SEMUEL SUSULAK-KA ESAN-NA 2:29 - Susula Malalaok Hehelu Palak Ma Hehelu Beuk

²⁹ Da'di, tao le'e de emi bei tenepeta lita tutunu-hohotuk fo nandaa no Au paletang-nga, fo Au leoinang-nga, tunu-hotu fen neu Au? Tao le'e de, o fo Eli, fe ha'da-holomata neu o anam-mala, lena neme o fe ha'da-holomata neu Au, ma o po'ilotak-kasa tao laao aoinan-nala nenik baba'ek neulauk-kala, neme basa tutunu-hohotuk fo Au leoinang-nga tunu-hotun soaneu Au?

SEMUEL SUSULAK-KA ESAN-NA 2:29 ပူးပေါင်းရင်းမြစ်များ

2RAJA-RAJA 12:6

Losa Yoas paleta neu teu ka 23-na te, basa imam-mala, beita tao lahii Manetualain Uman-na nalutun-na boen.

MAZMUR 26:8

Au sue-lai O Umam-ma, ou Manetualain, mamanak fo O leok-ka, henuk no matua-madema.

YESKIAL 13:19

Emi makamumulu-makamamaek basa Au, nai Au anang-ngala matan so, ka'da soaneu emi hapu jelei nafanggetek de'ubee, ma loti biak de'ubee. Emi taomisa hataholi sala tak-kala, tehu hataholi fo nandaa hukunisan, emi po'ilotak-kana naso'da. Boema, emi masapepeko-masandandali Au anang-ngala, de lamahele emi.’ ”

YESKIAL 34:10

Au Manetualain Fo Mademaina, afa'da emi, ae emi musum-ma nde Au ia. Neukose Au ho'i falik Au bi'ilopong-ngala leme emi mai, fo Au ta fe falik-kasa leo emi neu so'on; Au ta fe emi loak, soaneu emi dodoo-dudu'a emi paluu mesam-ma so'on. Neukose, Au soi-po'i Au bi'ilopong-ngala leme emi mai, fo ela emi boso boe do'do fo emi bai.’ ”

YESKIAL 34:2

“Hai hataholi daebafak fo, manasapu-manalalok-konei, fe mane-manek Israel-la, nasanene'da mahelek, ma manduku-malosak hata fo Au, Manetualain Fo Mademaina, nafa'das nae, ‘Soe ba'eneu emi, hai manafoo Israel-la lemin. Emi dudu'a-dodoo ka'da emi aoinam-ma mesak-kana, te emi ta dudu'a-dodoo, emi b'ilopom-mala fa.

HOSEA 4:8

Emi da'di kamasu'i-makabetek, hu kande Au anang-ngala sala-singon, hu ndia de, emi mahiik, fo ela ala tao sala-singok lakandoo.

IMAMAT 19:15

Metema, emi maketu-mala'di soona, maketu-mala'di tunga matetun-na; boso mook hataholi nuu-taa hata-taak-ka, ma boso bii-mamata'u neu hataholi kamasu'i-makabetek-ka.

MIKHA 3:5

Nabi-nabi fo lafa'da memak hata fo malole neu hataholi manafes doik-ka, ala ke'di-ndiu Au leoinang-nga, tehu ala tao musu ma ala heheta-aa'i hataholi manafe taak-kala. Manetualain nafa'da nabi-nabi leo silak-ka nae,

MATEOS 10:37

Hataholi mana sue-lai aman do inan lena heni Au, soona hataholi ndia ta nandaa da'di Au ana mana tungang fa. Leondiak boe, ba'eneu hataholi fo ana sue ana toun do ana inan lena heni Au a.

MATEOS 22:16

Boema ladenu sila ana mana tunga nala lo hataholi de'u bee leme Herodes nakabubua na fo leu leo Yesus leu. Boema hataholi sila la lafa'da Yesus lae, “Ama Mesen, ami bubuluk Ama mana tao ndoos. Ama nanoli no mangale'dok la'eneu Manetualain hihii-nanaun neu hataholi daebafa ka, ma Ama tunga hataholi daebafa ka hahapu na fa. Nanahu Ama ta mete matak fa.

LUKAS 14:26

“Metema hataholi mai leo Au mai, tehu ana sue-lai inan, aman, saoina na, ana nala, ma tolanoo nala, lena-lenak aoina na lenaheni Au soona, ana ta bisa da'di Au ana manatungang fa.

ROMA 16:18

Nana hataholi manatao leondia ka, ta naue-nale'di soaneu ita Lamatuan Kristus fa, te soaneu ala tao latetu sila dale hihii na. No fufu'di-oo'dok ma dede'a-kokola makee-mamina nala, ala ke'dindiu hataholi fo ala ta bubuluk hata-hata esa boen.

2 KORINTUS 5:16

Hu ndia de, ami ta uku-dou hataholi ninik hataholi daebafa ka uuku-dodoun fa. Memak ami uku-dou hai Kristus ninik hataholi daebafa ka uuku-dodoun, tehu besak ia soona, ta so.

ULANGAN 32:15

Manetualain anan-nala da'di kamasu'i-makabetek, tehu ala hii lena-la'ban paleta laao bebonu, ma lakabete nana'ak. Boema ala la'oela Manetualain fo Manamakadada'dik sila ma ala ta sipok Manasoi-manatefa palani tatibatu-na fa.

ULANGAN 33:9

Ala lilineka neu O, lena heni basa hata lala'en-na, lena heni ina-amak, ma tolano ka'a-fa'di-a. Ala tunga O paletam-mala, ma ala tao latetu, O hehelu-balataam.

YAKOBIS 3:17

Tehu hataholi fo nanuu manatee tenok maneme lai na mai ndia, maka sososa na, hataholi ndia matetu-mandaak, fo basa soona, ana hii ka'da mole-dame, hala-kokolan mangana'uk, ma ana tunga paleta. Dale na henuk no susue-lalaik, fo susue-lalaik ndia, nabuna-naboa tatao-nono'i malole. Hataholi ndia ta mana metematak, ma ta manadea dalek fa.

YOSUA 18:1

Langatuu-la Manetualain helu nusak-ka boema, hataholi Israel-la lala'en-na, lakabubua nai Silo, de lapadedeik Lalaa temak soaneu Manetualain mamain-na.

SEMUEL SUSULAK-KA ESAN-NA 3:13

Au afa'da basan ae neukose Au huku teidale-bobongin-na losa dodoon-na, nanahu anan-nala lakamumulu-lakamamaek basa Au so. Eli bubuluk sila sala-singon ndia, tehu ta namanasa fas.