SEMUEL SUSULAK-KA ESAN-NA 20:3 - Susula Malalaok Hehelu Palak Ma Hehelu Beuk

³ Boema, Dauk nataa nae, “O amam bubuluk besa-besa nae o sue-lai au. Da'di, tao leo bee-o, ana ta nau nafa'da dede'ak ndia neu o fa, fo ela o dalem-ma boso he'dis-sa. Tao leo beek boeo, no Manetualain fo maso'dak-ka na'den-na, te'e-te'e au so'dang-nga, sama leo manutolo nai kapa susula pe'dan-na!”

SEMUEL SUSULAK-KA ESAN-NA 20:3 ပူးပေါင်းရင်းမြစ်များ

2 SEMUEL 15:21

Tehu Itai nataa nae, “Ama Manek fo mandela-masa'ak, no Manetualain fo maso'dak-ka na'den-na, ma no au Ama Manek maso'dan-na, au Ama Maneng neu leo bee neu boeo, neukose atam-ma tunga, leomae nasasalematak no mamates-sa boe.”

2RAJA-RAJA 2:2

de nai eno tala'dak, Elia nafa'da Elisa nae, “Mahele neme ia, te Manetualain nadenu au u leo Betel u.” Tehu Elisa nataa nae, “No Manetualain fo maso'dak-ka na'den-na, ma no Ama samanen-na, neukose au ta la'oela Ama fa.” Da'di, duas la'ok lakandoo leo Betel leu.

2RAJA-RAJA 2:4

Basa boema, Elia nafa'da Elisa nae, “Mahele neme ia, te Manetualain nadenu au u leo Yerikho u.” Tehu Elisa nataa nae, “No Manetualain fo maso'dak-ka na'den-na, ma Ama samanen-na, neukose au ta la'o ela Ama fa.” Da'di duas la'ok lakandoo leo Yerikho leu.

2RAJA-RAJA 2:6

Basa boema, Elia nafa'da Elisa nae, “Mahele neme ia, te Manetualain nadenu au u Lee Yarden-na u.” Tehu Elisa nataa nae, “No Manetualain, fo maso'dak-ka na'den-na, ma Ama samanen-na, au ta la'o ela Ama fa.” Boema, duas la'ok lakandoo Lee Yarden-na leu,

MAZMUR 116:3

Soe mamates-sa, fe au nasanene'da mahelek; soe mamates-sa, neni bibii-amata'uk fe au, ana tao-na au daleng-nga, ta tesa-tama ma bii-namata'u.

YEREMIA 38:16

Manek Zedekia ana helu au no nafufunik, nae, “Nenik Manetualain fo maso'dak-ka, Manetualain fo manafe so'dak neu ita, au supa-soo ae, au ta tao isa o, do au fe o neu hataholi fo mananau tao nisa o-a.”

YEREMIA 4:2

Metema soo menik Au na'deng-nga, ma emi maso'da tunga ndoon-na, ndoos ma matetuk, soona basa leoina lala'en-na, neukose loke Au, fo ela Au fes baba'e-papalak, fo neukose ala koa-kio Au.”

ULANGAN 28:66

Neukose, emi hapu susa-soe tataas esa, nai emi maso'dam-ma dalek. Lele'do-le'odaen, emi aom-ma ndefa, ma emi bii mamates-sa.

ULANGAN 6:13

Fe ha'da-holomata neu emi Manetualaim-ma, makaluku-makatele ka'da neu Ndia mesak-kana, boema metema emi soo soona, soo menik ka'da na'den-na mesak-kana.

IBRANI 6:16

Metema hataholi a soo-supa soona, ana soo-supa ninik hataholi fe'ek fo dema lena neme ndia mai, soona soo-supak ndia, ana tao nakamate basa nale'a-napilik lala'ena.

SEMUEL SUSULAK-KA ESAN-NA 1:26

Hana nafa'da Eli nae, “Ampon Ama. Ama bei mafandendelek au do ta? Au ia, inak fo Ama nita hain napadeik neme ia, fo hule-haladoi neu Manetualain.

SEMUEL SUSULAK-KA ESAN-NA 17:55

Lelek Saul nita Dauk neu la'ban Goliat boema, natane Abner, fo malanga solda'dun-na nae, “Abner, see ni'iana ndia?” Abner nataa nae, “Atam-ma ta bubuluk fa, Ama Manek.”

SEMUEL SUSULAK-KA ESAN-NA 20:2

Boema Yonatan nataa nae, “Boso kokolak mae leondia! No Manetualain, na'den-na, neukose ana ta taonisa o fa. Au amang nafa'da dale tutu'un lala'en-na neu au tataas esa, nau dede'a matuaina, do dede'a ana boe. Da'di, au amang ta bisa nafuni dale tutu'un ndia neu au fa. Hu ndia de, o hala kokolam ndia ta la'e fan!”

SEMUEL SUSULAK-KA ESAN-NA 20:4

Boema, Yonatan nafa'da nae, “O moke su'di beek ndia boe, neukose au tao atetun.”

SEMUEL SUSULAK-KA ESAN-NA 25:26

Manetualain kena-ka'i basa au Ama Manek, fo boso balas ma taomisa Tuan musun-nala. Ma besak ia, au Tuang-ngonei, au no Manetualain fo maso'dak-ka, atam-ma soo, sa'di leo been-na, au Ama Maneng musun lala'en-na, ma hataholi see fo nahiik tao soe au Ama Maneng ua-nalen, sama-na leo Nabal ua-nalen.

SEMUEL SUSULAK-KA ESAN-NA 27:1

Dauk dodoo nai dalen dale nae, “Leomae leo beek boe, nai faik esa te, Saul taonisa au. Da'di, ta hapu eno fe'ek so'on, ba'eneu au, ka'da au alai leo nusa Filistin-na u. No enok ndia, neukose Saul ta sanga seluk au nai Israel fa, de neukose, au boeo nee-nee lino-linok.”