SEMUEL SUSULAK-KA ESAN-NA 21:7 - Susula Malalaok Hehelu Palak Ma Hehelu Beuk

⁷ Nai faik ndia, Doëg, fo Saul malanga manafoo bana-manun-na, nai ndia boe, fo ana tao natetu agama bela-ba'un esa.)

SEMUEL SUSULAK-KA ESAN-NA 21:7 ပူးပေါင်းရင်းမြစ်များ

KEJADIAN 26:20

Tehu basa manafoo manai Gerar la lale'a loo basa Isak manafoo nala. Lafa'da lae, “Oe ia ami nuum.” Hu ndia de Isak foi oedolu ndia na'de “Nale'ak.”

2TAWARIKH 26:10

Boeo ana napadedeik uma puni madema makota musu-kala lai moo maloa, ma ana kali-na oedolu ba'uk-ka, nanahu bana-manun makadotok nanseli, nau manai lete lepak-kala do manai masadokek manai boboak muli. Hu kande ana tao dalen-na neu tina-osi, de ana pake hataholi manamaue-male'di makadotok, fo ala tao osi angol nai letelepa-kala ma foi-fala dae maoe-maisik-kala.

YESKIAL 33:31

Boema langanongo mai, fo da'di leo Au anang, de langatuuk fo lamanene o hala-kokolam, tehu ala ta tunga o hala kokolam sila-la fa. Difadoon-nala kokolak dede'a susue-lalaik-ka, tehu nai dalen-nala dalek, ala dodoo ka'da nanalak-ka mesak-kana.

IMAMAT 22:10

Tunu-hotuk fo nanahele hehelik ba'eneu Au-a, ka'da imam sila-la teidale-bobongin mesak-kasa, nde bole la'an; hataholi fe'ek ta bole fa, leomae hataholi ndia leo no imam-ma nai uma esa dalek, do imam-ma hataholi mana'a ngga'din-na boe.

IMAMAT 22:13

Tehu imam-ma anafe'on-na inafalu so, do ela henin so te anan ta, boema ana fali ne'un leo aman uman neu, de aman mete-nakanaen soona, bole na'a aman nana'a baba'en-na. Ka'da imam-ma teidale-bobongin mesak-kasa nde bole la'a tunu-hotuk ndia.

IMAMAT 24:5

Ho'i-ma ha'desopu neulauk kilo sanahulu dua, fo taom-ma loti bobongok sanahulu dua, loti esan-na na'a ha'desopuk kilo esa.

IMAMAT 24:8

Tunga-tunga fai Sabat-ta, muse hapu loti nanasadiak nai Manetualain Lalaa Teman dale. Fo leoina Israel-la bela-ba'un nde ndia, losa dodoon-na.

AMOS 8:5

Emi kokolak nai emi dalen dale mae, “Fai malole bula moli beuk ndia doon-na seli. Ita hii tase'o seluk ita gandum-mala no lai-laik, tehu fai malole ndia ta nau basa fan. Fai hi'da fo besak-ka fai Sabat-ta nate'e, fo daenga ita mulai tase'o seluk? Ita tahiik tan seli no eno ke'di-ndiuk, tipu-dai tenik uuku-dodouk, ma ata ke'di-ndiu hataholi nenik tatais.

MATEOS 15:8

‘Manetualain nafa'da nae leo ia: Hataholi sila ka'da lakaluku-laktele neu Au, ninik ka'da hala-kokola nala, tehu dale nala doo ka neme Au mai.

SEMUEL SUSULAK-KA ESAN-NA 11:5

Nai hatematak ndia, Saul no sapi-nala besak-ka leme tina mai. Natane nae, “Te beek ia? Tao le'e de, basa hataholi-la kii?” Boema lafa'dan, hataholi fo ladenus leme Yabesh sila-la, leni halak-ka.

SEMUEL SUSULAK-KA ESAN-NA 14:47

Saul da'di mane Israel-la boema, natee-nata'ti nai basa mamanak lala'en-na, fo la'ban Israel musun-nala, fo nde hataholi Moab, hataholi Amon, ma hataholi Edom, nusak Zoba manen-nala, ma hataholi Filistin-nala. Natee-nata'ti su'di nai bee boe, tehu ana sengi tataas esa.

SEMUEL SUSULAK-KA ESAN-NA 21:8

Basa boema, Dauk natane Ahimelekh nae, “Ade, Ama pe'da tee do tafainan-nai ia fo au bisa paken boe do? Ama Manek paletan-na no kaiboik, nalosa au la'o no dedelek nanseli, de au ta hapu loak fo ho'i tafaina do tafa-sisilo fe'ek fa.”

SEMUEL SUSULAK-KA ESAN-NA 22:10

Ahimelekh noke natutu'duk neme Manetualain mai, la'eneu hata fo Dauk muse tao-no'in. Fe'ek neme ndia mai, ana fe Dauk tua-lepa boe, ma ana fe Goliat fo hataholi Filistin ndia, tafainan-na leo Dauk neu.”

SEMUEL SUSULAK-KA ESAN-NA 22:22

Boema Dauk nafa'dan nae, “Lelek fo, faik ndia au ita Doëg nai naa boema, au bubuluk te'e-te'e ae, neukose nafa'da Saul. Da'di, au nde lu'a-lepa o tolanoo ka'a-fa'dim mamaten-na.

SEMUEL SUSULAK-KA ESAN-NA 22:9

Doëg, fo Saul malanga manafoo bana-manun nai ndia boe, no basa Saul malanga solda'du matuainan-nala, boema Doëg nae, “Atam-ma nita Dauk neu leo Ahimelekh, fo Ahitub anan-na, nai Nob.