SEMUEL SUSULAK-KA ESAN-NA 19:7 - Susula Malalaok Hehelu Palak Ma Hehelu Beuk

⁷ Basa ndia boema, Yonatan naloo Dauk, de ana tuin basa dede'a-kokolak na'kasa. Basa boema, no Dauk leo Saul neu, de Dauk nalalau-naoonon sama-na leo makahulun-na.

SEMUEL SUSULAK-KA ESAN-NA 19:7 ပူးပေါင်းရင်းမြစ်များ

KEJADIAN 31:2

Yakob boeo nita, nae Laban ta mangana'uk non so'on, sama leo makahulun-na fa.

1 TAWARIKH 11:2

Neme makahulun eli mai, nakalenak nai lelek Saul bei paleta ami-a, metema solda'du Israel-la leu letee-lata'ti soona Ama Manek nde nauli-nalanga. Bai te Manetualain fo Ama Manek Manetualain-na, naheluk basa nae Ama Manek nde neukose nauli-nalanga anan-nala, ma da'di sila manen-na.”

KELUARAN 4:10

Tehu Musa nae, “Ou, Manetualain, au hataholi esa, ta kokolak alelak fa, nau neme makahulun-na mai, do losa besak ia boe, lelek Manetualain kokolak basa no au. Au maang-nga balakaik-ka, de au kokolak ma'a-ma'a, te ta lai-lai fa.”

YESAYA 30:33

Ana sadia basa mamanak soaneu hotu mane Asyur-ra, neme makahulun eli mai so. Mamanak ndia, madema ma maloa, ma henuk no ai ha'i. Neukose Manetualain tao napila ha'i-a, nenik Ana fuu ani hahaen-na neu, sama leo lee belerang-nga.

SEMUEL SUSULAK-KA ESAN-NA 16:21

Boema Dauk neu leo Saul neu, de ana da'di Saul malalau-maoonon. Saul sue-nan ba'un-na seli, de ana so'un da'di manaho'u tafa-sisilon.

SEMUEL SUSULAK-KA ESAN-NA 18:10

Balahaa, fo lelek Saul bei nai uman dale no ana ho'u teen-na, te no kaiboik duladalek mangalauk fo Manetualain nadenuk-ka, koasan-nan, nalosa natutu-nafepa sama leo hataholi kamulus-sa. Lelek ndia, Dauk bei nakaminak kecapi sama leo mandoo fai-a.

SEMUEL SUSULAK-KA ESAN-NA 18:13

Boema, ana lali heni Dauk neme uma manek-ka mai, de ana so'un da'di malangan neu solda'du lifun esa. Hu ndia de, Dauk nauli-nalanga solda'dun-nala nai musu dale.

SEMUEL SUSULAK-KA ESAN-NA 19:6

Yonatan hala-kokolan taon-na Saul dalen-na nasafali, de ana soo pake Manetualain na'den-na, nae neukose ana ta taonisa Dauk fa.

SEMUEL SUSULAK-KA ESAN-NA 19:8

Basa boema, natee-natatik-ka da'di seluk loo hataholi Filistin-nala. Dauk sapu-nalas, de ana sengi la'iesak-kasa, nalosa lalai.