SEMUEL SUSULAK-KA ESAN-NA 2:28 - Susula Malalaok Hehelu Palak Ma Hehelu Beuk

²⁸ Neme basa leo Israel-la lala'en-na mai, Au hele basa teidale-bobongin-nala da'di Au imam so, fo lalalau-laoono nai mei tunu-hotuk-ka, tunu boomenik, ma pake ba'du efod, metema ala kokolak loo Au. Ma Au fe basa hak neu sila, boema sila tititi-nonosin, fo ala ho'i baba'ek neme tutunu-hohotuk fo nanatunuk nai mei tunu-hotuk-ka.

SEMUEL SUSULAK-KA ESAN-NA 2:28 ပူးပေါင်းရင်းမြစ်များ

2 SEMUEL 12:7

Boema, Natan nafa'da Dauk nae, “Ama Manek nde hataholi ndia! De Manetualain Manakoasa, fo Israel Manetualain-na, nafa'dak-ka nde ia nae, ‘Au so'u basa o da'di manek neu Israel, ma Au soi-po'i o neme Saul mai so.

2 SEMUEL 6:14

Basa boema, Dauk foti-longe no namahokok nanseli, fo ana fe ha'da-holomata neu Manetualain. Nai lelek ndia, ana pake ka'da si'di abalutu keke'uk, de ana pa'an nai tala'dan-na.

KELUARAN 28:1

“Maloo-ma Harun fo o ka'am-ma no anan-nala, Nadab, Abihu, Eleazar ma Itamar fo hele hehelik-kasa fo ela lalalau-laoono Au da'dileo imam.

KELUARAN 28:4

Boeo madenus fo ala tao babaa fanak, efod, ba'du manalu, ba'du kabaek nanaseu-soo mana'a hiik, tema fefeo langak ma kalikee. Ala muse tao bua-papake imam ndia soaneu o ka'am Harum no anan-nala fo ela ala hapu lalalau-laoono Au da'di leo imam.

KELUARAN 30:7

Tunga-tunga fafain-na, nai lelek Harun mai sadia banuk-ka, muse ana tunu boomenik nai mei tunu-hotuk ndia lain.

KELUARAN 30:8

Ana tao leondiak boe, nai lelek ana de'de banuk-ka nai fai le'donoson-na. Tutunu-hohotu boomenik ndia, muse taon nakandondoo henin neme bobongik leo bobongik neu.

IMAMAT 2:10

Nana'ak ndia lenan-na soaneu basa imam-mala. Nana'ak ndia malalao-malalafuk nanseli, nanahu ho'in neme nana'ak fo nanatunu-hotu basak soaneu Manetualain so.

IMAMAT 2:3

Tutunu-hohotuk nana'a lenak-ka nde been-na, soaneu basa imam-mala. Tutunu-hohotuk ndia malalao-malalafuk nanseli, nanahu ho'in neme nana'ak fo tunu-hotu basan soaneu Manetualain so.

IMAMAT 6:16

Muse ana tao ha'desopu lenak-ka da'di loti fo ta pake laluteik fa, fo imam-mala la'an nai mamanak fo nanahele hehelik, fo nde: nai Manetualain Lalaa Teman-na so'dan-na. Fo Manetualain fe basa imam-mala baba'en neme tutunu-hohotu nana'ak-ka mai-a, nde ndia. Nana'ak ndia malalao-malalafuk nanseli, sama leo tutunu-hohotuk fo sala-singok hapu do'o do ampon, ma tutunu-hohotuk bae hutak-ka.

IMAMAT 7:32

Muse fe sakibolo konan-na, da'di leo tunu-hotu hehelik

IMAMAT 7:36

Nai faik ndia, Manetualain paleta leoina Israel-la, fo ela neme basa sila tutunu-hohotun mai, baba'ek ndia nde soaneu basa imam-mala. Leoina Israel-la, muse tunga nakanenetek ia-la losa dodoon-na.

BILANGAN 16:5

Boema, nafa'da Korah no hataholi manalook-kana nae, “Balahaa fafaik soona, neukose Manetualain natu'du fe ita, see kande Ndia nuun, ma see kande nanafe hehelik soaneun. Hataholi fo Ana helek-ka, neukose Ana fen loak, fo ana deka non.

BILANGAN 18:19

Losa dodoon-na, basa tunu-hotu hehelik, fo hataholi Israel-la, leni fen leo Au mai, Au fen leo o, ma leo o anatou-anainam neu. Nakanenetek ndia nanapakek losa dodoon-na, ma ana da'di hengenee-balataak esa neu Au ma o, ma o tititi-nonosim.”

SEMUEL SUSULAK-KA ESAN-NA 14:3

(Imam maneni ba'du babaa fanak-ka nde Ahya, fo Ahitub anan-na, fo nde Pinehas anan Ikabod tolanon-na, ma Pinehas, fo Eli anan-na, fo Manetualain imam-ma nai Silo.) Laun-na boeo, tabubuluk lae Yonatan la'o neme ndia mai so.

SEMUEL SUSULAK-KA ESAN-NA 2:18

Ndia te, Semuel fo bei ni'iana ndia, nalalau-naoono nakandoo Manetualain. Ana pake ba'du nanaseu hehelik neme tema abalutu mai, sama leo basa imam-mala ba'du makaluku-makatelen.