SEMUEL SUSULAK-KA ESAN-NA 2:20 - Susula Malalaok Hehelu Palak Ma Hehelu Beuk

²⁰ Boema Eli fe baba'e-papalak neu Elkana no saon-na, de nafa'da Elkana nae, “Sa'di leo been-na, Manetualain fe seluk o anak neme o saom ia mai, fo ana nggati ni'iana fo o fe basan neu Manetualain so.” Basa ndia boema, ala fali le'us leo Rama leu.

SEMUEL SUSULAK-KA ESAN-NA 2:20 ပူးပေါင်းရင်းမြစ်များ

KEJADIAN 14:19

boema ana fe Abram baba'e-papalak nae, “Sa'di leo been-na Manetualain Fo Mademaina, fo nakadada'dik basa lalai ma daebafak-ka, ba'e-pala Abram!

MALEAKHI 2:15

Ade, Manetualain Fo Kisak-ka, ta nakadada'dik emi aok esa, ma samanek esa moo inak ndia fa do? Ade, Manetualain dudu'an la'eneu dede'ak ndia, leo beek? Ta fe'ek fa, fo ela emi hapu anak, fo ala da'di Manetualain ana matetun. Da'di, manea aoinam-ma, fo boso nalosak nai emi dalek, hapu nggelok ta lilineka neu saoinan-na fa.

LUKAS 2:34

Simeon fes baba'e-papalak, boema nafa'da Maria, fo Ni'iana ndia inan nae, “Ni'iana ia, Manetualain hele basan soaneu Ana tao namopo-namate, ma Ana soi-tefa na hataholi Israel ba'u ka. Neukose Ana da'di ta'du esa neme Manetualain mai, ma neukose hataholi ba'u ka ala la'ban nana,

RUT SUSULAN-NA 2:12

Sa'di leo been-na, Manetualain balas basa o dale malolem lala'en-na. Sa'di leo been-na, o sipo hata fo nandaa Israel Manetualain-na Ana fen neu o, nanahu o mai fo masulu-mahapa neun!”

RUT SUSULAN-NA 4:11

Boema lasi nggolok-kala ma hataholi manai sila-la lae, “Hei, ami sakasii. Sa'di leo been-na, Manetualain tao o saoinam ndia da'di sama leo Rahel ma Lea fo manabongi fe Yakob anak makadotok-ka. Sa'di leo been-na, o mamasu'i nai leo Efrata hataholin-nala tala'da, ma sa'di leo been-na, o nananita-nalelak nai Betlehem.

SEMUEL SUSULAK-KA ESAN-NA 1:11

Basa boema, Hana kokolak dede'a hehelu-balataak-ka nae, “Manetualain Fo Manakoasa, taoafik neu O atam ia! Mete-makanae atam-ma doi-doson. Mafandendelek atam-ma, fo boso mafandele henin! Metema O fe atam-ma anatouk esa soona, atam-ma naheluk, neukose atam-ma fen leo O neu, fo O soan losa ana mate. Boeo atam-ma naheluk, nae neukose ta nggute langadoo-na fa.”