SEMUEL SUSULAK-KA ESAN-NA 2:36 - Susula Malalaok Hehelu Palak Ma Hehelu Beuk

³⁶ Basa o tititi-nonosim bei maso'dak-kala, neukose leu leo imam ndia leu, fo loke doik ma nana'a-nininuk. Neukose ana dokodoe nae, sipok au da'di manatulu-manafali neu basa imam-mala, fo ela au hapu u'a, leomae au hao ka'da bafak esa mesak-kana boe.”

SEMUEL SUSULAK-KA ESAN-NA 2:36 ပူးပေါင်းရင်းမြစ်များ

1RAJA-RAJA 2:27

Boema Salomo kaluaheni Abyatar neme imam-ma mai. No Salomo tatao-nono'in ndia, de hata fo Manetualain nafa'da basan neme Silo la'eneu Imam Eli tititi-nonosin, ana da'di so.

AMSAL 14:19

Hataholi mangalauk-ka, neukose nakatele neu hataholi fo dalen-na ndoos, fo ana dokodoe, fo ela sue-lain.

MALEAKHI 1:13

Emi mafa'da mae, ‘Ita malua basa sila-la so’, ma emi heheta-aa'i Au. Emi meni banan-nakok, bana lu'u eik, do kamahe'dik, fo tunu-hotu fe Au. Emi maedaenga, Au nau sipo emi tutunu-hohotum sila-la do?

HAKIM-HAKIM 17:10

Mikha nae, “Leo moo au meme ia leona, fo ela o da'di ami manamanoli-mafa'dam, ma ami imam-ma. Mahani te, tunga teuk soona, au fe o doi fulak 10, ma papake-ngganggaok, boema nana'a-nininuk boe.”

SEMUEL SUSULAK-KA ESAN-NA 2:35

Basa soona, neukose Au hele imam manalilinekak neu Au, ma manatao-no'i hata fo Au paletan neun. Neukose Au fen tititi-nonosik fo nalalau-naoono tataas esa da'di leo imam nai Au hele manek-kala matan.

SEMUEL SUSULAK-KA ESAN-NA 3:1

Ndia te, Semuel fo bei ni'iana ndia, nalalau-naoono Manetualain nai Eli paletan-na dae. Nai tepo-lelek ndia, la'i esa-la'i esa de'i fo, hapu hala heheluk ma ninitak neme Manetualain mai.