'din-nala, sama-na leo busa fui kamala'ak-ka. Ala tenepeta lanseli, nalosa ta la'a ela paa dui esa boen, soaneu balahaa fa.

SEMUEL SUSULAK-KA ESAN-NA 2:18

Ndia te, Semuel fo bei ni'iana ndia, nalalau-naoono nakandoo Manetualain. Ana pake ba'du nanaseu hehelik neme tema abalutu mai, sama leo basa imam-mala ba'du makaluku-makatelen.

SEMUEL SUSULAK-KA ESAN-NA 2:28

Neme basa leo Israel-la lala'en-na mai, Au hele basa teidale-bobongin-nala da'di Au imam so, fo lalalau-laoono nai mei tunu-hotuk-ka, tunu boomenik, ma pake ba'du efod, metema ala kokolak loo Au. Ma Au fe basa hak neu sila, boema sila tititi-nonosin, fo ala ho'i baba'ek neme tutunu-hohotuk fo nanatunuk nai mei tunu-hotuk-ka.

SEMUEL SUSULAK-KA ESAN-NA 2:36

Basa o tititi-nonosim bei maso'dak-kala, neukose leu leo imam ndia leu, fo loke doik ma nana'a-nininuk. Neukose ana dokodoe nae, sipok au da'di manatulu-manafali neu basa imam-mala, fo ela au hapu u'a, leomae au hao ka'da bafak esa mesak-kana boe.”