SEMUEL SUSULAK-KA ESAN-NA 22:16 - Susula Malalaok Hehelu Palak Ma Hehelu Beuk

¹⁶ Tehu manek-ka nae, “Ahimelekh! Muse taonisa o moo o tolanoo ka'a-fa'dim lala'en-na.”

SEMUEL SUSULAK-KA ESAN-NA 22:16 ပူးပေါင်းရင်းမြစ်များ

1RAJA-RAJA 18:4

Nai lelek Isebel taonisa Manetualain nabin-nala, Obaja ia tulu-fali na nabi natun esa nenik nafunis leme leak dale fo hataholi limahulu soona lai leak esa dalek – boema ana fes la'a linu.)

1RAJA-RAJA 19:2

Boema Izebel haitua fe Elia halak-ka nde ia nae, “Sa'di leo been-na basa lamatua daebafa dae bafak kala huku au ma lena-lenak taolisa au, metema balahaa nai li'u sama leo ia, au ta tao o sama leo o tao nabi Baal-la sila-la.”

ESTER 3:6

Ma nai lelek, ana bubuluk lae Mordekhai hataholi Yahudi esa boema, ana ho'i nakeketuk fo huku Mordekhai, ma ta ka'da ndia mesak-kana fa, tehu neukose, ana tao namopo-namate basa leoina Yahudi manai nusa Persia lala'en-na.

AMSAL 28:15

Hataholi mangalauk, fo ana koasa hataholi manato'a-taak-ka, sama leo singa manamangaok-ka, do meoasu, fo ana sapu-na hataholi.

DANIAL 2:12

Manek-ka namanene dede'ak ndia boema, namanasa nanseli de ana paleta fo taolisa la'iesak hataholi malelaina manai Babel-la.

DANIAL 2:5

Boema manek-ka nataa nae, “Au ho'i basa nakeketuk-ka nde ia nae, Emi muse mafa'da au me'is ndia, ma leondiak boe sosoa-ndandaan. Metema emi ta mafa'da-mala fan soona, neukose emi nanatete'tek ma neukose emi umam-mala nanatao natu'uk.

MATEOS 2:16

Nai lelek fo Herodes bubuluk hataholi malela nduuk sila la ke'dilan boema namanasa nanseli. Boema ana po'i paleta fo daenga do'dolisa basa ni'iana touana kala lala'ena. Mulai neme teuk dua leo dae neu. Mulai neme Betlehem ma nggolo titia-tatai nala. Dede'ak ndia nandaa no hataholi malela nduuk sila la hala nafafa'dan la'eneu lelek fo nduuk ndia ana to'da mai,

HATAHOLI 12:19

Boema Herodes nadenu hataholi neu sanga Petrus, tehu ala ta hapu fan. Da'di Herodes fe paleta fo latane solda'du mana manea sila la fo tao lisas. Basa ndia boema, Herodes la'oela Yudea de neu leo neme Kaisarea, faik de'ubee dale na.

ULANGAN 24:16

Boso hukumisa ina-amak, nanahu anan-na tatao-nono'i mangalaun-na, ma boso hukumisa anak-ka, nanahu ina-amak tatao-nono'i mangalaun-na. Bole hukunisa hataholi esa, nanahu ndia mesak-kana nde tao, tatao-nono'i mangalauk ndia.

SEMUEL SUSULAK-KA ESAN-NA 14:44

Saul nafa'dan nae, “Sa'di leo been-na, Manetualain huku au, metema o ta hukunisa o fa, Yonatan!”

SEMUEL SUSULAK-KA ESAN-NA 20:31

Ade o ta mame'da, mae nai lelek Dauk bei naso'da, o ta bisa da'di nusak ia manen-na fa? Besak ia, madenu hataholi neu sangan, fo non leo ia mai, nana muse maten!”

SEMUEL SUSULAK-KA ESAN-NA 22:15

Memak atam-ma, noke fen natutu'duk neme Manetualain mai so, tehu ndia ta nde ka la'i makasososan fo atam-ma, tao tataos ndia fa. La'eneu ami malahalak fo la'ban Ama Manek-ka, Ama Manek boso makasasa'ek-kana neu au, do neu hataholi esa boen, nai atam-ma teidalen-na dalek. Atam-ma ta bubuluk hata-hata, la'eneu dede'ak ndia fa!”

SEMUEL SUSULAK-KA ESAN-NA 22:17

Boema, ana paleta basa manamanea fo lapadeik deka loon-nana nae, “Ayo, taomisa Manetualain imam sila-la leona! Lalahalak basa loo Dauk so. Ala bubuluk lae Dauk nalai so, tehu ala ta nau lafa'da au fa.” Tehu basa manamanea sila-la, ala ta nau taolisa Manetualain imam sila-la fa.